عشق المُعممِ

13

‏تقول إحدى الخُرافات :" يدك الباردة دليل على أن احد ما اشتاق إليك ".. 🇮🇶🍃

قصير البارت... 🖤

______

#عشق المعمُم..

ساره.. خلال الفتره رآحت صرت كارهه كلشي من حياتي ونفسي وگل شي كـدامي نافره منه ..
دخول صهيب لحياتي بـ اختصار دمرها صارت عباره عن سوآد .. رغم هي جانت سواد بس زآدت وصرت بوحل لا اكبر اطلع ولا اكدر انظف نفسي.. الموت ارحم اليه بس ما اريد اموت واني منتحره ما اريد اغضب ربي مني ولا اقهرها لأمي بزايد .. تقبلت واقعي وصرت متقبله هل صهيب... اليوم زواجي.. كعدت الصبح مالي خلك ولا الي نفس حتى اتنفس..
شلون راح اعيش وي واحد يشوفني بلوه وبدون ضمير نزلت عليه.. بس لو اعرف شنو سويت اله.. انوب حتى اهله ماكو .. مقابلين على زواج..
شلون عرس... الحمدلله على گل حال.. نزلت شفت امي كاعده.. ودموعها تنزل... اعرف كل زين مقهورة عليه بنتها تزوج بس بدون عيال ولا حنه ولا عرس گدام العالم...صعبه والاهم من هذا مطعون بشرفها... رحت عليها كعدت يم رجليها...

ساره ودموعها وتنزل.. ماما... سامحيني على كولشي صار.. والنبي ما الي ايد بصار.. يمه اني بنتچ ما انزل رآسچ...

ام ساره .. يمه سدي هل سالفه كومي بدلي راح يجي رجلج ياخذچ للصالون.. كومي وتوگلي بالله..

ساره بست ايدها.. بس سامحيني ما اريد شي بعد.. يمه ارضي عليه.. شهگت.. لا تدعين عليه ابـوس ايدچ..

ام ساره بچي.. ضربتها على راسها.. ولچ مصخمه اكو ام تدعي علئ بـزرها .. ولچ انتي تعرفين كل زين انتي روحي معلگه بيچ بس اني حقي يايمه.. اتمنيتج تكملين دراسه وتتخرجين واشوفچ دكتوره .. ويچي ابن الحلال ازفچ بيدي والعالم كلها حاظره.. وافتخر وارفع راسي بيچ.. گدام الگل... ازفچ بهاي ايدي بدلتچ البيضة لبيت رجلچ.. اليقدرچ ويحبچ... مو هيج يا بنت بطني... اخ..

ساره.. شهگت بقهر حظتنها .. اوف يمه راح اموت..

ام ساره.. اسم الله عليچ ياروحي... ولچ ما يصلح العروس هيچ تبجي امسحي دموعج.. يمه.. اشو باعيلي...

ساره.. مسحت دموعي وهي تبچي.. باست رآسي..

- هاي بنيتي الحلووه.. يمه مسامحتچ من كل گلبي.. سويتي ما سويتي گلبي راضي عليج.. وحتى هل شفيه رجلج راضيه عليه... هم

حظتنها واني اتنفس عطرها.. اوف هسه ارتاحيت احسّ همّ وانـزاح من گلبي.. اخذتني للمطبخ سوتلي ريوك گيمر عرب وكاهي.. وچاي بحليب.. اگلت الآكل كله مرتاحه بكلامها وسوالفها وياية.. الآم نعمه بالبيت..

صعدت سبحت وبدلت ملابسي وشويه اجت رواسي.. اليه وياها لين.. وسوسن وخالتي هم.. تونست وياهن سوالف وضحك.. و خالتي ام الياس.. تهوسُ بس بـ اشعار تخبل... كامت سوسن ترگص وتهز برأسها وخصرها.. وكل شويه امها تگعدها.. هههه