فصليه الشيخ محمود

بارت٢١

محموود .تخبلت شنووووو تودووها كليلي منو وداها اليوم احرك البيت عليكم
يمه جلال وينكم
الحجيه.هايمه خيرك
يمه شلون تودون جوري لهلها منو سمحلكم

يمه خطيه عوف البت بحالها دمرتها وراح تزوج كاافي عوفها

مو بكيفكم هنا هي مرتي شسوي بيها اسوي محد يدخل فهمتو لولا
وين جلال
هامحمود
ليش وديتها
هي تخبلت وودوني وودوني
اي خابرني اني اتصرف شنو بكيفكم تصرفون
ماقبلت حاولت اهدئها مافاد وكلما احاجيها اكتل نفسي واروح وحدي متكلي شسوي يعني
خرب يومك ع هاي الدكه هسه اذا افلش راسك اكو واحد يكلي ليش
اكو ولحد طلب منكم تدخلون لو بس مخابريني جان عرف اصرف
يمه انت مو جنت تكول اريد ارجعها يعني نفس الشي شنو التغير بلموضوع اول وتالي ترجع هي

عفتهم وطلعت مثل لمخبل افتر بلشوارع شلووون راحت بعد خلص مترجع كله صوجي لازم ماجان اتقربلها تفكيري جان كله غلط اووووف ليش رحتي ليش مو اني احبج

جوووري...وصلت لهلي ..دكيت الباب

ام جوري..منو
اني
منو انتي
دفتحي لباب
ام جووري..فتح الباب ونصدمت يمه بنيتي يمه حبيبتي وشابكنه وضلينه نبجي وكلها لتمت ع الصياح بابا وزهوره وسرمد وهمه مامصدكين ياهو لاكمشه ميهدنيي بعد بووووس وسلام وبجي مااسكتنه اعتقد نص ساعه بلباب وهمه يكولون شلون رجعتي عاد امي صاحت كافي خلي تدخل ترتاح وجوه نحجي
طبينه واني بس ابجي واكلهم بابا شلون هيج عفتني وانت سرمد انتو مو سندي ليش عفتوتي ليش مسألتو علينه والله اموت يوميه هلكد ماافكر بيكم والله لاليلي لليل ولانهاري نهار ليش هيج بعتوني مو اني بيتكم الجبيره
الاب.والله يابابا مانسيناج بس شبيدنه ندري الفصليه اذا راحت بعد مترجع واحنه نكعد نبجي ونسكت ونخاف نتقربلج ويأذوج عيالج 
الام... اوف سوده عليه بنيتي والله ليلي ماانامه وماكو امام مانخيته عاد كون يرجعوج والله واهل البيت ماقصرو كفوو ووفو ورجعوج لحضني بس ماكتيلي شلون رجعتي

يمه تعبت

ليش جانو يعذبوج ؟

لاهمه حبابين وياي بس بعدين زوجي خطب ويريد يزوج واني ماتحملت واجيت

بابا...بس لابدون علم زوجج تره مانكدلهم
لابابا هو كال بس يخلص الزواج ارجعج بس اني ماتحملت لميت غراضي واجيت
منو جابج زين
اخو جلال
زهوره حبيبتي اخذي اختج وروحي للغرفه خلي تسبح وترتاح وبعدين احجوو

الكل ...ماشي

اخذتني زهراء ودخلت للغرفه اطتني ملابس ورحت للحمام دخلت بس ابجي اوووف والله تعبت
ياربي دخيلك اريد القوووه كون انسى واكرهه ع الي سواى ضليت ابجي واسبح مو بيدي دمعت متقبل توكف كوه كملت ولبست وطلعت كتلها زوزه تعبانه خطيه هي ركضت جابت المشط واجت
زهراء حبي اني امشطلج ونامي اني طالعه