فصليه الشيخ محمود

البارت السابع

للكاتبه ام علي الخفاجي

صحت بلكل وكل واحد خنس بغرفته واني رحت لغرفه الحجيه اشوفها
سلام عليكم
الحجيه..وعليكم السلام هلايمه
شلونج حجيه
والله انه زينه بس انت شبيك وي حرمتك
ماكو شي يمه ارتاحي
عجل شنو هاي صياحكم واصله لسابع جار
والله يمه ماكو شي
ضم عني يبن بطني
يمه شضم عنج قابل مشاكل شويه
ماعيفنك اله تحجيلي
ماكو شي بس هي تعاند هواي
اي اذا هيج اكسر خشمها مو بس تعاركها
شكسر يمه تحجين صدك
اي ييمه والله بس كلي واني من باجر اروح اخطبلك واكسر خشمها ام راس اليابس
لاماريد اجيبلي دوخه ثانيه
لادوخه ولاكلشي انت خليها عليه واني اعرسنك
يله اني كايم بس اجي يمج تفتحيلي شكو موضوع مزعج
غير اريدن افرح بيك ياوليدي
اي بس اني ماريد من اريد ازوج اني اجي اكلج
يلا مع السلامه

جوري ...ضليت ابجي ومقهوره شحاسب نفسه هذا ويدخل بيه ويضربني واني عمري كله محد ماد ايده عليه اني اله اله اطلع الضربه من خشمه بسيطه مو اني الي ابجي يلاحبي جوري مسحي دموعج الحلوه محد يستاهل
كمت للحمام اخذت شور بس قريب الساعه ياله طلعت كعدت العب بلوغف مال الشامبو واغني واركص جوه الدوش
كملت شطفت جسمي ورحت بدلت لبست تراك بس شويه بي عرض ونمت كعدت ب٩ بليل ومحمود ماكو
طبه وجع نزلت لكيت الكل يخنزر عليه ويتنادسون
الحجيه.بعد وكت ضلي نايمه
لا خاله شبعت نوم
خاف بعدج ماشابعه ماشوفج نمتي. ٢٤ ساعه بلمطبخ طبخين وتنضفين
جوري..عرفته بسمار فغلست دخلت للمطبخ لكيته مكلوب كلاب سويت عشه بتيته وطماطه لان همه ماكلين وكعدت اكل كملت بلشت بلماعين غسل وتنشيف ورجعتهن بمكانهن وعزلت المطبخ وغسلت لكاع بمعطرات ارضيه صار نضيف بس ضهري نكسر كملت عزلت البيت وهمه كلمن دخل بغرفته عاد اني صعدت واخذت دشداشه محمود جديده تخبل مشتريها لان عده عرس صديقه خليت عليها شويه قاصر صار بيها طكع بيض وخليتلها عطر و رجعتها لمكانها
ورحت نضفت غرفتي ورتبتها وفتحت تلفزيون وكعدت اباوع فلم مصري لل١٢ ياله طب محمود وميتحاجه اني هم غلست عليه شلون يمد ايده عليه بسيطه يمحمودو
كمت فرشت بلكاع ونمت بس ماكدرت انام ضليت احوص لان شابعه نوم وفكره توديني وفكره جيبني شلون انتقم منه تالي غفيت بدون ماحس كعدت ب٧ونص ع طكطكه محمود
كمت غسلت ولميت شعري ونزلت حضرت ريوك للكل
جبن بماعون قطعته مربعات وزيتون وجبن مثلثات ومربى وبيض عيون وجاي وخليتها الهم
كعدو يتريكون بس اني ماكلت ماشتهي اكل من الصبح
كملو ريوكوكلمن راح لشغله اباوع للبيت مو كلش نضيف كلت اني حياتي راح اكضيها كلها هنا عاد خلي اكسبهم ليش اخليهم يكرهوني
بلشت تنضيف لصاله اول شي عزلتها وبعدين نزلت البردات غسل خليت الدرج مسحت المراوح كلهن بلقاصر وسحلت القنفات وغسلت الجواهن والكاع كلها بمعطرات بس غيرت بمكانات القنفات لان جان مكانهن مو نضامي واخذت التحفيات كلهن غسل وتشحيم ومسحتهن ورتبتهن  رجعت علكه البردات طلعت الصاله اجنن وكلها ضلت صافنه وايات خطيه وياي تعاوني ابد ماعفتني وحدي والحجيه ساعه دردم وساعه تكول عفيه بنيتي كملنه درنه للمطبخ همه نولنه لردات وفرغنه الكاونتر كله و كل حاجه نغسلها ونشفها ونرجعها بترتيب وجلفنه السيراميك مال المطبخ بلقاصر طلع يلجلج ونضفنه الكاع وصلنه للطباخ فتحت العيون كلها نكعتها ونكعت الطباخ وبعدين جلفتهن هم طلعن حلوات وبيض جانن سود شالحهم كملنه غسلنه لكاع بس شنو متنه تعب
والحجيه نقهرت علينه ومن شافت البيت صار يلهث كامت تغرد

يمه بنياتي فدوة اروحلجن شنو هل تنضيف والله ماعرفت البيت طلع جديد .
جوري..تدللين عمه اجيت بستها من راسها
وهي ضلت صافنه بس غلست ماانطت اي رده فعل
كتلها بس تعبانين نريدج تريحينه من العشى كالت هسه اوصي الولد ع كباب
اني هم رحت سبحت لان الولد ع جيه وضليت متمدده عاد صدك ب٨ اجو كلهم اني بس شفت سيارتهم بلباب ركض نزلت اريد اسمع شيعلقون ع بيت
.
محمود.هاي شنو شو للبيت اليوم متغير
الحجيه. ..اي يمه هاي مريتك سوته جنه
ها هسه صارت مريتي مو ع اساس تردين تعرسيني هههع
والله مادري هيج لبنيه نادره. عبالي فاهيه .
محمود ..عاشت ايدج جوري
تسلم شيخ .
احضرلكم العشه
الحجيه ..خاف تعبانه يمه
جوري بصدمه..لاححيه عادي
اي بس صيحي ايو تعاونج
انشالله ...
رحت حضرت للكباب وطمطه وطرشي وخضره وخبز وكعدنه نتعشه اني والحجيه ومحمود وحسام وجلال وايات
اعتقد هاي اول مره اكعد وياهم واكل
كملنه لاكل وكمت غسلت ماعين وسويت جاي شربو ورحت نمت جسمي متكسر من التعب من اليوم وضهري يون حتى ماحسيت شوكت اجه محمود ونام

ثاني يوم كعدت الصبح حضرت الريوك وكاعدين نتريك

محمود..يمه حضرتو نفسكم لعرس كرار
الحجيه