قصة *حبيبي ولدت يوم احببتك*
الحلقه الثانيه
... لقااء السحاب ,
نور : اهلا اي خدمه
سيف متأملا جمالها : اهلا بيكي .... شكري بيه موجود
نور: اه موجود... ... اتفضل ادخل عقبال ماديله خبر ...
سيف : اوك .... دخل سيف الى الهول و جلس سيف في سره : يخرب بيت جمالك يا شيخه هو في كده ايه القمر دااااا جتنا نيله في خظنا الهباب لولا اني متنيل عمرو واعدني بالبورش لو اتجوزت البتاعه دي كنت اتجوزتك حاااااااالا ...
و من ناحية اخرى
نور : بابي في واحد عايز حضرتك بره
شكري : مقلش مين
نور : مسالتش شكري: طيب اخرجي اعمليلنا قهوة و انا جاي وراكي
تخرج نور و تتوجه الى حيث يجلس سيف
نور : قهوة حضرتك ايه سيف (( بهياام )) : مظبوطه اوي اوي اوي
نور و هي ترفع احدى حاجبيها : والله ... طيب ... من عنيا
و في هذه اللحظه يخرج شكري ... في حين تتجه نور الي المطبخ لتعد القهوة
شكري : اهلا يا سيف و لا اقول يا نسيبي
سيف : زي ما حضرتك تحب
شكري : اي ريحا طيبه جت بيك
سيف : ورق صفقة البلاستيك لازم حضرتك تمضي عليه عشان عمرو
مستعجل عليها و حضرتك عارف عمرو بقى
شكري : عمرو برضو و لا بنتي يا جوز بنتي
سيف (( باستعباط )) : حضرتك بتتكلم على ايه ؟؟ !!!
شكري : بص يا سيف انا عارف ياابني ان عمرو مش عايزك تشوفها و انا معارض الحكاية دي يعني لو مكنتش انت اتصرفت و جيت كنت انا هكلمك تيجي
سيف : اصل بصراحه مينفعش اول مره هشوفها يوم ما نتجوز ولا ايه
شكري : فعلا مينفعش .... اديك شوفت بقى يا معلم و ارتاحت
سيف : ايه الألش دا شوفت مين بالظبط انا مشوفتش حد
شكري : اومال مين ياابني اللي فتحلك و مين اللي سالك قهوتك ايه
سيف بابتسامه واسعه : هي مش دي الخدامه ... ثم (( بانشكاح )): وحياة ابوك دي نور
شكري : ههههههههههههههههههه لو سمعتك و انت بتقول عيها الخدامه و حياة نور دي نور
سيف ((بسعادة )) : انا قولت برضو مفيش خدامه نضيفه كده ... بس لقيتها اللي فتحت و سالتني على القهوة قولت اكيد الخدامه ... انا بس عايز اقعد معاه و نتكلم
شكري : اوك ... بس اوعى تعرفها انك سيف دلوقتي الا ممكن تنفجر فيك ...
يرن هاتف شكري
شكري: بعد اذنك ارد على تليفوني .. و هسيبك خمس دقايق معاها ..
سيف : اتفضل
يقوم شكري ليرد على هاتفه بينما يجلس سيف ليفكر في كلمة شكري
سيف محدثأ نفسه : تنفجر في وشي .. تنفجر ليه .. هي مغصوبه هي كمان .. شكلها كده .. شكلها ايه دا اكيد .. دي شكلها مهريه عياط..
و من ناحية اخرى
نور تعد القهوة و بينما هي تعدها تفكر : اكيد دا واحد بيشتغل معاهم و شكله ساح اصلا اما شافني يعني لو استدرجته في الكلام ممكن يوصلني لنيله سيف دا و اعرف اتكلم معاه و اقوله مش عايزاه و بعدين مش ممكن يكون هو سيف نفسه لا لا عمرو مش هيجوزني لواحد شاب كده اكيد اد عادل و او اكبر على المعاش بقى المره دي تنتبه نور ان القهوة على وشك الفوران فا تفيق من سرحانها تسكبها في الفنجان و تضعها على الصينية و تخرج بها و حينما تظهر امام سيف يبتسم لها ابتسامة لا تفهم هي معناها و ..
نور : اتفضل
سيف : ميرسي و يتناول الفنجان
و في هذه اللحظه كان شكري يراقب ابنته و يتنظر ان تعطي نور لسيف القهوة بعد ان اعطته القهوة شرع بمناداتها
شكري : نور
نور : ايوا يا بابي ... بعد اذن حضرتك (( موجهة حديثها لسيف ))
سيف : اتفضلي ..
أنت تقرأ
* حبيبي ولدت يوم احببتك * للكاتبة : منة القاضى
Romanceسيف ونور قصة حب اتولدت صدفة وفجأة قصة حب طاهرة ونقية بالرغم من كل الظروف اللى حواليهم لكن مقدرتش الظروف ده تدنس الحب الطاهر البرئ ده .
