غرور ...مكتملة

بارت2

كال الوووو
واني ظليت ساكته لحد ماكال غرور
ابتسمت كتله شلون عرفت كال يابويه شنو هذه صوتج كليلي انتي حوريه شو جمال وجسم وصوت اني خجلت كتله هوب هوب ع كيفك من اول مكالمه هيج لعد بتاليته شلون
كال ههههه كل خير ان شاء الله وضلينه نسولف تعرفت عليه هو عمره ٢٧ خريج كليه بس ممتعين ويشتغل ع التكسي حالتهم زينه عنده اربع اخوه واثنين خوات
سالني عن نفسي كتله شكلي شايفه هو كلي ليش هو شجابني ع وجهي غير شكلج غير مصبوبه صبابه ضجت بس ابتسمت حسيت اهواي يدقق ع جسمي وشكلي وعبالك يعرفني من زمان ماخذ راحته كلش حجيت عن اهلي كتله اني وحيدة اهلي وعندي ٣عمام واحد كاعد بصفنه حايط ع حايط و واحد بلخارج عايش وعمي الي بصفنه عنده اثنين بنات و٣ ولد وبابا الوسطاني بيهم والي بصفنه عمي الجبير والي بلخارج عمي الصغير عندي عمه وحده ساكنة هنا بغداد كال اي وخالاتج كتله عندي خاله وحده وخال واحد مو تعرفهم بيت جدي جوارينكم كلي اي اعرفهم خالتج كم بنت عدهه
عدهه اثنين هديل تخرجت وكعدت بلبيت ابوهه متخلف ميقبل تدخل جامعه يكول تفسد
يوسف:وهيه شلونه اخلاقهه
وانته ليش تسال عن اخلاقه
يوسف:لا بس ردت اشوف ابوهه وهذه تعصبه مربيه عدل لو فالته من وره هلضغط
لا هديل ورده خجوله كلش واخلاق وادب وحته معترضت ع ابوهه من كله بطلي مع العلم معدله عالي
يوسف:ها زين هسه المهم اريد اشوفج
تشوفني شنو السالفة
يوسف:غرور اني احبج من زمان من جنت اشوفج تجين لبيت جدج ومن صعدتي وياي انتي وامج كلت هاي فرصه والحمدالله انتي مرديتيني
اي بس تره مصار ساعتين من تعرفنه مو مال تكلي اريد اشوفج
يوسف:شسوي اني طماع
مااعرف ليش من حجيت وياه عبالك مو اني هاي ام السان الي ترادد وتحجي وهو بس يتغزل واكثر شي بجسمي بحيث ضوجني كلش ماانكدر اني افرح كلش من يحجي بس هم ضجت اني اريد غير كلام الكلام الي اشوفه بلمسلسلات والافلام مرت ع علاقتنه شهرين وبده يوسف يطلب مني صور واني مااقبل كمنه نحجي طول الليل واني بهذه الشهر يبدي دوام الكليات وابدي سنه اولى جامعه تندمت لان عرفت يوسف اريد اسحب روحي منه كمت من يخابر ماارد حته من جنت وياه احجي مجاب طاري خطبة ولا كال اريد اخطبج ولا حجة بزواج اصلا كل همه جسمج يخبل وشكلج موتني واحب هيج بيج تذكرت حجايه عزيز من كلي الميعرف طبعج ياخذ عنج غير نظره ومره خابرني يوسف رديت من وره خشمي
كتله نعم
يوسف:شبيج غرور شو متغيره عليه ليش صايره متخابرين
غرور ميعجبني عندك شي تريده بعد لان اريد اروح
يوسف:ها لج اخاف شفتيلج غير شوفه
انته شكد متستحي غير شوفه شنو كل الموضوع شفت انته متناسبني مو انته الي افكر بي طلعت بس شكل لا رجوله ولا اخلاق حته حجي متعرف تحجي
يوسف:احترمي نفسج لج ام الولد هسه اجي اطيح حضج بنص بيتكم والله وميهمني
شنو ام الولد شايفني تره انته اول واحد احجي وياه
يوسف:ههههههههههه هاي نكته لو شنو
وجعو
يوسف:هاي عليمن
عليك ليش اني ويامن داحجي يله بابا دي منا وبعد لتخابر
يوسف:هاي عليه مو بسيطه غرور
الي يطلع بيدك سوي ويله ولي دوختني سديته بوجه هم ونزاح من ع كلبي دزلي مسج كلي شوفي يوسف شحيلعب بيج طوبه اذا ماافضحج فضيحة فلا اسمه بااسمي اولهن رقمج حطشه طش
شكد حقير بيني وبين نفسي كلت عادي اذا ع الرقم اغيره المهم خلصت منه
نزلت جوه شفت بابا كال ها وينج شنو ويني مو هياتني منجبة وكاعده فوك شنو قابل متعرف بيه فوك
علي:امشي ولي من كدامي غرور
ها علي شو صاير تحجي معلك
علي:شكم مره كايلج لتصيحيني بااسمي عيب
عفته ومشيت مدرت بال امي سوت عشه كتله علاوي اريد فلوس احضر للجامعه
علي:ميخالف
انوس شو ساكته شبيج
ايناس:ماادري يمه شو احس راسي حينفجر اروح انام انتي لمي وغسلي ماعين البيت مابي شي نظيف بس لشكم ماعون غسليهن
ماشي انتي روحي ارتاحي غسلت ماعين وكملت صعدت فوك اشوف تلفوني كله ارقام غريبه والرسايل الي يكلي بشكد طلعين والي يكلي اخذج للشقه ونسيني وداريج والي كاتبلي شنو هلجسم بويه بس شفته نشل حالي لو الزمج شيصير بيه اقره واقره واني راسي مفتر شنو هاي جانت الساعه بحدود٩ونص فتحت الفيس ونصدمت بواحد مااعرفه صفحة جديده مسويلي تاك وكاتب حجي مو زين وع اساس اني اطلع لشقق استغفرالله بفلوس يعني وحده مو زينه وخال صورتي اني عادي انزل صوري بلفيس بس ضجت من الحجي الكاتبه يخزي ضليت حايره بعدين كلت عزه هسه اصدقاءي يشوفون المنشور طبيت سويتلهم حضر كلهم وجماله هاي بدايه نزول الفيس اهواي ناس متقبل بناته يسون فيس بس اني شوري من راسي وسويت فيس ضليت حايره بعدين اجه بالي عزيز نزلت بساع بلمطبخ دكيت عليه شاله كتله الو عزيز اني غرور كال هلا هلا شعجب خابرتي واكعه بمصيبة فدوه تعال اول مره هيج احاجي بدون تجريح كال خمس دقايق واني يمج صدك وره شويه دك باب المطبخ فتحته واني متعلمه عليه ومومحجبه جنت لابسه تراكسود حصر وفانيلته لحد الخصر حسيته اول مشافني صفن وتخربطت احواله واني بيا حال كتله تعال اكعد خل احجيلك واني ظليت احجي ومندمجة سمعت صوت ورايه كال شكد ادبسز لعد واني مااعرف اربي من الصدمة مدرت وجهي راسا عزيز وكف وكال عمي بعدني ممنداره سحبني من شعري وكعت من الكرسي ع الكاع وعزيز يكله عمي مو هيج ضل يضرب بيه ويسب كلي هاي باجر عكبة اذا طبيتي جامعه شتسوين ويضرب وعزيز ميخلي ولازمه اخر شي لزمني وخلاني وره ظهره ابويه كله عزيز وخر خل اطيح حضه عزيز كله عمي غلطت وسبحان الميغلط راسا كال جامعة ماكو وتلفون ماكو تطلعين من البيت رجلج اكسرهه اني بس ابجي ومجلبه بعزيز كله عزيز خل توخر من وجهي لا اذبحة هسه اخذني وصعدني فوك كعدني ع الجربايه كلي غرور لتبجين والله كلبي يتكطع لتخافين اني احاجي عمي وان شاء الله يقبل داومين راد يكوم جلبت بيده كتله لتعوفني حباب هو فتح عينه وراسا كعد كلي غرور ترديني يمج كتله اخاف من بابا كلي لتخافين واني يمج ظل يحجي واني بالي مو وياه سالني هلولد منين تعرفي كتله من الفيس مااكدر اكله يوسف مااريد مشاكل ظل يحجي بعدين عافني وراح ظليت اتكلب بلفراش مااعرف شوكت نمت كعدت الصبح كلت يارب يطلع حلم نزلت شفت امي تبجي كتله شبيج كالت صخمتي وجهنه الله يصخم وجهج عرفت هذه مو حلم دنكت وكتله يمه اسفه غلطت والله اول مرة واخر مره كالت طبعا اخر مرة لان ابوج انطاج العزيز كتله شنوووو كالت هسه راح لعمج يحاجي حته يخطبج تهسترت كتله شنو مستحيل طلعت اركض طبيت لبيت عمي شفتهم بلاستقبال اول مشافني ابوية كام وكلي شجابج بنص كتلهم مااتزوج عزيز لو يبقه اخر رجال بلدنية فهمتو نداريت لكيت عزيز كاعد وعيونه حسيته دمعت كام وكال لتخافين بت عمي مدامج مراضيه بيه اني هم مرايدج عمي حجة كال لا بكيفك ولا بكيفه هاي بدل متسكتين مو زين مذبحناج طلعت مرت عمي كالت شنو ياابو محمد من صدك تحجي تاخذ هاي ام الولد ل ابنك كله عمي انتي مالج دخل طلعي منه عزيز كال يابه مااكدر اعيش وياهه وهيه مرايدتني اجبره شلون كلشي بلجبر اله هاي السالفه عمي وكف كدامي وكال الخميس العقد ان شاء الله اني اختنكت وطلعت ركض للبيت تلكتني امي كالت بكل عين صلفه تحجين وتعترضين مو زين الولد رضه بيج كتله هيه هنا المشكله واحد ماعنده كرامه ولا رجوله ولا احساس شلون اعيش ويه هيج واحد حته مااتخيل يتقربلي هيج واحد صاح ابويه لج غرور اني صدك معرفت اربي باوعت لكيت ابويه و وياه عزيز راسا شفت عيونه حمر كلي جيت احاجيج واكلج اني مجبور حالي حالج وهاي كدام اهلج احجي اني تمنيتج يبنت عمي بس مو بلغصب اريد من ذاتج وهسه الي داشوفه انتي كارهتني واني مو ماعندي كرامة وقبله ع نفسي راسا بابا كله حضر نفسك الخميس اي جدال مااريد لا والله هسه اخليه واذبحة بيدي هلكلبة عافنه وراح وامي بس تخوزر بيه واني ابجي ع حضي عفتهم وصعدت قفلت الباب ع نفسي جان يوم سبت يعني اسبوع للعقد حبست روحي بلغرفه وكت الاكل امي كوه تكسر الباب اكله عوفي هسه اخذه تعوفه وتنزل وره شويه افتح الباب وطبب الصينية اكل ظليت اضرب اخماس بااسداس الان فكرت بشغله كلت استغل عزيز مو هو الي راد هيج خل يتحمل اخلي يخليني اداوم كلية واخذ راحتي من يخطبني احسن من الحصار الي سواه ابويه ومن تهده السالفه الله كريم شلون اخلص روحي منه....
يتبع.....