فصليه الشيخ محمود

البارت العاشر

رحت حضرت العشه سويت كباب طاوه وطماطه وخضره وزلاطه ووديتها
وكعدنه ناكل سووه
جلال... اي اي اكلي صاير طحشج شكبره

ميلي ولك اصلا جسمي يجنن وكل يوم اللعب رياضه قابل مثلك اني كرشك مترين

وج اني كرشي مترين يلحوله

نوب حوله عود شوفلك مره بجمالي وبعدين احجي😂😂فديتني اخبل

هههههه صدك مخبله .عمي مين الكي مثلج ومثل جمالج

اي اعترف هههه

محمووود...كافي النعمه كبالكم انجبو واكلو

احنه هم نلصمنه كملنه اكل بهدووووء وكمنه رحت غسلت لماعين واسمع محمووود يصيح
جووووري جوووووري جوووري

اي اجيت

بسرعه

صعدت ركض مالي خلكه ..ها محمود
بعصبيه ..مو كتلج اكوي ملابسي ورتبيهن بلكنتور شو اجي الكاهن ع حطيتهن
لاوالله غسلتهن كلهم بس مالحكت اكوويهن
ليش مالحكتي جنتي ملتهيه بجلال وبغرفه جلال وواكفه وتتمضحكين مووو
لاوالله بس باجر يجون خطار ونضفتهن
اسمعي هذا لبسج ماشوفه بعد تراكاتج كلهن ذبيهن بلزبل وبس دشاديش تلبسين فهمتي لولا
ماعندي ولا دشداشه واصلا ماحب اللبسهن
ماكو تحبين ومتحبين غصبن عليج فاهمههههه
ماشي بس ماعندي
اني اجيبلج .وحجابج متنزعي نهائيا فهمتي
مااشي
عفته ونزلت اريد اكمل شغلي ودموعي تجري رجع صاح مثل لمسودن
صعدت ركض
ها محمود.
وجعا وطاك الحا بكلبج
شكو
موكتلج سوي ملابسي شو غلستي ونزلتي
اي هسه اسويهن بس اكمل شغلي
تعوفين كلشي وتكمليهن وبعدين كملي شغلج واذا اجيت لكيت مقصره بشي اكسر راسج
اوووك
وجعوك براسج كولي تدلل ماشي انشالله مو اوك مال الكحا...

انشالله
عفتها وطلعت واني فاير اريد اطلع عصبيتي بيها
جووري ..طلعت واني متت من البجي ليش هيج يسوي ويااي صدك نهضمت منه
كوه كملت الملابس كوي ورتبتهن ولفيت راسي ونمت
كعدت ع صوته ب١٢ ع دخلته للغرفه غلست سويت روحي نايمه هو دخل سبح وبدل. وتمدد ع جربايه بس ع جهه الثانيه بعد مادري شسوه نمت
كعدت ب٧ اليوم الولد ميطلعوون ردت انزل وذكرت كلامه ع ملابس هففف هسه شسوي اسمع كلامه لواغلس
دخلي اسمع كلامه مالي خلكه
زين اني ماعندي دشاديش شلون بله نزلت لكنتور ايوو دورت لكيت دشداشه كلش حلوه مخصره ع جسم ولونها بيجي وبي ورده ناعمه وردي لبستها تخبل عليه اخذت منها شال وردي وخليت كحل وبحلكي وردي فاتح لان ع ساعه يجون لخطار ورحت للمطبخ حضرت ريوك بتيته وبيض وجاي واجبان همه ب٨ كعدو تريكنه بس احس محمود ماشال عينه عني ساعه بحنيه وساعه بعصبيه عاد اني كلت شسويله ميعجبه العجب هذا خلي اعوفه واغلس كملت اول وحده لان بعد مالحك كمت طبخت تمن ولحم وحشو ومرك باميه ونضفت البيت وعطرته صار يجنن واكيد ايو تعاوني بلخفايف
ب١٢ بدو يجوون اول ثنين خواته نوور ومروه وبعدين خالاته وياهي الي اسلم عليها تفشلنه وتغلس بس نور زينه مو مثل مروه مسمومه
داحضر الغده اجن البنات
نوور..هاحبي نعاونج خاف تعبتي
جووري ..لاحبيبتي ماعندي شي ارتاحو انتو
مروووة..وشكو تعاونيها هي لفصليه شنو شغلها هنا
نوور ..لا هاي مرت اخونه واختنه لثانيه شنو هل حجي مروة
مروة. ...دروحي ولج نسيتي من وراها هي واخوها مات ابونه وتيتمنه
نوور ..لا هذا قدره هي شكو
مروة ...لا لو ماخوها قتله جان لسه هو فوك روسنه
نور..الله يرحمه كافي سدو لموضوع ..بس شوفي شلون كالبه اللبيت ومسويته جنه جان شحاله
مرووه ..اي غير هذا واجبها وغصبن عليها وع راسها
جوري ..مادري بعد شحجن عفتهن ورحت حضرت الزلايط بطوس صغار ولبن وتشريب ونور وايوته وياي يعاونني
وبلشت اصب وهنه يودن للسفره واجن نور وامها وخالاتهن وبناتهن بس اني طابحه هواي كفه وزاد كملنه ماردت اكعد اكل شبعت من حجيهن لينكط سم
نوور ...تعاي جوري حبي تعاي اتغدي
جووري..بلعافيه حبي ماشتهي
ايوو.تعاي يمعوده هو انتي كلتي لكمه من الصبح
جلال...عوفوها لتخافون عليها هاي متجوع كرشها عدها اهم شي بلحياه
ضحكو لكال
عاد اني ردت اجاوب
ومحمود .رئسا صاح تعاي كعدي هنا بسرعه ..سوالي مكان يمه..
جوري.لا ماريد
محموود .بسرعه تعاي
جوري..رحت كعدت يمه وجنت كلش قريبه منه بحيث توترت بلكوه اكل اول مره هيج يتقرب مني وكام يفلس لحم ويخلي بماعوني واني كوه اكل وهو اكلي واكلي
وكلها عيونها علينه ويتنادسن عبالهم عشاق كملنه بسرعه وكمت هدرت لجاي والولد كام ينكلون لماعين واحنه بلمكبخ اني اعزل ونور وايو يغسلن لماعين وشربو جاي وكعدو ضحك وسوالف اني ستغليت لفرصه وشويتلي كيكه وكب كيك بلككو والجوز وخليتهن بلثلاجه وصعدت سبحت وبدلت لبست تراك شويه وندكت الباب
منووو
اني نور حبي
تفضلي
هاحب شلونج
الحمدلله زينه
اي اعتبريني اخيتج وسولفيلي شكو ماكو بلكي اكدر اساعدج
والله ماكو شي بس المناكر والصياح والكتل
من منو
من محمود اكيد
وليش هيج يتعامل وياج
مادري
خاف انتي دايسه بطنه لان محمود حباب وميحب يضلم ابد
لاوالله ممسويتله شي
لعد ليش هيج سوه
هسه اسولفلج كلشي
سولفتلها كلشي وهي تباوع
وج يثوله هذا يحبج ويغار عليج
ع شنو يغار وج جزعني جزعني
اكلج انتي هم خوثه دكسبي
هههه وج انتي ع امج ساحه تمدحيني وساعه خوثه وثوله
هههههه اي هي هاي سوالف امي ولصراحه امي سولفتلنه تكول حبابه ونادره يعني حابتج بس هي ضايجه ع موت ابويه وبلنسبه لمحمود اكسبي
ماريد اكسبه
اي لعد ضلي خدامه ومدمغه والله لو كاسبته جان يخليج فوق الكل اخويه واعرفه
وشلون اكسبه
شوفي هسه هو متحبل من الغيره ونطاني ٢٥٠ الف كال طلعيها وشتريد اشتريلها اهم شي دشاديش مستوره واححبه
وشويه بعد ياخذنه وبلنسبه شلون تكسبي سهله تره الرجال مثل لطفل بلكملمه لحلوه وبدلال
بس اني ماحبه وماريده يتقربلي كزوج
جا شتردين يحضي يخليج مزهريه بلكنتور
ههههه لا يعني اريده مثل جلال حباب هيج
هههه ولج ديري بالج يسمعج يموت غيره
وانتي سوي مثل جلال
وشلون اخوج حقنه ميتحاجه
هسه اعلمج كلشي ووووو بدينه نسولف وماحسينه غير محمود دخل يريد يبدل ويكول يلا بسرعه بدلنه بس عجبتني خطتها فعلا وضليت افكر بيها

محمود. جوري
نعم
اللبسي شي عريض وصيري حبابه
ردت امد لسان وذكرت كلام نور شلون اسايره وكتله.تدلل محمودوو
هو ضل صافن وضحك يلا بسرعه انتضرج بره 

حسيته من كلمه صار حباب هاي ليش هيج تغير سااا معقوله لولد تخبل
ديلا خلي اروح ابدل اني
كملت تبديل وطلعت لبست جبه حلوه ومستوره وشال جوزي وحذاء وجنطه هم جوزي

محمود.نصدمت من كلامها من كتلها لبسي مستور عبالي راح تمدلي لسال وتتعارك وتكلي بكيفي ومابي شي لبسي شو سكتت وكالت تدلل اني هم فرحت ماحب احد يكسر كلامي ويعاند اتخبل من العناد

جوري قبل لااطلع وصيت ع ببسي وقدمتلهم ببسي وكيك وكب كيك ومحمود تخبل يكول يخبلن عاشت ايدج وكعد ياكل وجلال خبلني ام كرش تعرف تطبخ ومروة والبقيه يخوزرن وعمي عفيه بنيتي هههه عبالكم مسويه انجاااز مو كيكه بس شفته ع تلفزيون وسويتها فطلعت غير شكل

وهاي ١٠٥٠ كلمه شوفو شلون حبابه وياكم ونزلتلكم بارتين وكل بارت شطووله يلا لتقصرون بلتصويت
ومن اشوف تعاليقكم الحلوه اتحمس واكتب زياده بس من اشوفكم تقرون وطلعون اضوج واعيفكم واروح اقره قصه واتونس ليش هل تعب ومحد حاس فرجاالء اتفاعلو ولتنسون تابعووني 😍😍😍