غرور ...مكتملة

بارت9

غرور:الايام ويه جلال حلوه وخصوصا اني مو مثل قبل الي صار ويايه كسرني كمت مااعاند واتجنب المشاكل لان مالي غيره وين اروح من يوم الي طرحت كمت اخذ مانع مقبل بلجهال كال مااريد اريد نستقر يله وكل شويه يكلي اكو شغله بالي اذا صارت نعيش ملوك واني اكله ان شاء الله تصير بدت طباته وطلعاته تكثر مره اجه كلي بلليل جماعتي حيجون كتله ماشي كلي انتي بكيفج تردين تكعدين يمنه تبقين بلغرفه اني ستغربت كتله وين اكعد يمكم كال يمنه هنا وعافني وراح اني هم نظفت البيت وكملت وسويت عشه اجه هو كال حطب اسبح وانتي صبي العشه فد ساعه يجون جماعتي كتله اوك طب سبح وطلع كال هسه اجي طلع وطب من بره جايب علاكة سوده بيه بطاله كتله زين سويت لان ماعندي شي اقدملهم هو ضحك ضحكة من كلبه كلي اذا قدمتيلنه بيدج يمكن ياكلوج والله اني ظليت صافنه شنو هلحجي صدك جذب معقوله جلال منفتح لهدرجة صارلنه اربع اشهر متزوجين صحيح هو مملتزم بس مجان هيج يحاجيني تعشينه وكملنه كلي يله بدلي عيب حيجون بدلت وكملت سمعت الباب يندك طلع هو وسمعت صوت ناس عزفت همه طلعت شفت ٣رياجيل همه بكصة جلال وياهم اثنين بنات بس لبسهن فاضح تخبلت كرصت جلال من ايده باوعلي اشرت بعيوني عليهن بمعنى ذني شنو هو راسا ابتسم وكلهم اقدملكم غرور همه باعولي بنظرات كرهوني بروحي وهذه الي يكله منين صدتهه وهذه الي يكله دومك متوكع اله واكف وضحكهم اني ظليت ساكته طبو كعدو جلال كال يله حضريلنه الميز اني راحت للمطبخ وصحت جلال ممكن دقيقة اجه راسا لزمت ايده كتله شنو ذوله متكلي هاي شلون طبب هيج نمايم لبيتنه كلي اششششش لتنسين نفسج تره اني ملفيج بيتي وسترت عليج من تزوجتج واني مااعرف اصلج وفصلج فااحترمي نفسج والي اكلج عليه سوو لتلكين روحج بلشارع ولو اني كلبي مينطيني كلما اكول شبعت منج الكه روحي سكران بيج وافقد وانتي يمي مااعرف تاثيرج عليه ليش هيج قوي مااكدر اعوفج بس مو معناهه تنسين نفسج تره بلحظه والله انسى كلشي واطلعج من حياتي فااحترمي روحج وريحيني ودلليني وسمعي كلام حته نعيش حياة حلوه ماشي يحلوه راح طلع البطاله شفتهن شرب كل بطل شكل كلي باعي اليوم راح احضر الميز وشوفي شلون يصير ومنا وجاي انتي الي تحضري ماشي اني احس بلعومي تجرح من الخنكة والعبره الي لزمتني عيوني نترسن دموع شنو يعني هو كلي يحبني بعدين صفنت وضحكت ع روحي كلت هو ابد محبني هو حب جسمي وشكلي واجيته بلاش وشما يسوي محد يطلعلي ويكله ليش اكو احسن من هيج لا والله ماكو مسحت دموعي وطلعت لكيت البنات كل وحده بحضن واحد وجلال كاعد يضحك ويسولف شافني صاحني واشرلي بصفة رحت كعدت خله ايده ورايه وحضني ويسولف وياهم والبنات لعبن نفسي فد حركات يسون عرفت ذني مو زينات جايبيهن خجلت من روحي كلش واكو واحد من اصدقاءه يباوعلي بنظرات ردت الكاع تنشك وتبلعني حته اخلص من نظراته صارت ساعه ١٢ كلت هسه يرحون هسه يرحون وماكو واني كاعده بصف جلال ولازكة بي عاد واحد من جماعته اظاهر سكر كله رووووح جلال لك منين جايب هلكمر عمييي الله ربك هو ضحك من كل كلبه كله اله غرور خط احمر عاد كله انتظر مو مشكله مبين بعدك ممال وضحك هو ضاج راسا فرك وجه كلي انتي منعستي كتله ها اي نعست كلي يله لعد روحي لغرفتي كتله غرفتك لو غرفتي كال لا روحي لغرفتي اخذي هدومج ونامي هناك اني هم كمت اخذت هدومي ورحت بدلت وظليت بلجربايه غفيت بدون مااحس محسيت اله ايد جاي تنمد ع جسمي فزيت مخروعه شفته جلال كتله خرعتني جانن عيونه حمر دم كلي حبيبي شنو السر البيج الي مخليني متمسك بيج ومااشوف غيرج جاي احجي مخلاني راسا كام يبوسني بعنف ومثل كل مره دخلني بدوامة اني اسمي اعصار وتكررت الحاله مال صحبانه لدرجة كمت مااطلع من يجون بس هو يصيحني احضر الغراض وارجع اطب للغرفه نفسي لعبانه من كلشي حته من جلال كمت من يتقربلي اغمض عيني وتخيل شغلات ثانيه حته ماانفر منه لان مطايقته كلش مره من المرات واحنه سوه غمضت عيني اجه بالي عزيز ابتسمت وعيني دمعت مشتاقتله خسرته شكد جنت غبيه

عزيز:مر اربعه اشهر ع حادثه غرور ومن يوم الي محمودكلي شفتهه واني مكابل هلملهى الليل كله تعودت كامو يعرفوني اروح اكعد مقابيل الباب وتخيله طب واظل صافن ومحمود وياي اول ايام بعدين كام مو كل يوم يجي واروح وحدي بنات وشرب ولعبان نفس اول شي جنت رافض الشرب بعدين مااعرف شلون ضعفت وكمت اشرب مره رجعت للبيت سكران الدنية نكلبت اهلي ابويه صياحة وامي تبجي واني بس اضحك جرني اخوية للحمام سبحني بهدومي وكعد كبالي بلحمام كلي عزيز تاليهه شلون كلي ليش مشيت بهلدرب جاي ادمر روحك كتله اشتاقيتله محمد اشتاقيتله كلش مااعرف اذا اشوفهه شنو اول شي اسوي احضنه لا اشيله وافتر لا احس شما اسوي مراح تطفي النار الي بكلبي لو بس تحاجيني وتكلي هيه وين اااااااخ ياغرور
رن جهازي باوعت محمود جاوبته كلي ها اليوم تروح اني رايح كتله اي طبعا اروح ضحك كال تعلم الافندي كتله يله مر عليه اجاني ورحنه من نروح محمود يلم بنات ع الميز وهمه اصلا بلملهى همه يدزوهن كعدنه صاح وحده باوعت جانت اكو بنيه هم واكفه شو محمود راسا كلي ها عجبتك اوكف هسه اصيحهه كتله يمعود شتصيح محمود اوكف استر عليه صاحهه اجتي تقربت باوعت عليه البنيه تخبل وشكله صغيره وبريئه هاي شجابهه بلهمكان اشرله محمود عليه جتي كعدت بصفي لامه روحه وتفرك بيده اني تعجبت كتله هلو رفعت راسا كالت هلو وصوته يرجف كتله شبيج شنو جديده ع المكان شو هاي كامت تتلزفت وتقربت عليه صارت بحضني باوعت بعيني وكالت عفيه لحد ينتبه يذبحوني والله كتله شنووو منو يذبحج كالت همه والله ميخلوني عايشه اذا مااشتغل كتله اوكفي اوكفي فهميني اصلا اني اول مره اشوفج هنا شنو سالفتج اول شي شسمج كالت نجوان كتله ماشي نجوان انتي اذا ردت اخذج طلعين لو شنو كالت وين تاخذني وشفت عينه متروسه دموع كتله لتخافين بس كليلي طلعين كالت هيه هاي شغلتنه كتله ماشي كومي لعد لزمت ايده كالت بس لحضه اجيب صايه اذب ع هدومي واجي كتله اوكي راحت وقبل لطب شفته حجت ويه واحد واشرت عليه هو هز راسه اجتي كالت يله طلعنه شاورت محمود كتله اني طالع باوع عليه وشاف نجوان وياي ضحك كلي هااا وتكول اني واني ياشرررريف كتله انجب احسابك بعدين انته وطلعنه كتله تعالي هنا اكوحديقه خل نكعد بيه رحنه كعدنه بلحديقة كتله يله سولفيلي هيه كالت يعني انته مطلعتني حته كتله حته شنو صارت حمره من الخجل كالت علمود شسمه ضحكت كتله اي شسمه هيه راسا دنكت كتله انتي شجابج هنا كالت اني صارلي يومين هنا جنت بلميتم اني نصدمت ..... يتبع

راح اكمل القصة بس رجاءا الي يقره ع الاقل خل بس يصوت واكون شاكرة الكم حبايب 😘😘