فصليه الشيخ محمود

بارت السابع عشر

تحطمت ايامي بهاي الفتره تقريبا شهر واني حياتي بس نوم وشغل حتى الاكل شبهه كطعته مو عمدن بس مالي شهيه من الخنكه احس كلبي متروووس هم وحزن وماكدر افضفض او احجي او ازعل مالي احد هنا ولا اشوفه ولايشوفني واذا شاوفني بمكان لازم الثاني يغير مكانه ع ابو ميريدني ومتريدني  كرهت نفسي كلش حتى الضحكه نسيتها ونسيت شلون الواحد يضحك هو ينام ع جربايه واني بلكاع وكلما احاول افتح ويا موضوع الرجعه مااكدر اقوي نفسي وافاتحه بلموضوع
فديوم جنت كاعده بلغرفه وندكت الباب طلعت ولكيت جلال واكف وحلكه مشكوك من الضحكه

جووري...ها جلال
ولج جرووي اقصد جووري راح اتزوووج .
باوعتله بطرف عيني..جرو بعينك
ههههه ولج تهيت هسه داكلج راح ازوج ولزكتي بلجرو
هههه اي ع خير بس شلون
والله كووه قنعت الحجيه وباجر نروح نخطب ماووصيج اريدج ترحين وياهم
ماااشي تدلل شكم جلال عدنه
هههههه والله فرحان مااصدك الاحبها تصير من نصيبي .
لاانشالله تصير من نصيبك .الله يسعدكم يارب.
شكررا والله مانسالج وكفتج وياي
هههه طبعا متنساها يوميه تعزمني ع عشه رد لمعروفي
ههههه بره منج هسه ليسمعج يكول حررتي فلسطين
لابله فوك ما ساعدتك تره من باجر افركش الخطبه
لاعمي لا العفوو والله شعدنه كم ورده جوريه بلبيت
ههههه اي عفيه عفيه بلحباب
يلا اني رايح
الله وياك
رجعت طبكت الباب واني فرحانه الجلال كلش  اوووف شيصير لو تنطي شويه من احساسك ومشاعرك لاخوك بلكي يحس بيه ويعشكني ضلت افكرر لمن دخل محمود ضليت اقوي بنفسي
اي جوري لازم تحجين
لشوكت ضلين خدامه هنا وهو ميحبج ع اقل هناك تعيشين حياتج وتكملين دراسه وتنسي هنا اذا مكابلته شلون تنسي وهو كدامج طاب طالع ضليييت اقوي بنفسي الى ان شفته تمدد ع جربايه

احم احم  محمود
هو ويباوع للتلفزيون..نعم
عدي موضوع اريد احاجيك بي
خيررر
بس باوعلي حتى احجي شلون احجي وانت عينك ع تلفزيون
دار وجها وكال.خير كولي
شووف اني تعبت هنا حالي حال الخدامه لشوكت اضل هنا بس شغل وكراب
ليش اكو واحد مضايقج وشغل مو اله تشتغلين اني احاجي ايو هي تنضف وانتي مالج شغل بكلشي اذا تضوجين
لاموهيج السالفه بس اني مشتاقه لهلي اريد ارجع واعيش حياتي وارتاح واكمل دراستي ازوج استقر
هااا كولي هنا الحجي تردين تعرسين
مو قصه اعرس يعني اني كلت كومت احلام وانت جلبت بهاي الكلمه واصلا هي اخر احلامي
اي اي فاهمج اني صح لتوضحين اكثر عرررفتج كلش زين
لاوالله مو بالي بال...
قاطعني يعني متردين اضلين هنا
اييي ماريد
خوش هذا هو التردي يجرالج يخلص عرس جلال واني اوديج بيدي
هههههه شكرا والله مراح انسالك هل معروف بحيياتي
(محمود بكليبي...لهل درجه مترديني وتريدن ترجعين لهلج وفرحانه )
يلا كوومي طفي الضوه اريد انام
تمام
طفيته وركضت لفراشي تمددت وافكررر
الله واخيرا راح ارجع للهلي ولامي وابويه وسرمد وزهراء ودراستي وصديقاتي وحياتي قبل ههههههه الله مااصدك ابدددددددد
زين شلون اروح ومحمود اني احبه شلون اكدر افاركه
لاجوري عادي لازم تتعودين شويه شويه لحدما تنسي
معقوله يجي يوم انسى
لامستحيل محنود مينسى شخصيته اسلوبه عصبيته شقى وضحكته تخبل وعطره شلون انسى
والددمووع كامت تطافر من عيوني عبالك عدهن سباق
لحدمااا نمت واني فكره توديني منا وفكره جيبني منا
كعدت الصبح ب١١ ع دكت الباب
بصووت ناعس ...منوو
ايوو.اني حبي كعدي اليوم نخطب الجلال هم ياله نخلص شغلنه لان من وقت نروح
اي هسه جايه
اوك انتضرج
كمت غسلت وبدلت لبست دشداشه قصيره ونزلت
لكيت الحجيه كاعده كامت تبسر ونايمه وللضهاري ولاسداد ولارداد عاد اني غلست عفتها ورحت للمطبخ سويتلي لفت جبن وكوب شاي واكلت ع واكف وبلشت تنضيف وغده لان بعد مالحك وايو وياي هي سوت البيت واني مطبخ وماعين وغده كملنه تغدينه ورحت سبحت ولبست بنطرون كابوي فاتح وقميص وردي للحجل ابو اللفه وسشورت شعري وخليت مكياج ولبست كعب وردي وعطر واكسسوارات
شويه ةصعد محمود يبدل ويباوع
انشالله راح تطلعين هيج
لاحضرت جبه وحجاب
ايي زين
كملت لبست الجبه وشال وردي جنطه ونزلت
الحجيه ..ها يمه شو صايره عروس اليوم
هههه اي لعد غير راح نخطب وعدنه فرحه
ههه يله طلعي
خلي اشوف ايو
دخلت لايو لكيتها كاعده تبجي
شبيج حبي
مابيه شي
دحجي شبيج اني مو مثل اختج
ماعندي ملابس حلوه وحايره شلبس وملابسي كلهن عراض وشحالهن وتدرين هناك علي واريد اطلع مرتبه

ههههه هنا الحجي دكومي كومي وياي لفوك وشغلتج مقضيه
لاشكرا ماريد راح ابقى هنا
دااكلج امشي وماعليج
ماشي
طلعنه من الغرفه وجان محمود نازل كال يلا نطاع
صحت بس دقيقه كال لاتأخرنه
حباب حباب والله ماتأخر يله بسرعه
ماشي
صعدنه ركض طلعتلهل بنطرون نيلي وقميص سمائي نازك كلش يوصل لتحت الركبه وبي فيونكه وساعه نيلي وحجاب رصاصي ونطيتها جبه وكتلها من توصلين نزعي هي كيفت وبسرعه لبست ونزلنه وكلهم ضلو يباوعون لايوو
الحجيه ..هاي شنو لابسه اليوم ماعرفتج
جووري.يمه فل ير عرس اخوها عوفيها فرحانه
اي قابل اني شكايله بس طالعه حلووه
محمود..كافي امشونه عاد
حووري..طلعنه ووصلنه للبيت نزلنه وكلها سلمت وتلكوهم بلهلا والمرحبه وكلنه كعدنه سوه لان كرايب واحنه نزعنه الجبب وكعدنه وكلها تباوعلنه شويه ودخلت نرجس ونور يقدمن
نرجس طالعه اجنن لابسه ثووب طويل ومخصر نيلي وبي ورده ناعمه سمائيه وشال سمائي
ونور لابسه ثوب بنفسجي بس ماحبها ابد ليش مادري وحتى هي متحبني
شويه ونفتح الموضوع مال الزواج
الحجيه ..والله احنه اليوم جايين نطلب ايد نرجس لجلال ع سنت الله ورسووله البنيه حبابه وحلوه وعاجبتني من زمان
شكرا خيتي والله ع راسي نتشرف بيكم بس بس يجي ابوها واشوره واردلكم الخبر ...تحجي بس بتردد
انشالله خيه يلا احنه نرقع الزحمه
لابعد وكت ضلو ع عشه
لاخيه ماكدر اكعد كعده طوويله اروووح لمجاني احسن
براحتكم
كاموو
يلا نترخص وضلو يتواعدون وطلعو بس الوجوه متبشر بخير وكل واحد ضارب دالغه ليش كلبت وجهه من فتحنه لموضوع وجلال خطيه قلل ووجهه صوفر
وصلنه للبيت دانزل وصاحلي
اكلج جوري معقوله مينطوها الي
لاممعقوله
خاايف
توكل ع الله لتخاف
بس ماشفتي خالتي شلون كلبت خلقتها من درت جاايين ع نرجس
اي شفتها بين عليها الضووجه
ااااخخخ هسه شلون
الله يسهلها لتخاف والله عدي احساس تصير من نصيبك

انشالله الله يسمع منج يلا تعاي خلي نطب
اوكي
دخلنه للبيت كلمن راح لغرفته للييل اللتمينه ع عشه بس محد فتح الموضوع بعد كالو ننتضرهم يردون الخبر ياله نتناقش حتى منسبق لاموور بس خطيه جلال جان كلش خايف ووكلساعه وطلي جوري ماخابرو واني اكله لاوالله محد خابر خطيه فدووور صار مر اسبوووع واندك موبايل الححيه وكل احنه نصرعنه جانت الاتصال من ام علي يعني ام نرجس
ردت الحجيه .....
يتبع

لتنسون التصووويت
وكتبولي توقعاتكم