فصليه الشيخ محمود

البارت الثالث

الكاتبه... ام علي الخفاجي
ادري بعدها ماصارت ال١٠ بس من الضهر كملت كتابه البارت فراح انشره

كعدت ثاني يوم للحمام ٠ركض سبحت ولبست بنطرون وتيشرت وسويت ضفيره وطلعت غراضي وملابسي الي اخذهن وياي ورحت تريكت وي الكل
الام.يله عيني كملتو هم ياله نطلع حتى هناك غدانه عند بيت خالتكم
اي ماما خلصنه يله
طلعنه ركبنه بلسياره
واكيد اني يم الجامه واباوع ع طريق شوووكت اوصل اني كلش متحمسه مر الطريق ع اغاني كاظم الساهر والسوالف والضحك
واخيررررررا طبينه بغداد
ووصلنه لبيت خالتي سعاد
سلام عليكم
الكل ..وعليكم السلام
شلونج خاله سعاد
هلاحبيبتي انتي شلونج
الحمدلله
هلو عمو
بعدين اجو اولادها عدها ٣ وكلهم كبار
حسنين وحسن وحسين
سلمت عليهم سلام عادي ورحنه ارتاحينه وبدلت ملابسي وكعدنه تغدينه و نسووولف ونضحك صدك ارتاحت نفسيتنا
الولد كالو نامو والعصر نطلع
نمنه كل احنه كعدت ب٤
سبحت ولبست ثوب طويل ربع ردن كلش نازك وشلت شعري ذيل حصان
وطلعنه للزوراء وفترينه واكلنه كلش تونسنه وضلينه نتناقش بمواضيع عامه
سرمد ..بابا نطيني البصمه مال السياره دقايق واجي
الاب. وين تروح عيني وانت سياقتك مومضبوطه
سرمد .. اجيب كم حاجه محتاجهن واجي
الاب. يله ميخالف بس ديربالك وانت تسوق ولتمشي سرعه
سرمد ...انشالله بابا

سرمد... طلعت اروح اشتري شغلات ودامشي وجان ابويه اتصل عليه اريد اطلع التلفون فلت ووكع مني نزلت اريد اجيبه ومااحس غير ضربت واحد هنااا كلشي انتهى حسيت حياتي كلها توقفت وانتهت ضليت خايف انزل ركض نزلت وجان اشوف رجال جبير بس قووي ديعبر ونسحك ومرتخ جانت تعبر كدامه مادري شلون ماالحتها السياره هنا فقدت خليته بلسياره وركضت للمستشفى بس دخلته طلعت مبايلي وخابرت اهلي

سرمد ..الو ها بابا
الاب. هلا وليدي وينك ادك عليك وماكو ليش مترد
سرمد ..بابا اللحك تره سووويت حادث واني بل مستشفى وانطيته العنوان
الاب... الف مره كتلك لتروووح بس انت متعاند راكب راسك
سرمد...بابا غير كله قدر قابل عمدن اني ضربته
الاب ..اجيتك يله باي
باي

جوري...هابابا خير شبي سرمد
الاب. مسوي حادث وداعمله رجال وهسه بلمستشفى انتو روحو للبيت واني رايح للمستشفى
جوري..لا بابا نروووح وياك عفيه
الاب .. لاوين تروحين
الام... سوده بوووجهي راح الولد
الاب. دخلي ارووح اشوفهم لتقلقون
جووري... بابا فدوووه خابرنه وطمنه
الاب ..انشالله يلا مع السلامه
الله وياك
رحنه البيت واحنه نبجي وخايفين خاف يصير بلرجال شي ياربي اللطف بحالنه القلق موتنه

في بيت محموووود

سلام عليكم
الكل.وعليكم السلام
ها يمه شلون صرتي
الام ..والله بعدهن يوجعني وابوك كال هل ايام اخذج للدكتور ببغداد كلش زين
محموود. انشالله خير يمه
صبوولي غده جوعان
الام..هسه اصيح الاخيتك تحضرلك غده
ايات يمه تعالي صبي غده لاخوج
ايات..... اي يمه صار اصبريلي دقيقه
ايات ...حضرت الغده ...تفضل خويه
محمود..عاشت ايدج خيه
ايات ... وايدك