عشق المُعممِ

7

‏"في القطار تبادلنا المقاعد، كنتِ تريدين النافذة وكنتُ أريد أن أطلّ عليكِ 🍃🇮🇶

___

#عشق المعمم..

لين.. راح اموتهاا لهل چلبه تگلي لفوچ من شارع
وذبـوچ عليناا.. رواسي الزميني قبل ما ابتلي بيها..!

رواسي ..بسرعه گمت عليها ولزمتهآ " گولي يالله لين .. خلي تـولي تروحلچ فدوه ﻻ تخلين عقلج وياها..

لين بقهر ودموع.. ليش هيچ تحجي شنو سويت الها.. ها بس والنبي محمد.. لـو ما عيب من خالتي.. بحقد.. چان دست بطنهآ وبطن الخلفوهآ..!

- ههههه شنو شصار سولفيلي؟!

گعدتها على سريري..

- الحقيره.. خالتي رآدت چاي رحت سويت الهآ اشو هاي اجتي ورآيه تگولي سوينا گلنا وياج گتلها انتي.. صبي الگم راح اصب لخالتي اني.. هجمت بألسانها سمّ علية وانتي شنو انتي خلكّ وحده لفآچ علي من شارع.. ﻻصدگين تبقين هنا دائماً .. مردچ للشارع .. ولسانهأ ها طوله وديت چاي لخالتي واجيتج ركض اذا الزمهآ اسحلهأ من بغداد.. للموصل... بنت...!

رواسي.. يا شهل لسان ..شلون تحجي هيج.. بس خيه عوفيها يمعوده هاي زعطوطه اصلا من زمان تحجي علية واني اغلس... يمعوده يوم يومين وتروح

لين.. اني مو مثلچ رواسي إي كلمه ما اتحمل اضل ارجف لو بيدي اگلهآ بسنوني.. هل چلبة !!

رواسي ..هههه اوف منچ يا جون سينا أكعدي واستريحي.. الياس يگول اتجاهل أقوى سلاح للبشر.. تجاهلي وعيشي.. خيه

لين بقهر.. اوف يا الياس بروده لو بس ينطوني ياا شويه چان هسه اني بخير...

رواسي بهمس.. اي كوليلي اني عليه...

لين... شنو كلتي شي؟

- ولا شي.. انسي..

سولفنا شوية وهديتهآ هم تريد تنزل تسحلها من شعرها.. لين ما تتحمل احد يقلل من قيمتها..
بسرعه تنگلب لشخص ثاني.. تكولي كولشي ولا كرامتي عايشه عليها بهل دنيا.. وما احب احد يقلل منها... بيها شي عجيب هل بنيه.. تخفي شي بسوالفها.. واسلوبها ما اعرف بس احسّ هيج.. نزلنا وسوينآ غده اني وياها وام كرار.. بالمطبخ خلصنا غده وآخذت اني سفره افرشها ﻻن اذا انطيها لين اليوم ماكو غده ينگلب على رؤوسنا.. دنگت واني افرش سفرة بالگاع وهذا رجلها كدامي گاعد وعيونه عليه گبر كـون... انوب عمهم و ماكو واحد من الولد كلها بدوآم.. آذكرت الياس من چان ما يخليني حتى افرش سفره... گعدنا كلنا عليها وهذا شبي؟ عينه ما شالها من عليه عدلت شالي زين ودنگت اگّل.. بهدوء...
خلصت بسرعه ورحت اسوي چاي نظراتة لهذآ خبلتني... اجتي وراية لين وبيدها مواعين..

لين.. شبيچ رواسي اشو ما اكلتي؟ مريضه ؟

رواسي ..لا بس ما اشتهي مالي خلك شوية..