الحلقة الأولى( مملكة العشاق )
بقلم :- أسماء أبوشادي
_________________________________________
اللهم صلي وسلم وبارك على سيدنا محمد وعلى آله وصحبه أجمعين
بسم الله ابدء واتوكل عليه
قبل ما تقرأوا لازم تكونوا عارفين ان ابطال المملكة هما ابطال 3 روايات
ومازال قلبي ينزف
شمس وسط الظلام
تحدت الطوفان
ولو ماقرأتوهمش مش هتفهموا حاجة ولو ناسيين الأحداث ارجعوا اقرأوا النهايات علشان تفهموا
@@@@@@@@@@@@@@@@@@@@@
في قصر جميل رغم مرور السنوات إلا أن هو زي ماهو ثابت قوي بيتحدى كل الأحداث
زي ما أصحابه بيتحدوا كل أنواع الفراق
قصر نور عز
سما في أوضة بنتها ( نور السماء ) اللي عمرها يقارب 8 سنوات بتجهزها علشان تروح مدرستها
وبعدها نزلوا مع بعض وكانوا الخدم جهزوا الفطار
نور السماء / مامي هروح أصبح على بابي
سما بأبتسامة باهته / روحي يا قلبي
خبطت على باب أوضة ابوها اللي استقر فيها من اكتر من شهرين من وقت وفاة أبوه محمد عز
نور كان واقف ادام المراية في لمحة خاطفة لشكله وهندمة هدومه
نور / أدخل
نور السماء بأبتسامة بريئة / صباح الخير بابي
نور بأبتسامة مقتضبة / صباح الورد على زهرة بابي نورسين
( نورسين :- الاسم اللي بينادوا بيه بنتهم دايما )
نورسين قربت منه وهو استقبلها ورفعها عن الأرض وباسها في خدها وحضنها وبعدين نزلها
نور / فطرتي ولا لسه
نورسين / لا لسه دخلت اقولك صباح الخير الأول قبل ما تمشي على الشغل
نور / ربنا مايحرمني من صباحك ابدا
خرج مع بنته وبمجرد خروجه اختفت الابتسامة من على وشه و رجع لصلابته المعهوده في الفترة الأخيرة ونظراته اللي مليانة غضب ممزوج بالحزن
نور / سلام يا حبيبة بابي افطري كويس وخلي بالك من نفسك وانتي في المدرسة
ولف وشه علشان يخرج بدون حتى مايوجه نظرة واحدة تجاه سما
بعد خروجه من الباب الداخلي للقصر راحت وراه سما بخطوات سريعة
سما بلهفة / نور استنى
نور وقف بدون مايبصلها / عايزة ايه
سما بأمل / طيب ممكن تبصلي لو سمحت علشان اكلمك
وفعلا بصلها بس ياريته ما عمل كدة. شافت في عيونه القسوة اللي لسه مش قادرة تتعود عليها وبتحاول تقاومها
أنت تقرأ
مملكه العشاق
Romanceمملكة العشاق ملعون الحب بلعنة أبدية أو بالآدق هو بحد ذاته لعنة يدخل القلب ويعشش فيه ولا يتركه ابدا وإذا اضطر على هجران عشه. تركه محطما بحيث لا يقدر على العودة اليه مرة أخرى الماضي ليس علينا بنسيانه ولكن علينا ان نتخطاه نتعلم من أخطائه. ونستفيد...
