فصليه الشيخ محمود

البارت الثاني

الكاتبه ..ام علي الخفاجي
في بيت جوري

كعدت ب٧ صباحا واني كلي نشاط
رحت للحمام غسلت ولبست ملابس المدرسه طلعت من الغرفه لكيت ماما وبابا واخواني ع ميز يتريكون

صباااااحو الفل
شلونكم
الكل..صباح الورد
ماما..تعاي حبيبتي تريكي
جوري.ماما حاف بعد ماللحك
ماما. حبي بس فتحي ريكج وابووج يووصلج
جوري .ماشي يله .بس اريد جبن تعرفون بيه نباتيه واي شي يخص الحيوانات ماكله خطيه حرام تره 😭
ماما.اكو اجبان بلثلاجه جيبي
جوري.اوكي صار ماما .
..رحت طلعت جبن الصباح عشقي وصبيت كوب شاي وطلعت مربى سفرجل وصمون حار ابو السمسم وكعدت اريك
يله بابا بعد مالحك
يله كومي ماعندي شي جنمت منتضره تكملين
طلعنه اني وبابا ووصلني للدوام وراح للمدرسه

دخلت للصف .سلام عليكم
البنات. وعليكم السلام
ايات. هلو جوري حبيبتي شلونج
جوري..الحمدلله خايفه من الرياضيات
ايات. اي والله اني هم خايفه
جوري...اي لعد خلي نراجع سووه
ايات ..يله
بلشن ه مراجعه وره ٥ دقايق دك الجرص وضلينه بكل فرصه نقره لمن اجه الدرس الثاث والامتحان
هنا بطني صار بيها انواع لالم من الخووف
بدت المدرسه تطرح الاسأله واحنه نكت بلورقه لحدما كملت وبلشنه نحل
جنت كلش مندمجه بلجواب لان حافضه والاسئله اعرفهن
والحمدلله عدت سلامات وجاوبت كلش زين
سلمت الورقه للمدرسه وطلعت بلساعه افتر

خلص لدوام ورجعت للبيت
ولكيت ماما دتحضر بلغده ومنتضره الكل يجتمع ع غده

مرحبا ماماتي
هلا حبيبتي
شلونج بلمتحان
والله زينه كلش كلش كلش
عفيه ببنيتي ورفعت راسي اريد طلعين طب وكلها تكول بت امل دكتوره
انشالله ماماتي بس دعووواتج اهم شي
اكيد ماناسيتكم بلدعاء .الباب تندك فتحيها وبدلي
اوكي ماما
فتحت لباب. هلو بابا
هلا حبيبتي
بابا حضر الهديه تره ١٠٠ بلرياضيات
عاشت ايدج انشالله اجيبلج بس افرغ .اجه اخوج
لاوالله بعده بس ع جيه بس زهورة اجتي
رحت بدلت لبست ترك نيلي ووردي واجيت
اندكت الباب .فتحتها ولكيته سرمد
هلو حبيبي
هلا بلخبله ام لسان
منو ام لسان😑
انتي
اني ليش شكايله شحاجيه اني
هههه هسه تبلشين وتستلمينه
ههههه عابت الك
الج
الك
الج
الك
الج
بابا... يابه كافي تره تعبانين
ماما .تعاي جوري سوي زلاطه
اوكي ماما اجيتي
يلا كملنه تعالو تغدو
سرمد .عفيه بلخدامه السرلنكيه
لابله احترم نفسك اني ماخادمتك
اشش جيبيلي مي ياسرلنكيه
جيب لنفسك اني شكو
مو انتي السرلنكيه مالتنه
استغفر الله😡 اشرب
عفيه ببنيتي.
راد يأخذه شمرته بوجهه وشردت
طاح حضج اي والله اصبريلي
هههههه لابله شسوي مثلا
اكسر راسج
ابويه هنا هسه اصيحله وفنك تمد ايدك
ماما.. تعالو تغدوو وينكم لاكل برد
ركضت وكعدت بصف بابا
بابا حبيبي
خير
خير الي يصيبك يعمري
شكو كليلي شعندج😑
لاماعندي شي بس احبك
متأكده ماعندج شي
اي ماعندي
اجه سرمد .كعد بصفي
بسيطه اني الج
خوفتني
اله اخليج تتوسلين اوكفي ياسرلنكيه
ع شنو اتوسل لجبار ابو المولده
نشوووف
نشوووف
سرمد .اكلك بابا
كول وليدي
اريد اشتري سياره
شسوي بيها والله اخاف عليك من الحوادث
اريدها والله كل اصدقائي عدهم ضلت عليه فدوووه منو ووليدك
ميخالف من نفرغ نروح للمعارض
تسلم بابا متقصر
كملنه اكل وكلمن راح ع غرفته
دخلت لغرفتي حبيبتي
سويت الجدول مال الدروس وحضرت الكتب ووقتت التلفون ونمت
كعدت ب٣ونص
وبلشت قرايه لان باجر عدي امتحان احياء شهري ولازم اخذ درجه زينه واهم شي احقق حلم اهلي واطلع طبيه
كملت ب٦ الدروس اليوميه وبلشت بلمتحان من ٦ ل١٢
لان اصلا اني حافضته من اليومي يعني مراجعه كملت ونمت
كعدت ثاني يوم مثل اي يوم كلي نشاط
غسلت وبدلت وطلعت
هلوووووووووووو
سرمد ..وجعووووووو
شبيج ماكله مطي من الصبح وهيج كاعده
جوري.ايييع شوفي لالفاظ المقرفه
سرمد .اكعدي وسكتي لدوخيني
كعدت اكلت بسرعه ورحت للمدرسه
مرحبا بنات
مررراحب
ايات..بشري شلونج وي لاحياء
جوري... زينه بس يراد مراجعه حتى اضبطها
ايات .يلا خلي نبلش نراجع
كعدنه راجعنه لان ثاني درس لامتحان والحمدالله ولا غلطه وكملت اول وحده انطيت الورقه للمدرسه وطلعت كعدت بلساحه وره ٥ دقايق طلعت ايات وكعدنه نراجع بلاسأله وطلع عدها اغلاط واني ولاغلط .

مرت لايام والمتحانات خلصت انطونه السعي وجانن درجاتي يجنن اقل درجه٩٨ اهلي كلش فرحوو بيه
وابويه كال اذا نجحتو بلامتحانات  اخذكم سفره لبغداد
واحنه فرررررحنه وكيفنه
مابقى شي راح تبدي امتحانات نهايه السنه واروح للخامس
بلشت اقره ٢٤ ساعه ابد ماطلع من الغرفه لاكل والنسكافي والكهوه والنمنمات توصلي للجربايه
بدت لامتحانات وبده لسهر والقلق ولخووف
امتحنت اسلاميه وجنت كلش زينه
ثاني امتحان جاان عربي وهم زينه بي
الحمدلله كملت الامتحانات
وجنت منتضره النتائج
صادف يوم لاحد
كعدت من الصبح كلعاده غسلت وبدلت
وابويه وصلنه للمدرسه
وهنااااا لخووووف جان سيد المووقف
سلمو النتيجه
وطلعت ناجحه بمعدل ٩٩
جنت فرحاااانه كلش رجعت لهلي
هلو ماما
هلو بابا
هلابيج بشري
معدلي ٩٩
الام .كللللللوش الف مبروك حبيبتي تعاي ابوسج
الاب .مبروح حبيبتي جوري
رحت بستهم ثنينهم وبوست اديهم
اذا طلعو اخوانج ناجحين عكب باجر انروح لبغداد

شكرررررا بابا
انشالله
انشالله

اجوو اخواني وجانوو ناجحين الحمدلله .
بدينه بلتحضيرات حضرت ملابسي
واخذت احلى ملابس عدي
ونمت ثاني يوم كعدت ب١١ الضهر
تريكت وبدلت وعاونت ماما ع غده وع تنضيف البيت بعدين كعدت اسوي ماسكات وكريمات لوجهي
كملت ورحت تمددت لان باجر عندي كعده من الصبح بس اريد اغقى ماكدر افكر بلسفره وبيت خالتي الي بغداد وبكلشي الى ان غفيت

يتبع