الحلقة (12) رواية( مملكة العشاق )
بقلم:-أسماء أبوشادي
__________________________________________
أستغفر الله العظيم رب العرش العظيم من كل ذنب
سبحان الله وبحمده سبحان الله العظيم
السواق / نور بيه
نور بحدة / ايه اللي حصل
السواق بتوتر / والله يا فندم ماليا ذنب هي طلبت المفتاح وقالتلي امشي لكن انا رفضت وقولتلها اني ماعنديش أوامر بكدة
لكن هي قالتلي. قالتلي
نور بعصبية / انطق قالت ايه
السواق / هي مش محتاجة حاجة من حضرتك وتقدر تعتمد على نفسها وأوامر حضرتك ماتخصهاش
نور بخفوت / هي قالتلك كدة
السواق / أيوة يا فندم و والله خطفت المفتاح من أيدي و ركبت ومشيت وأنا ماقدرتش اعترض
نور ساب السواق وجري على المكان اللي راكن فيه عربيته وركب علشان يحصل سما بسرعة
سما كانت سرعة عربيتها طبيعية جدا.
ونظرا لأن نور كان ماشي بسرعة كبيرة لحقها. وهي شافت عربيته في المراية
سما / نورسين هاتي الموبايل بتاعي من الشنطة
نورسين / حاضر يا مامي
واخدت سما الموبايل بتاعها واتصلت على سيلين اللي كانت لسه يدوبك بتقوم من على السرير
سيلين بخفوت / الوووو
سما / سيلين نور ورايا اعمل ايه
سيلين/ وراكي فين مش فاهمه
سما / انا أخذت مفاتيح العربية من السواق و قولتله اني مش محتاجاه. ويدوبك مشيت شوية ولقيت نور ورايا بعربيته معرفش لحق يعرف ازاي
سيلين/ هو مالحقش يعرف ولا حاجة. دا هو أساسا كان واقف تحت بيتك
سما باستغراب / ايه
سيلين/ مش وقته المهم ركزي معايا. دي فرصة كويسة علشان تتكلموا مع بعض
سما / نورسين معايا هوصلها المدرسة وكمان انا مش جاهزة اتكلم دلوقتي
سيلين/ لاء انتي جاهزة يا سما ماتتهربيش وخودي فرصتك
بصي عايزاكي تقولي كل اللي نفسك فيه واللي شيلاه في قلبك بمعنى اصح. انفجري
سما / انا خايفة وحاسة ان انا أضعف من اني اعمل كدة
سيلين/ ماتخافيش وخودي من ضعفك قوة
مش لازم تكوني قوية وكأنك رايحة تحاربي. انتي هتتكلمي مع جوزك. واللي انا وانتي متأكدين أنه بيحبك حتى لو كان قاسي عليكي
يعني ضعفك بالنسبة ليكي سلاح
سما بتوتر / انتي شايفة كدة
سيلين/ وأبو كدة واخواتها والعيلة كلها
بصي انا تطلعي الكبت اللي في قلبك بقاله شهور
انا مش هسألك دلوقتي انتي لسه مصرة على الطلاق ولا لاء
بس انتي حتى لو هتبعدي خودي حقك الأول
وبعد كدة شوفي إذا كنتي هتقدري ترجعيله ولا لاء
أنت تقرأ
مملكه العشاق
Romansaمملكة العشاق ملعون الحب بلعنة أبدية أو بالآدق هو بحد ذاته لعنة يدخل القلب ويعشش فيه ولا يتركه ابدا وإذا اضطر على هجران عشه. تركه محطما بحيث لا يقدر على العودة اليه مرة أخرى الماضي ليس علينا بنسيانه ولكن علينا ان نتخطاه نتعلم من أخطائه. ونستفيد...
