الي نسى احداث الرواية يقرا اخر بارت على الاقل عشان يتذكر قبل قرائة هذا البارت..و اترككم مع الرواية!!
.
.
.
في و بدون مقدمات ضمته.. بادلها فيصل الضمه و حس ان في بدت تضمه بشده اكثر و اكثر.. بدون م يستغرب هو بعد ضمها اكثر و اكثر..
في*
ي الله.. هذا هو الاحساس بالامان؟؟! الاحساس الي سلبه مني ابوي.. الاحساس الي الكل يركض وراه.. هذا هو؟!!.. الحين عرفت ليش يعظمون هذا الاحساس.. الأمان!
تداركت نفسي لما استوعبت اني للحين اضمه.. بس شكله هو بعد مفتقد ال.. حنان!!
.
: ي عصافير الحب انتوا يلاا انا و بدر ولعنا النار!
ابتعدت في بسرعه عن فيصل و الاحراج كان مسيطر عليهم..
في: اي كويس لأن الظلام بدأ يظهر..صحيح وين نبض؟؟
نور: كانوا يسولفون بس مدري وين اختفوا.
.
.
فهد و نبض كانوا قاعدين على حجاره و قدامهم الشمس الي بتغيب بعد دقائق..
الهدوء كان يعم المكان..كانوا مرتاحين بهالصمت..م شعروا بأي غرابة او عدم ارتياح..بالعكس حسوا كأنهم يتكلمون عبر قلبهم...
لاحظت نبض فهد الي كان يتأملها من اول م وصلوا و قعدو..
نبض: مدري لين متى بتقعد تتأمل فيني..انت اصلا جايبني هنا عشان تشوف غروب الشمس..يلا ناظر قدامك!
ابتسم فهد: لا تخافين انا اتأمل لسبب ما
نبض:سبب؟ منجدك شالحجه الغبية ذي؟
فهد: اقصد لا تتوقعين اني اتأمل عشان جمالك ترا..اوكي انتِ جميلة بس انا م اتأمل لذا السبب
نبض استحت من كلامه بس م بينت و عجبتها طريقة كلامه و اسلوبه..استدارت بكامل جسمها بإتجاهه: سيد فهد..واضح ان عندك اشياء كثير لازم تشرحها لي..اسمعك
فهد: معندي شي..انا بس قاعد اشبّه فيك بأحد و للحين مدري تشبهين من
نبض: انا م اشبه احد
فهد رفع حاجبه: و بدا عرق الثقة يطلع مره ثانية
نبض: هاهاها مره تضحك..ظريف
فهد: م قلت شي يضحك
نبض: محد يشبهني لان شخصيتي هي الي كونت ملامحي..و محد ابدا شخصيته بتكون مثل شخصيتي
فهد: قوية؟ قاسية؟ عديمة الرحمة؟غير مبالية؟
نبض: بالظبط
فهد: هذي مو شخصيتك..
نبض بثقة: انت م تعرفني عشان كذا لا تتفلسف و بعدين الظلام حل و م رح نقدر نرجع لمخيمنا يلا قوم
قامت نبض و مشت بخطى سريعه تحاول تتهرب من الموضوع بس وقفها صوت فهد
فهد: نبض..كل الي قلته مجرد تظاهر..مظهرك هو الي يوصفك بأنك قوية بس عيونك فاضحتك..انا متأكد ان بداخلك طفلة بريئة مالها اي ذنب ب الي يصير بحياتها..طفلة تحتاج لأحد يفهمها..هذي انتِ الحقيقية!
اخترق كلام فهد قلب نبض..لأول مره تحس ان في شخص فاهمها و يدري وش الي بداخلها..الدموع بدأت تاخذ مسارتها بس وعدت نبض نفسها انها م عاد تبين ضعفها لأحد و خصوصا لرجال..
استدارت نبض بوجه فارغ من التعابير: خلصت فلسفتك؟..معليش نفسيتي واصله لخشمي و ابي ارجع للمخيم..عادي نسكر الموضوع و نتفاهم بكره؟
قام فهد و بصوت ثابت: تحت أمرك!
.
.
.
في و نور و بدر و فيصل كانوا متجمعين حول النار و كل واحد مغطي نفسه ببطانيه مو لأنه برد..لأن كذا يحسون بالأمان..
نور: انا فخورة بنفسي لهالانجاز الكبير
التفت بدر لها بإستغراب: عن اي إنجاز تتكلمين؟!
نور: عن اي انجاز؟! اني ولعت النار طبعا..حبيت بس اثبتلكم اني شخص أُعتمد عليه
قاطعها بدر: لحظه نور خير انا الي--قاطعته نور بصوت عالي و توسعت عيونها و هي تناظره: و طبعا م رح انسى مساعدة بدر لي ف هذا الانجاز
ابتسم فيصل على تصرفاتهم العفوية و الطفولية
في الي م قدرت تدخل جوهم لان تفكيرها مشغول الحين عن نبض..
في بصوت هادي: جماعه..ليش نبض و فهد م رجعوا للحين؟!
فيصل: لا تخافين هي ف ايدي امينة و فهد حافظ ذالمكان اصلا
في بتوتر: اخاف نبض تضيع منه..و م معهم جوالات كيف نتواصل معهم؟!
بدر: اكيد م رح ياكلهم ذئب مثلا او يضيعون بالظلام ذا
زاد في توترها بعد م سمعت كلام بدر...افلام الرعب و قصصها بدأت تأثر على مخيلتها و تخيلت اشياء بشعه ممكن تصيرلهم!
فيصل: بدر.. ليتك سااكت!
بدر: بس م قلت شي غلط
نور بقلق: امانة صدق في ذئاب هنا؟؟!
تنفس في صار ثقيل حست انها تدور..
قامت بسرعه: بروح ادور عليهم!!
فيصل: في ويين رايحه مجنونة انتِ؟!!
بدر: استهدي بالله ي في ان شاء الله بيرجعون
نور قامت: انا بعد بروح معها
تجاهلت في كلامهم و كملت خُطاها بس فجأة حست العالم كله صار اسود و انهار جسمها عالأرض!!
نور بصراخ: فيييي!!
.
.
.
يتبع..
هاايي قاايز..اولا شكرا على القراءة و اتمنى انكم استمتعتم بالبارت و ضروريي احتاج ارآكم الي تشجعني+ سوو لي فولو على حسابي عشان تعرفون مواعيد البارتات و اخر المستجدات المتعلقة بالرواية..يلا روحوا الحين...ولا تبخلون علي بالفوت و التعلييق..
25 فووت!!!
دمتم ساالمين 👋
أنت تقرأ
'وعدني قلبي أن لا يحب... ف خانني و عشق!'
Romanceنبض ...فتاه انقلبت حياتها 180 درجه بعد موت اهلها تحولت تلك الفتاه المرحه الجميله الرقيقه الى فتاه قويه مسترجله عنيفه لا تعلم معنى الحب فهل ياترى ستلتقي بالشخص الذي سيعيدها الى ماكانت عليه ام لا؟! مصممة الغلاف الرائعة: i_191
