عشق المُعممِ

23

-انا اسفه لانني احببتك اكثر مما تستحق 🇮🇶🍃

#
#عشق المعُمم...

_______

رواسي.. شوفي راح افرمته للجهاز وما يبقى ولا شي بي وبعدين تذبّي بـ اقرب مجرّه هنا.. بدون لا احد يتنبه عليچ وغرفتچ تنقفل بمفتاح والمفتاح دائماً تخلي بيدج يعني جوه ايدچ شوكت متريدن تفتحيها افتحي.. بس اهم شي ما يبقئ مفتوح باب الغرفه.. فهمتي؟

لين بخوف.. فهمت بس شلون أقفلها اخاف أحد يسأل ويكول ليش قافلتها شعندچ؟

روأسي.. محد يسال وداعتچ دتشوفين البيت كلّ واحد وهمه منو ينتبه على باب غرفه مقفول.. هسه بلا كثره كلام رأح افرمته وانتي مهمتچ الجايه تذبي..

لين .. اباوع عليها شلون تفرمت بيه منو اله هيج ايد ويسوي بيه اني هيچ؟ معقوله البشر لهل درجه اناني وما يفكر غير بس بنفسه.. انطته اليه..

رواسي.. يلا فرمته ورأح كولشي من صور ومحادثات هسه ذبي لين ما يبقى عندج ابدا اتخلصي منه وتعاي لهنا.. تمام؟

لين هزيت راسي.. تمام راح اذبه وارجعلچ...

- يلا انتظرج بسرعه..

طلعت من الغرفه مثل الحراميه واني التفت منا ومنا ما اريد احد يشوفني واني اذبه شلون سالفه يربي منين اجاني هذا نزلت من الدرج واني اباوع من الدرجه الأخيرة.. محد بـ الحولي نزلت بهدوء على طرف رجليه اسمع سوالف من غرفة خالتي هي وام كرار.. طفرت ركضَ للكرآج محد بيها ودنيا ظلمه ياربي ساعدني شفت المّجره رحت عليها فتحتها بالگوه.. ذبيته بسرعه واني الخوف بدآ ياكل بگلبي رجعتها لمكانها وركضت ليجوأ.. صعدت بسرعه.. اتنفست براحه فتحت الباب..

رواسي.. ها بشرّي؟ ذبيتي..

لين جريت نفس.. آي ذبيته الحمدلله بس شوفي اديه شلون ترجِف من الخوف ونبي بالگوه كدرت اصعد هل شغله تخوف انوب علي رواسي ما اريد انزل رآسه بيه..

رواسي.. لا تحجين هيچ اصلا علي يعرف كلش زين انتي شنو طينتچ لو يعرفج مو زينه لو مو راحه ما فگر ولو دقيقة انو يجيبج لهل البيت.. بس خليج بهمج انتي ترا معروف منو سوه هالشكل مو؟

لين ..اكيد معروف اكو غيرها الحيه سوسن.. بس بسيطة لأ ما اشوي على اذانتها بصل اطلع مو لين بس خلي الزمها.. اوف

رواسي بضحكه.. عيني ست جون سينا ديري بالچ منها وخففي مشاكل والغرفه اقفليها مثل ما وصيتچ وديري بالچ لخطيبج وانتهى الأمر لان النساء من يدرن شي ياخذنه بكل طريقه.. أساليني اني

لين .. امم واضح عليج الفهم وانتي عذبتي إلياس بسهوله لآن شنو متزوج من قبل لا تباوعيلي هالشكل.. ما حجيت وياج لآن جنتي مريضه بس رواسي كبري عقلج لآن إلياس يحبچ لو شفتي شلون غارك بدمه من وگعتي علينا و..