مملكه العشاق

الفصل العاشر

الحلقة (10) رواية ( مملكة العشاق )
بقلم:-أسماء أبوشادي
_______________________________________

أستغفر الله العظيم الذي لا إله إلا هو الحي القيوم وأتوب إليه اني كنت من الظالمين

في فيلا انس

نور بصوت عالي/ يعني ايه ماجتش هنا ولا حتى اتصلت بيكوا. هتكون راحت فين

أنس / انت اللي جاي تسألنا هي فين اسمعني بقى. اقسم بالله لو سما حصلها حاجة لاقتلك يا نور. انا سكتت لما تعبت وسيبتها في عندك لأنك جوزها وكمان ماحبتش اتعبها اكتر ماهي تعبانة إنما تيجي دلوقتي تسألنا عليها وكمان تقول كلمتكوا. طب دا ازاي وهي اصلا مابتتكلمش والله أعلم انت عملت فيها ايه وصلها لكدة.

سلوى بصراخ / اهدوا انتوا الاتنين بقى. كفاية هتقفوا تتخانقوا وأنا مش عارفة بنتي فين وكمان هي تعبانة اصلا

أنس / اهدي يا طنط علشان صحتك لو سمحتي ماتقلقيش أن شاء الله هتبقي كويسة

سلوى / بص يا نور. لما بنتي تعبت وانت رفضت أنها تيجي هنا. انا ما اعترضتش وقولت انت جوزها ودا حقك وحتى لو هي حصلها كدة بسببك يبقى انت الوحيد اللي هتقدر ترجعها أحسن من الأول. وأنا عارفة بنتي بتموت فيك.
لكن يا ابني ريح قلبي انت عملت فيها ايه تاني.
( و اتكلمت ببكاء شديد)
انا اللي جوزتك بنتي وآمنتك عليها ودلوقتي بسألك عن الأمانة يا نور. امانتي فين

( نور وقف ادامها ساكت ومش عارف يقول ايه هو تايه وضايع حبيبته وبنته اختفوا
وبدون ماينطق ولا كلمة سابهم ومشي راح على قصر مهاب العدلي. لأنه اكيد طلاما ماجتش هنا تبقى راحت مع شمس هناك )

@@@@@@@@@@@@@@@@@@@@

في قصر مهاب العدلي

مهاب في مكتبه ومعاه مازن بيتكلموا في الشغل

وفي الصالون. شمس وجميلة و كبار العيلة والأطفال

جميلة / عايزين نبقى نخرج بكرة يا شمس. انا وداليا اتقابلنا في الشركة النهاردة واتفقنا مانروحش الشغل بكرة ونقضي اليوم سوا

شمس بتوتر جواها بتحاول تخبيه / والله فكرة حلوة

جميلة / مالك كدة انا حساكي متوترة

شمس ( افتكرت اتصال سيلين من شوية لما قالتلها أن نور راح بيت أنس علشان سما ومالقهاش وهو في طريقه لبيتها ) / لا ماليش بس قلقانة شوية على سما

جميلة / مش بتقولي الحمد لله رجعت تتكلم

شمس / أيوة بس أعصابها لسه تعبانة

شوية و مهاب خرج من المكتب وخرج على برة علطول. و قابل نور على الباب الداخلي للقصر

مهاب بابتسامة/ أهلا يا نور اتفضل

نور / اسف اني جيت من غير ميعاد يا مهاب

مهاب / عيب عليك ماتقولش كدة. أدخل