عشق المُعممِ

12

وكلوله گامت ما تحِن ذيچ
الگبل يرجف گلبها گبالك.. 🇮🇶🍃

_______

#عشق المعممُ..

روآسي.. الصدمات بحياتي هوايه وگبار علية بس عمري كّله ما حسيت بصدمه مثل چذبة الياس..
الگسر و الاخذﻻن لداحس بيه حالياً خلأني اضحك مثل الخبله.. شنو يعني ما يحبني وهل حچي والغزل والدفُو البي كله جذب يعني هذا تمثيل .. ﻻن يخاف عليه اتقشمر ويآ واحد ليش هالدرجه ما عنده ثقه بيه.. لا اكيد جذب الياس ما يسويها اعرفه الياس الطيب الحنون اليخاف الله بگل شي يسوي ما يضحك على بنية ويوهمها بالحبِ .. نزلت بالگاع واني احسّ بكلبي يتگطع ما داكدر حتى ابچي..
وين دموعي ليش ما ينزلن مو مكسوره ومجروحه ليش ما ينزلن.. ضربت عليهن بقوه .. ابجي ابجي.. رواسي ابجي.. ماكو ما دابچي وگفت بسرعه اباوع لفراشنا شلون چنا بي قبل لحظات معقول حتى بالمساته جذب.. لا الياس ميجذب اهز رآسي واني افتر منا ومنا الياس ميجذب اي اي ميجذب...! صرخت واني اكسَر اغراض الغرفه شمرت الفراش بالكاع .. واحسّ بگلبي نار مثل الجهنم... اسمع اصوات جوأ قفلت الباب... واني اباوع لأديه ترجف... تمشيت للمرأية واباوع لنفسي...

- شكد مثيره للشفقه ..روأسي الكل تخلى عنج امج.. تركتج وانتي صغيره وابوچ شمرج مثل الچلب عد واحد... يچذب عليج ويشفق عليج وصرتي مثل الحيوان ميسحون على شعره... كل شويه وواحد.. صرخت بقهر.. ما تسوين ولا فلسس بس شفقه يا عار!!!

ملخَت روحي تملخ صرت اضرب بوجهي بقسوه وأزلغ بخدي.. بـ اظافري اريد اسكت وجع گلبي مدا اكدر راح اموت ودمـوعي مدتنزل... اباوع للمقصَ اخذته وصرت اگـص بشعري من طولة يوكع بالگاع ..اخذته كـله ما بقى شي منه.. اضحك مثل الخبله واني اشوف نفسي.. صرت مثل الولد آي برد گـلبي بس اريد بعد يبرد.. فتحت المگصُ بالنص وجـريت شرياني بالحظه.. نزل الدم بسرعه من شرياني... فتحت الباب ومشيت لجوإ اباوع للدم ينزل من يدي بالگاع وعيوني مصرت اشوف بيهنّ... فتحت باب غرفه خالتي... الكل كاعد بيها...

رواسي بهمس.. الياس...

الياس بصدمه.. شـ دشيصير هنا!! رواسي!!!

ركضت عليها واني اشوفها وگعت بالكاع خليتها بحظني.. " بنتي شبيچ... شسويتي بنفسچ ..رواسي!!

ام الياس.. ولك يمه اخذها للمستشفى الدم صار بطولها..

ابو سوسن.. عمي جيبن العباية الها.. يلاا البنية راح تروح من ايدنا..

الياس.. شلتني صدمه تماما ولا اسمع شي.. اضرب بخدها بهدوء.. " ابوويه رواسي.. اكعدي شمسوية بنفسج..!!! غطنها بالعباية وشلتها شلون مچان ما عندي طاقة حتى اكـدر اشيلها... وگعت.. شلتها مره ثانيه... واخذتها گبل للمستشفى... اخذوها منا طورائ بسرعه... گعدت بالگاع وابـاوع الأديه ودشداشتي كلها دم... شصار ؟ بيها تركتها قبل ساعه نايمه.. ومابيها شي ؟ معقوله! سمعت! لا لا... مستحيل... خليتي ايدي على رآسي... الله ياخذك الياس على هاي السالفه گسرت قلب يتيمه.... يارب العفو يارب اطلب الرحمه بقلب خاشع... ارحمني من هل عذاب لا تعاقبني بروأسي ..يالله ضعيف بيها يالله.. لا تعاقبني بهل يتيمه ما اتحمل...