الرجل الوحش
الحلقه 20
بعد ان خرج الطبيب واوصله هاشم
كان جبل بجوارها
مبرووك حبيبتي اخيرا هيتحقق حلمي وهبجي اب خلاص
اني الدنيا مش سيعاني
لتصدمه بكلماتها
وانا مش عاوزه الطفل ده
ليجذبها من يدها بقوه
انتي بتجولي ايه اتجنيتي ف نفوخك عاد
زينه :لا ماتجننتش انا عقلت حبي ليك كان اكبر جنان مش ممكن اطلع الطفل ده للحياه واقوله ابوك ايه زعيم مافيا بيتاجر ف السلاح والبودره واعضاء بشريه واثار واي حاجه تتخيلها وممكن مصيره يتخطف ويبعتهولك اعضاء بشريه تتاجر فيها ولا يشرب مخدرات ويبقي مدمن
انا مش ممكن استمر معاك لحظه واحده
يجز علي اسنانه انتي مافهماش حاجه
زينه:طب فهمني ولا هتقول ايه دا انا سمعاكوا بوداني
جبل :سكري خاشمك واياكي تجيبي سيره الطلاق علي لسانك ولو عملتي حاجه ف الولد ده يازينه هتحصليه
ولو فضلتي منشفه نفوخك ده هكسرهولك وهحبسك اهنه واكتفك كومان لحد ماتولدي
وهجيب حراسه ستات عليكي يراجبوكي طول النهار
ماتجربنيش يازينه انتي ماتعرفنيش زين
زينه :فعلا انا معرفكش خالص
انت مش جبل اللي حبيته ابدا
فخرج واغلق الباب بقوه يستند عليه
ياريتني اجدر اخبرك
بس اكده هتبقي ف خطر اكبر لو عرفتي خليكي بعيد يازينه وجصاد عيني هقدر احميكي لكن حتي لو سفرتك مصر هيطولوكي
دي ايدهم طايله
انما اكده جاري متطمن عليكي المهم ماتتهوريش ولا تعملي حاجه تندمي عليها العمر كلياته
وهي تبكي بفراشها
مش عارفه اعمل ايه حتي الموبيل خده معاه عشان مااكلمش حد
ااه في الكارت كان معايه بتاع يوسف المصور
يمكن يقدر يساعدني بس لما يمشي احاول انزل المكتب يمكن الاقي الموبيل بتاعي او اي تليفون
وبالفعل بعدما خرج
كانت ساره في مكتب الفيلا وتعمدت تتلجلج وهي تضع كاميرا فيديو ف الدرج وتركت المكتب مفتوح رغم التنبيهات
لتدخل زينه وتفتح الدرج وتخرج الكاميرا
وتتحدث الي نفسها هي مالها زي اللي شافت عفريت وخبتها كده ليه
أنت تقرأ
الرجل الوحش
Romansaسنتعرف علي ماحدث لجبل بالخارج في السنوات التي قضاها بالغربه وأيضا افعاله مع زينه
