الرجل الوحش

الرجل الوحش 13

الرجل الوحش

الحلقه 13

وف الصباح جلس مع خاله يفطر واعد لجدته الطعام ايضا

واخذ يحدث خاله

الذي الح عليه ان يكمل الحكايه

جبل يبتسم ماشي ياخال

اني جلتلك وافقت عشان الجو الملبش اللي حوليا وحبيت اطمنهم ان الفلوس اهم شيء عندي ولما وافقوا وافقت

وطبعا عنديهم الفيديو قال سايبينه ضمان عنديهم عشان لما اكبر وابقي ليا تقلي ف السوق اخاف علي سمعتي واتهدد بيه

مايعرفونيش المهم خدتهم علي جد عجلهم

وخلصوا الاوراق كلياتها ف غمضه عين وبقيت جبل بيه لا جول باشا كمان

واستلمت الشركات اللي كان بيديرها الجتيل المأسوف علي شبابه

مسعد :وجتلوه ليه

جبل :ماخابرش جالو خاين وطماع لكن ايه بالظبط اللي عيمله ماخابرش

المهم كان لازم ساره تبقي سكيرتيرتي عشان تنقل كل اخباري طبعا واني عامل زي الحمار ولا اكني واخد بالي

مسعد :وشغلهم كان ايه

جبل :كل اللي تتخيله ياخال

سلاح وبدره وكل المخدرات و اعضاء بشريه واثار وكل ماتتخيله ياخال مافيا علي وسع جوي جوي ياخال والتقيل جاي ورا

مسعد :وكيف تشتغل وياهم ياولد

طب السلاح ده عادي شغلتنا لكن مخدرات واعضاء واثار ده اللي لايمكن نرضا بيه

جبل :اني لو رفضت او اتكلمت هتجتل

كان لازمن ادخل زواريقهم وافهم بيعملو ايه عشان اقدر احدد اللي هعمله

المهم بعد سنين شغل وجمعت فلوس كتير وكنت بنفذ الاوامر

بدات اتحرك براحتي واروح واجي لاني كنت متحاصر وممنوع اروح كده اوكده الا باوامرهم

المهم ف يوم اتخلصت منيهم ومرقباتهم وطلعت ع السفاره

وجلتلهم ع العالم دي وانهم واصلين جوي جوي دا ممكن يقتلوا السفير ذات نفسه بدم بارد

المهم عملو اتصالاتهم ولقيت واحد داخل علي يقولي اسافر اليونان وهناك هقابل ناس اقولهم كل اللي حصلي

وانا ف حيص بيص اسافر ازاي اني واهرب منيهم ولا اقولهم ايه

المهم روحت طبعا كله واقف وعينهم هتطق شرار

وكان ف يدي الموبيل واني شايفهم من بعيد رحت متصل بيك

وجلتلك نفسي هفاني ع الجبنه الحادقه ياخال