غرور ...مكتملة

بارت13

گالتلي هنيال التحب مثلك ولف

گلتلها يعني بمختصر هنيالچ

گالتلي ترضى أتغزلك

گلتلها غير أنتي الغزل يحلالچ

گالتلي بس عندي طلب

گلتلها گولي وكلشي بي يبرالچ

گالتلي تنطيني وعد

گلتلها أوقع ع البياض أگبالچ

گالتلي سري بذمتك

گلتلها مو زلمة اليخون أسرارج..

❤

اندار عليه وكال شغلي خط احمر انتي مريتي مو شغلج هذه شغلج تدللين عليه وتامرين واني انفذ فتح حضنه رحت بحضنه احساسي بحضنه شي مختلف حضنته حيل ابتسم وكال مااطير لتخافين ضحكت وحضنته اقوى كال يايابه ياحضنج الي يرد الروح رفعت راسي وبسته من ركبته كال لا انتي اليوم ناويه ع موتي امشي نصعد للغرفه ضحكت كتله خليه بلليل غمزتله وطلعت اضحك وهو يسب ويلعن يكلي حركتي عشيرتي ياليل نزلت جوة فرحانه بدي اطير كمت احضر الغده ويه ام علي ودندن ويه روحي خايفه احسد روحي ع السعاده الي عايشته وكل شويه اكول يارب ديمهه عليه

عزيز
بعد مرور ٦ اشهر ع زواجنه نجوان كعدت الصبح وجه معقوج جان يوم جمعه كتله ليش هيج وجهج كالت ماادري بس نفسي لعبانه فدمره بعدني دااحجي وياهه شو ركضت للحمام تتقيء وهيه مماكله شي كتله لبسي خل اخذج للمستشفى لبست ورحنه الدكتور سمعت مزوجين من ٦اشهر كالت قبل كلشي سوي تحليل حمل ورحنه سوينه وصدك طلعت حامل طارت من الفرح اكثر مني الدمكتوره كالت بعد ترحين لدكتوره بره وراجعيهه كل شهر طلعنه رحنه بشرنه امي فرحت كلش وبدت معانات نجوان لعبان نفس وريحتي تضوجه واني هم مداريهه ممقصر امي يوم زينه وياهه وعشره تشد وياهه وهيه متفتح حلكهه عشت حياتي ويه نجوان حلوه مابيه مشاكل محاولت بعد ادور ع غرور كلت هاهيه بعد هيه قسمه وغرور مامقسومتلي
غرور
بديت اضوج ع سالفة الجهال اريد طفل وخصوصا جواد حبيته صار روحي من الدنيه بس مااكله حجي حب بس داخلي اعرف هو شصار بلنسبة الي احبة كلش من يدخل من الباب احس روحي ردتلي احاسيس مشاعر محاسته من قبل كلشي وياه كامل بس الطفل صدك لو كالو الله ياخذ شي وينطي شي انطاني جواد ماكو منه بلدنية طيبته وحنيته عليه مفديوم حسسني بلطريقه الي عرفني بيه كلامه كله صادق من يكلي حبيتج لان كلامه موبس اسمعه لا احسه هم
فديوم ملت خل افتح وياه مرضوع الاطفال فسالته بشكل غير مباشر
غرور:جواد ممكن اسالك سؤال
جواد:سالي حبيبتي
غرور:زوجتك شلون توفت
جواد:جنت مسافر ومااعرف من رجعت نصدمت كالولي ع اساس جانت طالعه ودعمته سياره وماتت بس الغريبة جانت حامل
غرور:حااامل
جواد:اي حامل واني مااخلف نسبتي صفر فتره اخذت علاج وتركت
غرور:يعني الطفل منك
جواد:مو يكولون اذكرو محاسن موتاكم فسدي السالفه
اني من حجة هيج سكتت ومفتحت موضوع الاطفال ومرت ايام والايام صارت اشهر واني بلبيت صح اطلع بس طلعتي ويه جواد بس تعلمت عليه صار هو النفس الي يصعد وينزل حبيته لا مو حبيته عشقته جنت اني ازعل وادلل واسوي حركات طفولية وهو يضحك يكلي لج اني شايب لتعذبيني وتعبيني وهسه صار وياه سنتين صار امي وابويه وكلشي بحياتي فديوم اجة كلي تعالي اريدج بشغله طبيت شفت رجال كاعد ويمه اوراق هواي وقلم وديكتب كلي تعالي وقعي كتله اوقع ليش كال اشتريتلج بيت وسوبر ماركت تفاجات كتله ليش كال كلشي يصير هاي دنية ظليت ساكته كتله جواد ممكن شويه ردته وحدنه طلع وسد الباب اجه يمي حضنته والدمعه بعيني كتله شنو قصدك بهلتصرف اني الك وانته الي شنو ناوي تعوفني مااتحمل جواد اموت رفع راسي بيده وكلي مخبل واعوفج بس هذه ضمان الج حبيبتي هزيت راسي بمعنى لا كتله كلشي ماريد بس اريدك انته حضني وكلي اني كلي الج بس لخاطري حته ارتاح دخلت وشفت الرجال محضر الاوراق هو الرجال جاي من المحكمة وقعت وراح بيومه ظليت مجلبه بي وكل شويه اباوع عليه ماادري ليش باوع عليه وابتسم كلي ها شو تباعين ضحكت كتله جواد اموت عليك
ضحك كلي اني الي اموت بيج لو تدرين شكد مرتاح وياج تمنيت اعيش وياج من بداية عمرج اول منولدتي كون انتي كدامي ضحكت كتله يله متكوم كال كايم ومرت ايامنه كله حب وشغله الاطفال متفارقني ابد بس من اباوع ع جواد مجرد ابتسملي انسه كلشي

عزيز
نجوان وصلت لشهرهه وخطيه متاذيه وبيوم بلليل ضلت تعيط اظاهر ولاده وركضنه بيه للمستشفى وجابت ولد سميته ايهم حبيب ابو مله علينه البيت امي وابويه يكابلو من يكعد لحد مينام دللناه كلنه ونتخبل اذا سوه حركه ننخبص عمي ومرت عمي خطية حالتهم بلنازل الان فديوم سمعنه عياط باب بيتنه طلعنه لكينه مرت عمي كوه تجر النفس مخنوكة وتاشر ع البيت ركضنه وشفنه عمي واكع لا نبض ولا نفس ركضنه بي للمستشفى كالو العمر الكم اتاذينه عليه مات من قهره ع غرور ومرت ٣ سنوات كبر ايهم وحبلت نجوان وحلفت اذا بنيه اسميهه غرور طبعا نجوان مسالمه وفقيره كلش بحيث من كلت اسميهه غرور معترضت ولا حجت صح نقهرت وحسيت عيونه مليانه دموع بس مااكدر مااريد انساهه لغرور مااريد من اول محبلت واني اساله شوكت يبين هو شنو وتكلي بعد بعدني شهرين بلرابع يبين وره كم يوم هم اسال لحد مشفتهه حيل تضايقت بطلت دخلت مشروع ويه واحد من صحباني والحمدالله المشروع كبر والدخل تحسن كلش اخذتلي بيت وطلعت من اهلي صح بيتي صغير كلش بس المهم وحدي ومستقل نجوان ارتاحت من نك امي خطيه كلش تعبت ومشتكت واني مااكدر انطي ب امي ولا احجي وياهه كلمة هيه ام وجهزت البيت ونتقلنه واجة يوم الي نروح ناخذ سونر وطلعت بنيه كمت اكمز من الفرحة مااعرف احس غرور رجعتلي طاير جنت وكل شوية اتخيل شكله شلون حيكون واضحك ويه روحي والعب ويه ايهم كلما اجي مشتري شي مال بنات لحد ما نجوان ضاجت كلتلي كنتور الطفله قبط بعد لتجيب اضحك اكله مااكدر كالت خوش من هسه مطلع عينه راسا تذكرت حجايه مرت عمي ل عمي تكله محد طلع عينه لغرور غيرك خطيه مرت عمي من بعد وفاة زوجه راحت كعدت يم اخوهه وبيته اجرته انتهت صحته بلنازل ومرت الاشهر وصلت نجوان الشهرهه واني كل يوم بلليل قبل لا انام اكله ها بشري ماكو اوجاع تكلي لا ماكو نام وتضحك يوميه هلسؤال اخر شي ضجت تكله شنو سالفتج مناويه تجيبين فديوم اني بلدوام وخابرت امي كالت عزيز تعال اضاهر مرت دجيب واني مثل الطير طرت للبيت اخذتهم ورحنه للمستشفى و٣ ساعات طببوهه اخر شي طلعت الممرضه بيده طفله للغرفه مالته النجوان الحجزته انطتني اياهه واني ممصدك شلته اباوع عليه تخبل عيني دمعت امي تكلي يا شبيك حتموت شحال لو ماهيه بنية كتله يمه شنو هلحجي هاي روحي من الدنية هاي غرور الي ضيعته ضلت تهز بيده تكلي حرام اذا اكو عقل براسك جابو نجوان خطيه تعبانه بست راسه وكتله غرور تخبل هزت براسه بمعنى اي بس متوجعه
غرور
مرت سنين ع زواجنه اني وجواد طبعا جواد كلما اكله شيبت بعد متفيد يكلي انتي ترجعيني شباب ويضحك واني هم اضحك لحد فديوم كلي غرور مو كافي كتله شنو كال هلسنين كله مترحين ل اهلج كتله لا مااروح شذكرك بيهم نسيتهم اني كال لا لازم ترحين واني وياج كتله جان عمري ٢٠ سنه او بلاحرى بعدني ممقبطه ٢٠ ابوية بلا كلب ضربني طلقه او لو ميته احسنلي شنسه جواد شنسه انته تعرف كلش زين شصار بيه بعد هلسنين تكلي رجعي عمري ٢٨ تعرف شنو ٢٨ يعني ممحتاجه لا ام ولا اب العمر الي جنت محتاجته بيهم راح وعده وكبرت مااريد بعد كليالاهل عزوه حبيبي ولخاطري نروح واني وياج وسندج لتخافين من شي بجيت تذكرت كل الي راح كتله مااعرف خل افكر ظليت افكر تذكرت ايامي قبل تمردي ع اهلي وابجي شكد جانو مدلليني هسه ابويه شمسوي امي خطية شمسويه يمكن الي مريت بي نساني اهلي لان محد يحس بمعاناتي قررت اروح مخايفه من شي وزوجي وياي واذا طردوني معناهه خسروني للمره الثانيه نزلت شفت جواد كاعد ع التخم وجه ذبلان صار فتره لاحضت هلشي وجه كلش تعبان ومصفر ياخذ ادويه سالته كلي ذني مقويات لازم الي بعمري ياخذهن فمهتميت كتله اني موافقه اروح وياك نشوفهم كام وباس راسي كال باجر نروح ان شاء الله .....

يتبع....