غرور ...مكتملة

بارت 3

نزلت شفت امي وجه مكلوب وابويه هم طبعا تلفوني من يومه اخذه وكسره سلمت محد رد كتلهم اني موافقه ع عزيز
علي:وهو منو طلب رايج
ايناس:لبسي خل نطلع نجيبلج فستان للخطبة
اوك حبدل واجي صعدت بدلت ونزلت لكيت امي مبدله وكاعده والوجه هو هو كالت نتظري ابوج يودينه كتله منرتاح اذا اجه خل نروح بس اني وياج خزرتني راسا سكتت اجه بابا وطلعنه اضطريت من اول محلين اخذت لان هو يضوج نفرفر بي رجعنه بعد مااعرف بلتجهيزات اني طلعت بس ع الفستان حزت بنفسي وحدي لا عندي اخت ولا اجتي وحدة سالت عليه وكالت شمحتاجه لا بت خالتي ولا بنات عمي ولا اي احد معقوله اني ممخليتليصحبة ويه احد بس هم بهيج يوم لازم واحديجي يسال يوم الاربعاء كضيت ساعتين بلحمام ساعه اصفن ساعه اسوي بجسمي وخليت اشكال ع وجهي مو من الفرحة بس طاكه روحي خلصت طلعت واني لافه شعري بخاولي ولابسه برنص ماعدنه حمام فوك بس غرفتي فوك وغرفه ثانيه مخزن وجوه غرفة امي وابويه وباقي الملحقات حمامومطبخ واستقبال بابا بناه هيج لان ماعنده بس انيكال اصلا هذه زايد علينه فلحمام جوه طلعت ردت اصعد كلت خل اخذ فدشي اكله فوك فتت وشفت عزيز كاعد ع الكرسي راسا رفع راسه وظل صافن اني هم نصدمت واستحيت كتله شو تباوع متعرف تنزل عينك اخذت اكل وطلعت صعدت فوك وسديت الباب وقفلته وبجيت ياربي شلون حيلزمني عزيز اموت غير يبووووو ليش هيج سويت ساعه السوده اني انجبر ع الزواج ومن منو عزيز حته كلشي مسويت جنت ناويه اخلي مرطبات عندي وشغلات الجسمي من شفته تكأبت بس بدلت هدومي وكعدت اكل وباوع تلفزيون لليل ندكت الباب فتحته طلعت هديل ابتسمت كتله واللهبعد وكت هسه يله جايتني كالت حبات يمج متعرفين ابويه يمعوده هو اليوم وكوة قبل كتله هو مو يعرف محد اكو بس اني بعد ليش انتي متعرفي هو هذه ابويه يله شمحتاجه اسويلج ممحتاجه شي ظلت تباوع عليه من فوك ليجوه كالت صدك ممحتاجه كمر ابتسمت كالت اشوف فستانج حته اصبغ اضافرج انتي عروس ولازم تدللين وكلشي متسوين من كالت هيج كلبي نقبظ عروس ولعزيز استغفرالله بس ماكو غير حل حته ارجع لحياتي لازم انخطب لعزيز ولو بس خطوبه واني اظل اماطل بيه لحد ماالكالي فد سالفه واعوفه
هديل:شبيج غرور وين صفنتي
لا مصفنت وياج بيومه سهرنه مره اضحك ع فطاريت هديل واكول ثوله ومرات لا اكول شوف شلون مغلطت غلطتي ومرتاحه لحد منمنه كعدتنه امي الصبح كالت كومن هم يادوب نلحك نزلت كتله ع شنو خابصه روحج الي يشوفج يكول خطوبه وزواج مثل الاوادم
ايناس:والله صدك هو انتي مو ادميه ولي من وجهي يله الله اليستر شراح اسمع من حجي من وره دكتج
كتله انتو الي جبتوهه لنفسكم كتلكم غلطت وسبحان الميغلط
ايناس:هو المفروض صدك ابوج يدفنج ع هلصلافه امشي روحي من وجهي
طلعت من الهول رحت للمطبخ شفت هديل حضرت الريوك كعدت تريكت وصعدت سبحت وبدلت صاحت امي كالت لج وينج الولد بره حته يوديج للصالون كتله اي جايه اهووو شحيخلصه نزلت شقت هديل مكمله دتنتظر طلعت شفته لعزيز بلسياره رحت ركبت بلصدر واول مصعدت سويت اووووف كلي شلونج غرور كتله هاي الدتشوفني شلوني يعني صعدت هديل بعده مساده الباب كالت لحضه نسيت الجيس هسه اجي ونزلت عزيز كلي ليش هيج نافره مني والله ادللج لج غرور اني احبج تعرفين شنو احبج لو تدرين شكد حلمت بهلحضه هاي جتي هديل وهو مشه للصالون من نزلت جانت كدامي اثنين بنات ظليت انتظر دوري وهديل تباوع بلكتلوك واني صافنه لحد مااجه سراي وكالت كومي كعدت ع الكرسيشتكلي اكله بكيفج كالت وين فستانج طلعته هديل شافته حته تنسق وياه المكياج وظلت تلبخ واني مااحجي بس كتله لتكثرين عفيه احب النزاكة خلصت وسوت شعري طلعت اخبل باوعت لروحي بلمرايه كلت مااريد عزيز يربي شسوي النسوان بلصالون ضلن يصلن ع النبي خابرته اول مرد كال الو كتله تعال خلصت وسديته وره شويه اجه طلعت لابسه صايه وخليت شال ع راسي هيج وطلعت بس صعدت كلي كمر والله كمر حته مباوعت بوجة ومشه وصلت ولكيت كرايبنه بلبيت بكلبي كلت كطيعه شكدكم رحت كعدت واني مبوزه وكل شويه امي تفوت من يمي وتكلي ابتسمي خزيتينه كتله انتو جبتوهه لنفسكم كالت صلفه ومشت ودك وركص واغاني بعدين كالو يله اجه السيدخل تجي وره الباب رحت واني مثل الالي شيكول السيد اردد وعزيز كذلك ورجعت لمكاني كالو راح يجي العريس يلبسه الذهب طب عزيز طبعا عزيز حلو يعني اني من مااحبه وارغبله مو لان محلو لاحلو بس بعد الكلب وميريد طب هو ولابس قميص وبنطرون وهو يلعب حديد ومهتم بروحه شفت البنات كله صفنت علينه من كعد بصفي راسا كلي احبج اني ساكته جابو الذهب لبسني اياه واني لبسته الحلقه لزم ايدي وباسهه انسطرت يله خلصو وطفو الاغاني وبطلو ركص والناس طشو حسيت عزيز يريد يختلي بيه قبل ليفرغ الاستقبال كتلهم اني حصعد ابدل بعد مااتحمل تعبت راسا عزيز سوه احم وعدل كعدته عفتهم وصعدت بس مقفلت الباب بدلت وكعدت جبت مزيل مكياج مسحت مكياجي جان تندك الباب كلت ادخل طلع عزيز راسا وكفت وكلبي كام يدك هذه شصعده كتله انته شلون تصعد غرفتي كلي شبيج غرور غير صرتي مرتي هاي الكلمة عبالك سجينه وبكلبي كتله حته لو غرفتي متصعدهه كلي اسف ردت انطيج هاي العلاكه خلاهه ع الجربايه وطلع كعدت ع الكرسي كلت بله شنو ذنبه اني هيج اعامله بس موبيدي رحت فتحت العلاكة لكيت مبايل ابتسمت فتحته جان بي سيم كارت وبي رقم عزيز شمرته وظليت افكر بخطه اخلي عزيز يعوفني بس بلاول لازم اداوم بلكليه مبقه شي اسبوعين ولازم اباشر لزمت الجهاز ودزيتله مسج
-عزيز💬
-روحه💬
كلت اهووو هذه مصدك نفسه شكد ماعنده كرامه
-ردت احجي وياك بموضوع💬
-كولي غرور التردي يجرالج💬
-اريد اداوم كليه💬
-ماشي اني احجي ويه عمي وقنعه تدللين💬
شمرت الجهاز وظليت اكمز ايييييي واخيرا راسا حسيت بلذنب يعني هو شلون عاملني واني شدافكر بي بعدين كلت هو الجابه لنفسه نزلت يم اهلي شويه شفت وجهم احسن فاكين اني هم سولفت واحاول اتبسم اريد اطري الجو وانسيهم دكتي السوده نعست وتعبت كلت اصعد انام باوعت ع الجهاز شفت عزيز داك عليه اتصلت بي كال الوو وين جنتي دكيت عليج كتله اي عيني شنو تحاسبني عزيز صدكت روحك جنت جوه كال
عزيز:غرور من اكلج احبج لتستغلين شنو هلاسلوب
يله معاجبك لعد خل نفسخ كال خرررب لج انتي شبيج
لتكول لج ويله باي اريد انام تعبانه وسديته وخليته صامت ونمت كعدت الصبح لكيته كاتب اني اعلمج بكلبي كتله دطير يعلمني نزلت شفت امي صافنه كلت صباح الخير مردت شبيه رحت كتله يمه شبيج كالت بيه ضيم وبلاوي سوده لج مصيبة وكعت فوك راسي كتله شكو ياستار مصيبتيش يعني معقوله صارت مصيبه اكبر من خطوبتي من عزيز لعد شكد فكر عزيز البارحة خطبني اليوم صارت مصيبة بيتنه دخلته علينه فكر اني حسيت
ايناس:لج كافي اني ممتحمله راسي راح ينفجر ركضي جيبيلي الدوه مال ضغط حموت
يمه شبيج غير تفهميني
ايناس:هسه افهمج راحت واجت شمرت عليه ورقه
قريته ونصدمت معقوله لا مااصدك .....

يتبع..