စိတ်တွေဟာ ဗလာသက်သက်မှာ ငြိတယ်..
အဝေးဆုံး တဲ့..
နောက်ဆုံးအနေနဲ့ ကြားခဲ့တဲ့စကားချိုချိုလေး ဆိုပါတော့
အမှောင်တွေလွှမ်းလာတဲ့အခါ
ခေါင်းလေးတိုးပြီး ငိုဖို့ ရင်ခွင်မရှိတော့ဘူး
စိတ်သိမှတ်ထဲ
ကျောခိုင်းခဲ့တဲ့ ကျောပြင်တစ်ခုသာစိုးမိုးလို့
ဒီကျောပြင်ကိုပဲ
ကျွန်တော့်မှာ တွေးတွေးပြီး ငို
ဘယ်တော့မှမကုန်နိုင်တဲ့
မနက်ဖြန်တွေထဲ
ကျွန်တော့်အတွက်
ချစ်ခြင်းမေတ္တာတွေတော့ ကုန်ခဲ့ပြီပဲ
ဒီတော့
စိတ်ဟာ
ဗလာ သက်သက်မှာပဲ ငြိတော့တယ်
ဘယ်အရိပ်ကိုမှ
ကျွန်တော်မရှာတော့ဘူး။
~H@n~
