قصة *حبيبي ولدت يوم احببتك*
الحلقه الثالثة عشر و الرابعه عشر
سيف (( منتفضا من مكانه )) : نوووووووور
قام نحوها حملها بسرعة توجه بها نحو غرفتها.. وضعها على السرير .و ,,,
سيف : فاطمة ياسمين
جاءت ياسمين و فاطمة مسرعتين ... صوته كان فظيعا .. مفزوعا و عاليا جدا .. .و,,,
فاطمة : في ايه يااستاذ سيف .. هييه مالها مدام نور
سيف بعصبية : انتي لسه هتسألي اطلعي لدكتور ابراهيم اللي في العاشر ناديه بسرعة
نفذت فاطمة ما طلبه منها سيف .. جاء الطبيب فحصها . .. كانت ياسمين تبكي من الخوف .. و هو بجانبها ممسكا يدها .و ,,,
سيف بقلق بالغ : مالها يا دكتور
د.ابراهيم بابتسامة : مفيش حاجه تخوف هي بس ضغطها منخفض شوية بلس انها واضح انها مش بتاكل
سيف : بجد يا دكتور
د. ابراهيم (( باابتسامة )) : بجد يا سيف مفيش حاجه مستعدية القلق انا كتبتلها شوية فيتامينات و شوية راحه و كله هيبقى تمام
سيف ( و هو يقوم ناحية الطبيب )) : ربنا يطمن حضرتك يا دكتور تعبناك معانا
د. ابراهيم : و لو يا سيف الجيران لبعضها استئذن انا
سيف : اتفضل يا كتور .. فاطمة انا هنزل اجيب الدوا و طالع تاني
اوصل سيف الطبيب ... ثم توجه الى اقرب صيدلية .. احضر الدواء ... ثم عاد مسرعا .. وجد فاطمة و نور بجانبها .. و ,,,
فاطمة : هي ليه مفاقتش يااستاذ سيف
سيف : الدكتور مديها حقنة منيماها .. روحي انتي يا فاطمة .. هي مش هتفوق الا الصبح
فاطمة : لا طبعا يااستاذ انا لازم اطمن عليها الاول
سيف : هي هتفضل نايمة يا فاطمة لحد الصبح ... روحي انتي و تعالي من بدري عشان اهلك ميقلقوش عليكي
فاطمة (( و هي تشرع بالقيام )) : ماشي يااستاذ ... لو حصل أي حاجه مش هوصي حضرتك كلمني على طوول .. هتلاقيني ادامك
سيف (( بابتسامة باهتة )) : ربنا يخليكي يا فاطمة
فاطمة : اصل انت متعرفش غلاوة المدام عندي دي بلسم .. ربنا يشفيها يارب
سيف : يارب
فاطمة (( تغادر )) : سلام عليكم
سيف – ياسمين : و عليكم السلام
ثم ياسمين بصوت باكي : انا خايفه عليها اووي يا سيف
سيف : متخافيش يا مينو يا حبيبتي مفيش حاجه هي بس هترتاح و هتبقى زي الفل و انتي يلا ادخلي نامي عشان المدرسه بكره
ياسمين : عايزه اطمن عليها
سيف : هي هتقوم على الصبح اصلا اما تقوم هصحيكي . .. يلا بوسه كبيره و حضن و نووووم
بالفعل قامت ياسمين و احتضتنه و قبل رأسها ثم : بونوي يا سيف
سيف باابتسامة : بونوي
توجهت ياسمين الى غرفتها ... جلس سيف بجانبها .. سحب يدها الصغيرة .. و ضعها بين يديه .. طبع عليهما قبلة رقيقة . و ,,,
سيف محدثا نفسه : ااه لو اعرف ايه اللي عامل فيكي كده يا حبيبتي ايه اللي كسرك فجأه كده يا ترى في ايه بينك و بين عمرو .. واضح ان الموضوع كبير اكبر من ان أي يتوقعه
ملس على شعرها .. قبل رأسها .. ثم انفها .. ثم شفتيها (( بجد مش حلم )) .. جلس يتأمل وجهها الملائكي طويلا .. ثم قام من الغرفه .. التقط هاتفه .. اتصل بمصطفى .و ,,,
مصطفى : فوفتي
سيف : ازيك يا مصطفى
مصطفى : ازيي كويس الحمدلله .. مال صوتك يا برنس
سيف : مالوش ... بقولك انا مش هعرف اجي الشغل كام يوم كده
مصطفى : ليه خير
سيف : نور تعبانه شوية
مصطفى : الف سلامه عليها مالها ... هتبقى اب و لا ايه
سيف : لا ياابو العريف ... ضغطها واطي شوية
مصطفى : الف سلامة على المودام
سيف : الله يسلمك يا خويا .. عايز حاجه دلوقتي
مصطفى : سلامتك يا فوفتي
سيف : باي
مصطفى : باي
أنت تقرأ
* حبيبي ولدت يوم احببتك * للكاتبة : منة القاضى
Romanceسيف ونور قصة حب اتولدت صدفة وفجأة قصة حب طاهرة ونقية بالرغم من كل الظروف اللى حواليهم لكن مقدرتش الظروف ده تدنس الحب الطاهر البرئ ده .
