قصة *حبيبي ولدت يوم احببتك*
الحلقه الثالثه و الرابعه
جاء اليوم الموعود
اشرقت شمس يوم الجمعه ... يوم كتب الكتاب... نور تتمنى ان لا تطلع شمس هذا اليوم .. اليوم الذي تمنت الموت على ان يحدث ما سيحدث في هذا اليوم ... ها هي نور تفتح عينيها بتثاقل على اثر طرقات امها على الباب . و,,,
والدة نور (( سحر )) : صباح الخير يا عروسه
نور (( بتهكم )) : عروسه ؟؟ ! صباح النور يا ماما
والدة نور : مش يلا يا قمر بقى تقومي وراكي حاجات كتيره
نور (بحده) : ماما ابوس ايديك بلاش الجو دا .. انا مش رايحه كوافيرو لا هلبس الفستان اللي انتي جايباه .. على اساس اني لسه اول مره .. و لا انا موافقه اصلا
سحر : نور حبيبتي الله يكرمك .. عديلنا اليوم على خير .. بلاش مشاكل مع ابوكي... قومي يلا استهدي بالله غيري هدومك .. عشان السواق يوديكي الكوافير... يا نور انتي عارفة افترى ابوكي
نور : لاء قولت لا يعني لاء
و هذا الوقت يدخل شكري ليسئل عن الاحوال
شكري : صباح الخير يا عروسه
نور (( بقرف )) : صباح النور يا بابي
شكري : يلا بقى خدي حمامك و غيري هدومك عشان تنزلي مع ماما الكوافير
نور (( بحده )) : لاء مش عايزه ماليش مزاج
شكري و قد بدأ يفقد اعصابه: يعني ايه مالكيش مزاج .. مش النهارده كتب كتابك .. يلا بلاش دلع
نور ( بصياح )) : انا قولت مش رايحه مش ليكو عليا يبقى شكلي حلو .. هبقى شكلي حلو عشان اللعبه تكمل بس كوافير مش رايحه فستان مش لابسه .. عشان انا اصلا مش عروسه .. ولا دا جواز
و قد بدأت تبكي :: و لا ربنا يرضى بكده
شكري : بنت انتي ازاي تتكلمي معايا كده .. الظاهر اني دلعتك زياد عن اللزوم
و كان يهم بصفعها و لكن والدتها تدخلت و منعته عنه
سحر : خلاص يا شكري استهدى بالله .. هي مش عايزه كوافير خلاص .. هظبطها في البيت .. و هي نور قمر من غير حاجه متزعلش نفسك انت كله هيبقى تمام
لم ينطق شكري ببنت شفه و يخرج من الغرفة و يرزع الباب خلفه تفزع نور من صوت الباب فتقول لها امها
سحر : خلاص يا نور مشيته انا هسيبك دلوقتي تخادي شور و تفطري و نشوف بقى حكاية الميك –اب و الفستان دي
لم تنطق نور ببنت شفة و اكتفت بهز رأسها بالموافقه خرجت امها و ما ان خرجت امها و بدأت نور في البكاء الشديد نور : ليه ياربي لييييييييييه .. انا عملت ايه لكل دا ياربي ارتمت نور في الارض على ركبتها و هي تبكي و تنحب .. نور : حسبي الله و نعم الوكييل
و لكنها بعد دقائق استعادت قوتها و اقسمت ان لا يكسرها احد و انها سوف تتعامل مع سيف مثل الذي قبله (( ماذا فعلت مع الذي قبله سنعرف مع الاحداث ))
اخدت حمامها و ارتدت ملابسها و طلبت الفطور في غرفتها و بعد ان انتهي من تناول الفطور اختارت ما ستلبس و استقرت على طريقة الميك –اب و جهزت ما ستلبس من الحلي بعدها نادت امها لتريها ما استقرت عليه..و ,,,
سحر : واااااو يا حبيبتي جميل .. ايوا كده فرفشي بقى .. و انا مش عارفه ليه متفائلة المره دي .. حاسه ان سيف غير عادل خالص .. اتأكدي يا نور ان انتي يا حبيبتي مأذتيش حد فا ربنا مش هيعمل فيكي حاجه وحشه ..
ضعفت نور مجددا و قد دمعت عيناها : يارب يا مامي .. ادعيلي الا انا خايفه مووت
سحر وقد احتضنت ابنتها : متقلقيش يا حبيبتي .. قلب الام ميكدبش ابدا .
أنت تقرأ
* حبيبي ولدت يوم احببتك * للكاتبة : منة القاضى
Romanceسيف ونور قصة حب اتولدت صدفة وفجأة قصة حب طاهرة ونقية بالرغم من كل الظروف اللى حواليهم لكن مقدرتش الظروف ده تدنس الحب الطاهر البرئ ده .
