غرور ...مكتملة

بارت5

تقربت من الباب واسمعه تحجي حجي سخيف كلش بلتلفون لطمت ع صدري كلت عزه العزاج شنو هلحجي اني شكبرني نص هلجمل مااعرفهن بعدين كالت اكلك متجيني بلبيت هذه التلفون ميفيد اني هنا صخنت يابيت هذه صخام وعزه بيتنه هاي تاليه هاي الجربه دخل زلم لبيتنه رحت ركض لغرفتي جريت التلفون وخابرت عزيز واني ارجف حجيتله كلي معقوله غرور ولو ليش لا هيه اذا اني تحارشت بيه فااصدكج والله كتله شنوووو تحارشت بيك وليش محجيت كال شحجي غرور هاي السوالف متنحجي كتله متنحجي مو خوش لعد وسديت التلفون بوجة والليل كله منمت افكر شسوي ثاني يوم نزلت انتظرت ابويه يطلع حته ارزله طلع ابويه ولزمته كدام امهه كتله لج طايحة الحظ انتي بعدج كلج ١٥سنه تصادقين وتتواعدين وين تردين تجيبين الولد ها هيه صارت صفره ونكرت وظلت تبجي وتكله يمه هاي تريد تذب تهمه براسي هاج مبايلي كلبي بي وشوفي اذا عندي شي اجي امه لزمتني من شعري كالت شعبالج بنتي مثلج ساقطه وام ولد وظلت تعت بشعري دفعته حيل وظلت هيه تغلط واني اغلط وعفته وصعدت فوك خابرت عزيز وحجيتله ظل يكمز يكلي ليش حجيتي ولج لتروح تذبج بتهمه هاي ساقطه كتله متكدر تسوي شي توقعت من يجي ابويه يحجوله بس محجن ومر اسبوع وبده دوام الكليه عزيز يوديني ويجيبني اني طلعلي قسم اداب انكليزي من بده الدوام عفت مرت ابويه وبتهه والتهيت بلدوام اني كلما انام اقفل الباب واخابر عزيز تعلمت عليه كلش وكمت مااسمعه كلام يغثه ومر اسبوع ثاني وثالث عزيز كلي اجرت بيت واجهزه اقل الشهر ونزوج اني معارضت كلت شبي عزيز ع الاقل يحبني فديوم خلصت تلفوني ويه عزيز وردت انام بيومه مقفلت الباب اني مو يوميه اقفله جنت نايمه فزيت ع ايد دتلزمني فزيت لكيت ولد فوك راسي وديلزم بيدي ويريد يرفع البدي بعدني معايطه نفتحت الباب وشفت ابويه واكف دفعته وبجيت رحت ل ايويه اركض حضنته وابجي لزمني من شعري ونزلني سحل ع الدرج كال لج ساق... كح.... مدخله ولد بيتي صاح احلام جيبي سلاحي من الغرفه وظل يضرب ويضرب اني انتهيت بيده جابتله مسدس الحقيره اخذه واخذني واني اصيح عزيز الحكي واكله والله العظيم مااعرفه والله مااعرفه يابه مااعرفه فدوه اروحلك اسمعني عزييييز الحكلي همزين من طلعني بلكراج صحت بعلوصوتي عزيز شفت ضوه غرفته نفتح ابويه طلعني شمرني بلسياره وصعد مشي شفت عزيز ضليت اضرب ع الجامعة وعزيز طب ظليت ابجي واحجي والله يابه مسويت شي مشينه فوك الساعه بعدين شفته وكف الدنية ليل جرني يسحل بية ويغلط ويفشر واني مجلبة بيده دفعني وطلع المسدس جاي احجي حسيت حراره بصدري فدشي حار وكعت وسياره شخطت بصفي وراحت ظليت اسحل بروحي اريد اوصل للتبليط بلكي سياره تشوفني فجاه محسيت بشي بعد
عزيز:اليوم الي سودت بي حياتي يوم الي شفت عمي ساحل غرور وملحكت بي طلعت سيارة ابويه اريد الحكة ماكو اباوع بلشارع السياره ختفت صرت اعصاب اضرب بلستيرن بهستريه هاي غرور حب عمري بت عمي الي كبرت كدام عيني شكد هانتني وشكد ذلتني تالي من علاقتنه حلوه صارت تروح مني مصدكت كامت تحبني وترتاحلي تروح مني مدري شصار بيه فريت السياره ورجعت للبيت كلت افتهم من مرت عمي شصار رحت شفته كاعده حاطة رجل ع رجل وتعلج كتله عمي وين وده غرور كالت يغسل عاره كتله شنو شكلتي كالت خطيبتك لكيناهه مدخله واحد للغرفة وبوضع موحلو جانو بعد شتريد عمك يسوي اخذهه يحط طلقة براسه ويغسل عاره اني من صدمتي كعدت بلكاع احس الدنيه فترت بيه شنو مدخله ولد شنو يغسل عاره اني جنت احجي وياهه قبل لتنام كتله احبج اخر كلمه جانت وهيه ابتسمت وكالت تصبح ع خير يعني شنو اذا صار بيه شي علمودمن اعيش اني ظليت كاعد وصافن احس جسمي راخي ميعيني وره ساعه او اكثر بين ضوه الفجر واجة عمي طب مثل واحد مصدوم راسا كمت كتله وين وديت غرور كال كتله وعافني وطب اني عبالك طابوكة وكعت ع راسي شنو كتلته ظليت ابجي واعيط عليه اكله ضحكو عليك غرور بريئه لان سمعت العار تحجي بتلفون هذني انتقمن منه بس بسيطة رجعت للبيت امي تريد تعرف شصاير محجيت صعدت فوك كسرت الغرفه تكسير حته الجرباية دفرته كلت شسوي هسه لبست ورحت ركض لعمي كتله وين ذبيته كلي ميحجي يكلي عار ودفنته لتجبرني اخلي طلقه براسك هم لك انته شنو غيره ماعندك اكلك شفت واحد يمه بلغرفه بدال متبوس ايدي كتله عمي بروح جدي كلي وين ذبيته خل الحك عليه راسا نتفض كلي شنو ولك تلحك عليه شنو لو تعيش الف مره هم ارجع واكتله وامشي اطلع بره يله طلعت كلت اروح للمستشفيات اشوف محد شافه وجابهه
غرور:فتحت عيني شفت فدشي ابيض وغواش وع خشمي فدشي شويه شويه وضحت الصورة باوعت لكيت روحي بلمستشفى ويمي رجال يطلع عمره بل ٣٠ هيج لابس رسمي وحواجبه معكوده وهيبة يخبل كلت شنو السالفه اخاف متت ورحت الجنه اجه يمي وكلي صحيتي هزيت براسي معناه اي كلي اني جلال لكيتج مغمه عليج بنص طريق خارجي ومضروبة طلقه حتجي الشرطه هسه لان قدمنه بلاغ اني راسا ردت اكوم كلي لتكومين حالتج خطره اله شويه جان متي وخرت الاوكسجين من حلكي وكتله مااريد شرطه عفيه كال ليش لازم نعرف الي ضربج شنو جنتي مخطوفة كتله لا بس مااريد شرطة دخيلك كال ماشي عطره ترس خشمي ترس شنو هذه منين طلعلي بعدين تذكرت كلت اني وين حروح والمن اروح هو جر كرسي بصفي وكعد كلي اسمي جلال تكدرين تكولين مقاول او رجل اعمال بكيفج عايش هنا وحدي اهلي مسفرهم بلخارج متزوج وعندي ولد وبنية وكاعد هنا بشقه واروح وارجع دائما لان بلعراق كل شغلي اليوم اني لازم اسافر طلعت ع طريق المطار سمعت طكطكة بلسياره صفيت السياره ونزلت اباوع ع التايرات واجيك السياره شفتج من بعيد من ركزت عرفت الي مشمور بلكاع بشر وشلتج جبتج هنا وبلكوة كدرو الاطباء ينقذوج خمس ساعات انتي بلعمليات ويوم كامل فاقده هسه يله صحيتي ليش اليوم شنو من الايام كال ثنين اي اذكر السبت صارت الحادثه والاحد اليوم ثنين كال ارتاحي خل اشوف الطبيب راح واني فكرة توديني وفكرة تجيبني نزلن دموعي وتذكرت عزيز هسه شصار صدك بيهم لو كال غرور متسويهه شويه وطب الرجال الي يكول اسمه جلال كال حجيت ويه الطبيب باجر يله طلعين كتله اني اشكرك ومتاسفه لان عطلتك عن شغلك كال لا اني اصلا جنت مسافر راجع ل اهلي لان خلصت شغل هنا كال متعرفين رقم ابوج اخوج اهلج نكلهم عليج راسا كتله لاعفية ماعندي وماريدهم يعرفون اني عايشه كال شلوووون لعد وين ترحين كتله باارض الله الواسعه كلي بس انتي بنية وانتي تعرفين مجتمعنه كتله اي مكان المهم ماارجع ل اهلي ضل صافن بوجهي شويه وكال اوكي اني تفاجاة كلت وين حيخليني وظل يمي بلمستشفى لحد مطلعوني وداني يمه بلشقه ونومني ع التخم وكال اني طالع هسه اجي راح ورجع جايب ملابس كلي هاي جبتلج هدوم فد استحيت اخذتهن وكتله شكرا كال اني حطب اسبح وابدل انتي اخذي راحتج ظليت افكر هسه اني حركة كوة اتحرك وين اروح شويه وطلع من الحمام لابس تراكسود شكد حلو يربي راسا تذكرت عزيز كلت هسه شصاير بي كال ها متكومين تبدلين تغسلين كتله اي هسه كمت كوة طبيت للحمام غسلت ولبست ساعه ظليت طلعت كعدت ع التخم كلي انتي ممحجه كتله لا ممحجبه كلي يله سولفيلي ليش هيج صار وياج وبديت اسولفله وره مخلصت كال يعني متكدرين ترجعين ل اهلج كتله لا كال زين تحسني والكالج شغل شتكولين اني فرحت كتله اي ياريت بس شغل شنو كال طيبي والله كريم ندك الباب طبت مره متوسطه بلعمر سلمت عليه وكالت هاي الضيفه كله اي كلي هاي ام كرار حتساعدج وتبقه هنا لحد متصيرين زينه كتله ماشي ظليت افكر هذه شنو المقابل من ديسوي هيج وياي ومرت الايام والمصيبة اني محافضه رقم عزيز ومااكدر اوصل لبيتنه ومااعرف عزيز ويايه لو عليه صدك بيهم لو يدري اني بريئة تحسنت حالتي وكمت اتحرك طبيعي راحت ام كرار وجلال كال شغلج هو هاي الشقه تنظفيهه وتسوين اكل وملابسي نظيفه والج راتب ضحكت كتله ليش متكول خدامه كلي ابد مو خدامه انتي وباوعلي بنظره خوفتني تبلعمت وكتله اوك .....
يتبع....