الحلقة (8) رواية( مملكة العشاق )
بقلم:-أسماء أبوشادي
_______________________________________
سبحانك ربي لا إله إلا أنت أستغفرك وأتوب إليك إني كنت من الظالمين
في قصر نور عز
إحدى الخدم/ أهلا بيكي يا شمس هانم. اتفضلي
شمس / سما فين يا وفاء
وفاء/ في اوضتها حضرتك
شمس / طيب تمام. جهزيلنا عصير فريش على ما انزلها
( وبصت لسيلين ) عن أذنك هطلع انزلها لأنها مش هتنزل لو ماطلعتلهاش
سيلين / اتفضلي
( بعد شوية نزلت سما مع شمس. لما عرفت ان سيلين تحت واستغربت زيارتها جدا)
شمس بأبتسامة / أهي يا ستي سما هانم اللي اصريتي تطمني عليها بنفسك
سيلين / ازيك يا سما عاملة ايه
سما هزت رأسها هزة خفيفة بمعنى كويسة
سيلين بجدية / مابترديش عليا ليه
شمس استغربت جدا لأنها قالت لها أنها مابتتكلمش وكانت هتتدخل وتتكلم لكن سيلين منعتها بنظراتها
سيلين / مش عارفة تردي عليا. بجد والله انا زعلانة عليكي ومتأثرة جدا. وجوايا شفقة كبيرة على حالك
شمس بحدة / سيلين لو سمحتي ما ينفعش اللي بتقوليه ده
سيلين بجدية/ ما ينفعش ليه. هي فعلا تستحق الشفقة لأن اكيد اللي وصلها للحالة دي حاجة كبيرة اوى
( وبصت لسما اللي ظاهر على ملامحها جمود لكن جمود حزين )
البقاء لله. كلنا هنموت
( سما رفعت راسها وبتبصلها بأستغراب )
سيلين بتعاطف مصطنع / ايه مش انتي وصلتي للحالة دي لأنك زعلانة على حد مات ومش هتشوفيه تاني
( سما هزت راسها بنفي لكن سيلين كملت )
بس اللي اعرفه ان باباكي مات من زمان. اممممم يبقى مامتك
( سما هزت راسها بنفي سريع جدا )
سيلين بأستغراب مصطنع/ ايه ده اومال مين. ( بصت لشمس ) هو مافيش حد مات يا شمس
شمس بدهشة من أسلوب سيلين وكلامها / لاء ماحدش مات
سيلين/ طيب يبقى كدة في حاجة تانية. اوعى تكون بنتك فيها حاجة او
( وماكملتش كلامها لما سما هزت راسها بنفي وبأيديها كمان )
سيلين بصوت عالي/ اومال ايه لما ماحدش مات وبنتك بخير
ايه بقى اللي ممكن يوصلك للحالة دي
ايه اللي ممكن يخليكي ضعيفة بالشكل ده لدرجة أنك تفضلي الصمت والهروب عن المواجهة
( ولأول مرة من وقت ما خرجت من المستشفى تنزل دموع من عيون سما وشفايفها ارتعشت من تأثرها بكلام سيلين )
أنت تقرأ
مملكه العشاق
Romanceمملكة العشاق ملعون الحب بلعنة أبدية أو بالآدق هو بحد ذاته لعنة يدخل القلب ويعشش فيه ولا يتركه ابدا وإذا اضطر على هجران عشه. تركه محطما بحيث لا يقدر على العودة اليه مرة أخرى الماضي ليس علينا بنسيانه ولكن علينا ان نتخطاه نتعلم من أخطائه. ونستفيد...
