الرجل الوحش

الرجل الوحش 3

الرجل الوحش

الحلقه 3

امجد بزهق هتقولي ايه اللي حصل ولا بلاش

انا جاي تعبان ومش طايق نفسي من السواقه والارف اللي بشوفه

والبهايم اللي ماشيه تسوق

ماتجيش تكملي علي بقيتي واخش الاقي غم ونكد وعياط وتحت عياط عامل زي اللي داخل عزاء مش داخل بيتنا

شهد :خلاص ياامجد مافيش حاجه

فجذبها اليه

دا كله عشان امي قالتلك عاوزه تشوف خلفي

شهد :هي لحقت قالتلك

امجد :وقاعده تعيط تحت

شهد :كمان هي اللي بتعيط هو انا عملتلها حاجه

امجد :شهد دي امي ونفسها تفرح بخلف ابنها ماتلوميهاش اي ام كده

شهد :وابني افطمه ازاي ف السن ده حرام دا 8 شهور ياناس

لو ابنك هتقول كده

امجد :يوووه ابنك ابنك وانا قصرت معاه

كل اللي بتحتاجيه بجيبه

شهد :مش قصدي

بس دول بيعدو عليه علبه الزبادي اللي بجبهاله

كمان عاوزني احرمه من لبن امه

امجد :انا قلت اللي عندي والي عوزاه اعمليه

شهد تديره لها

وعيناها اغرورقت بالدموع

طب حتي شهرين كمان بلاش لمايوصل سنه

امجد :وابقي انزلي راضي امي

شهد :والله ماعملتلها حاجه

امجد :معلش اعتبريها امك وزعلانه منك مش هتصالحي امك

شهد :حاضر ياامجد

امجد: طب انزلي راضيها علي مااخد دش واحصلك

شهد :مش تتغدي الاول انت ماكلتش من الصبح

امجد :لما تطلعي

ونزلت علي مضض ولكن هيهات لهذه المرأه ان ترضي عنها

وشهد تحاول معها هو انا زعلتك ف حاجه ياماما

ام امجد :وانتي تقدري تزعليني

شهد :لا طبعا ماحدش يقدر يزعلك

وبعد محايله طلعت شهد لزوجها مكسوره من هذا التعامل معها

وكانها لمجرد انها مطلقه ومعها طفل فقد اجرمت اوفعلت فاحشه او ذنب لا يغتفر

.....______________........

اما جبل فيستأذن جدته ان يذهب للصعيد لمقابله خاله مسعد

والباقين من اهله هناك واولاد اخواله