مملكه العشاق

الفصل الثاني

الحلقة الثانية( مملكة العشاق )
بقلم:- أسماء أبوشا
____________________________________

استغفر الله العظيم الذي لا إله إلا هو الحي القيوم

بالنسبة لعمر الاطفال. اللي هما تؤم مهاب وشمس ونورالسماء بنت نور وسما .بنتهم كانت قربت تكمل سنتين مش سنة واحدة. ومهاب وشمس خلفوا أتعرفوا على بعض ومارو مات وشمس تعبت وبعدين اتخطبت لمهاب وبعدين اتجوزته وبعدين راحت بيته
وبعد فترة طويلة جوازهم بقى طبيعي وبعدها المرض والحمل وفترة العلاج والعملية. وفترة النقاهه. وخلفوابعدها بسنتين

احسبوها كويس. لأني قبل مابكتب تفصيلة حتى لو صغيرة. برجع للقديم. علشان كدة مش بنزل الحلقات كل يوم لأني براجع الأحداث كويس.

بتقربنا وتفرقنا
بتقوينا وبتضعفنا
مش مهم أو مش فارقة
المهم أن النهاية احنا لبعض ومع بعض
هتقابلنا أزمات وهنتغلب. عليها. ممكن نفترق بس الاكيد اننا هنتجمع تاني
دا مش قرارك ولا قراري
دا حكم ربنا ودي اقدارنا
أنت نصيبي وأنا نصيبك

شمس في الحمام الخاص في جناحهم
ماسكة في ايديها شريط بلاستيكي وظاهر فيه خطين لونهم احمر

وهي كمان وشها احمر
مبسوطة لكن خايفة
خايفة لكن قوية
قوية لكن مش مستعدة
مش مستعدة لكن هتواجه
هتواجه لكن ..........
المواجهه صعبة.

حبيبها. عشيقها عمرها ودنيتها
هو
عاشق خايف على معشوقته ومن كتر اللي شافه خوفه أصبح مبالغ فيه وبقى زي الحبل اللي بيخنقها لكن حبل من حب من حنان مش قسوة وجبروت ونار
وهي
عاشقة. عشقاه بكل تفاصيله حتى خوفه وجنونه وغضبه. ولكن عندها حلم والحلم عيلة كبيرة و اولاد كتير يقولولها ماما ويعصبوها وهي تقولهم هقول لبابا

ابتسمت لكن لأول مرة من سنين تكون الثقة غايبة عن ابتسامتها

خرجت شمس من الحمام وهي مخبية اختبار الحمل في ايديها كويس. وبسرعة البرق حطته في درج من ادراج الكوميدينو اللي مهاب مابيفتحهاش أبدا

وقعدت على طرف السرير وبتفكر في طريقة توصل بيها الخبر لمهاب

وبتفتكر اخر محادثة ليهم مع بعض علشان الحمل

فلاش بااااااااااااااااااااااااااااااااك
مهاب بصرامة / انسي يا شمس انسي
حمل تاني لاء

شمس برجاء / بليز مهاب وافق علشان خاطري. أنا نفسي أخلف تاني

مهاب بعيون مليانة خوف / لا يا شمس مستحيل أعيش التجربة دي تاني. أنا وافقت أول مرة علشان ما احرمكيش من الأمومة وربنا كان كريم معانا ورزقنا بالبنت والولد. يبقى احنا نحمده ونشكره على فضله ونرضا باللي غيرنا اتحرم منه