الحلقة(3)رواية ( مملكة العشاق)
بقلم:- أسماء أبوشادي
___________________________________________
اللهم صلي وسلم وبارك على سيدنا محمد وعلى آله وصحبه أجمعين
بتمر الأيام وتفوت
وحبك جوايا مستحيل يموت
هنعيش ونتحمل مع بعض ونتشارك نتألم ونفرح
المهم مع بعضنا
أنت وعيلتي وأنا
هو دا الترتيب عندي. أنت أهم وعيلتي أهم وبعدين انا ومش مهم أنا خالص طلاما أنتوا بخير
فات شهر على ابطال مملكة العشق
في شركة نور عز
سما قررت تروح الشركة لنور وتتكلم معاه هناك. طلاما مش عارفة تتكلم معاه في البيت
سما بتوتر / أستاذ نور موجود
السكرتيرة بترحيب / أهلا بشمهندسة سما. أيوة موجود اتفضلي
ابتسمت سما بأصطناع وخبطت ودخلت لما سمعت صوت نور / أدخل
سما بتوتر / سلام عليكم
نور اتفاجئ من وجودها في الشركة وقام وقف / انتي جيتي هنا أزاي
سما / يعني جيت أزاي. بالعربية
نور بحدة / وازاي تخرجي من غير أذني والبهايم اللي على البوابة والسواق ماحدش بلغني ليه
سما بضيق / لأن أنا طلبت منهم كدة. وقولتلهم هعملك مفاجئة وخرجت زي مابخرج دايما بسواق وحراسة يعني لا أنا ولا هما خالفنا اوامرك
نور ببرود / وجيتي هنا ليه. ليه مصرة تعيشي دور الزوجة اللي بتحب جوزها وعايزة تفاجئه وتفرحه
سما اتنهدت بحزن / نور أنا جيت اتكلم معاك هنا يمكن نعرف نتفاهم وعلشان كمان أنا مش بشوفك في البيت غير الصبح والبنت بتبقى موجودة وماينفعش اتكلم ادامها
نور بحدة / وعلشان ما ينفعش نتكلم ادام البنت جيتي هنا نتكلم ادام الموظفين صح
سما بحزن / نور أنا تعبت. والله العظيم تعبت هتفضل تعاملني بالأسلوب ده لحد امتى. هتفضل هاجرني لامتي. قولي مدة عقابي اد ايه
نور بحزن وسخرية / غلطك أكبر من اني احددله مدة يا بشمهندسة
سما برجاء / طيب مش مفروض قبل ماتحكم وتقرر وتهجرني تسمعني
نور بخفوت عنيف / طيب ما اأنا سمعتك. سمعتك وانتي بتقولي أيوة رفضت. أيوة منعتي أبويا يرتاح قبل ما يموت أيوة وقفت في طريق آخر أمل يسعده في الحياة
سما بدموع محبوسة في عيونها / بجد حرام عليك. أنا تعبت 4 شهور على الحال ده. طريقتك دي مش قادرة استحملها. لا أنا ولا بنتنا وهسيبك براحتك يا نور لأني زي ماقولتلك مش هقدر اتحمل انك تكلمني كدة ولا هتحمل نظراتك دي. ومعاملتك كأني عدوتك مش حبيبتك ومراتك وأم بنتك
أنت تقرأ
مملكه العشاق
Romanceمملكة العشاق ملعون الحب بلعنة أبدية أو بالآدق هو بحد ذاته لعنة يدخل القلب ويعشش فيه ولا يتركه ابدا وإذا اضطر على هجران عشه. تركه محطما بحيث لا يقدر على العودة اليه مرة أخرى الماضي ليس علينا بنسيانه ولكن علينا ان نتخطاه نتعلم من أخطائه. ونستفيد...
