عشق المُعممِ

25

‏مشيت بدربك آنه وتيهت دربي
ما سويتلك شي موزين هاي الضلت بگلبي🇮🇶🍃

#عشق المعُممِ...

________

رواسي.. نفس الملأمح والوجهُ هي نفسها من صغري..
ما نسيتها ولأ انمحت صـورتها من بـالي بعدهي.. اجتي علية تـركض.. لزمتني من وجهي اشـوف دموعها تنزل مثل دمـوعي بالبضيط...

مريم من بين دمـوعها... ماما روأسي هاي اني امچ مريم عرفتيني؟ انـي ماما حبيبتي.. احجي بنتي لأ تباوعين هالشكل... ماما حبيبتي.. !

شلتني صدمه ولساني انعقد احسّ بدموعي بـس هي التحجي ..بوستني من كـَل مكان من وجهي ..

- اروحلچ فدوه .. يوم اسفه بـس ورب اني مو سبب ابوج ما رحمني وخـلأني ما اشـوفچ ..

ابـاوع عليها من بين دموعي وكـلبي انشـل من صدري.. ما اكدر حتى احجي..

- يا يمه ما تعرفين شصار بيه انـي اعرف انتي عبالج شردت.. بس وغلاتج عندي مو بيدي رحـت ولا جان الي سبب !

إلياس... اقترب منها.. روأسي حبيبتي خليها تحجيلچ شنو صار بيها.. وانتي احكمي بعد ..بس لا تظلميها لأن تبقئ إم .. كسـر خاطر الأم عظيم عند رب العالمين..

مريم بشهـكه.. احجي ماما اصرخي عليه خليني بس اسمع صوتچ..

روأسي.. دفعت ايدها اباوع للياس يباوع عليه بهدوء.. " جـ جنت تعرف! ؟

- قبل فتره عرفت وداعتچ اجتي وحجتلي كولشي وسكتت لأن بوقتها جنتي مريضه وما حبيت ازعجچ ..بنيتي اكعدي اول شي وخليها تشرحلچ كولشي صار ..

صرخت بحده.. " كلمه ما اسمع منها وخلي تطلع بره لأن هذا بيت نظيف.. تروح توصخه بـ سوالفها وأفعالها"!

إلياس.. صعدت تركض " روأسي!!

وكعت امها لزمتها من ايدها" يمه كولي يالله ام كرار وينچ!!

مريم.. خليني اصعد واحجي وياها ابوس ايدك ابني هاي بنتي اكيد عبالها اني مو زينه ميخالف اتحمل بس خليني اشوفها!!!

اجتي ام كرار وكعدتها ويانه " مي ام كرار اريده بارد .. بسرعه..

- ماشي يمه..

إلياس ..يمه يرحم اهلچ بنتج راسها يابس خليني اني اول شي اصعد واحجي وياها وأنـوب نشوف شلون تصفئ..

اجت ام كرار انطتها المي..

- اشربي هسه وارتاحي وشويه اني وانزل.. ام كرار الحجيه وين لعد ؟

- والله يا يمه طلعت لبيت ام ساره.. شويه تجي

- ماشي انـي اروح اشوفها وارجع.. ام ايهم امي تعرف كلشي كتلها من قبل شويه وتجيچ واعتبري البيت بيتچ يمه لا تضوجين ولأ تنقهرين لأن رب العالمين ويأنه ويـحّلها..