غرور ...مكتملة

البارت 14

ثاني يوم كاعده وفدشي ممرتاحتله مااعرف شنو بس ممرتاحة لهلروحة جواد كال ها كتله ها حبيبي يله هاهيه نروح بدلت وخلصت مديتله ايدي قبل لنطلع لزم ايدي ابتسم عصرت ايده حيل وبسته خليته ع صدري وحضنته كتله جواد انته كل دنيتي ابتسم وحسيت عيونه دمعت كتله شو ل اول مره مترد حبيبي كال عاجبني بس اسمع صوتج باسني براسي وكال يله رحنه والطريق كله كلبي يدك شلون حشوفهم شنو ردت فعلهم وصلنه للمنطقه ودموعي نزلت منا مشينه اني وبابا بلسياره وهنا غلط وسب وهنا توسلت بي لحد موصلنه لبابنه وشريط الصار مر كدام عيني ظليت ابجي واشهك لزمني جواد كلي فدوه رحتلج لتبجين هزيت راسي ومسحت دموعي نزلنه ولزمت ايده حيل مشينه دك الباب شفت ولد بلابتدائية تقريبا خامس سادس ابتدائي هيج شي كاعد باب بيت عمي تذكرت عزيز وابتسمت نفتحت باب اهلي وطلع رجال غريب كال تفضلو كتله العفو من حضرتك كال انتي منو كتله اني بنت صاحب البيت كال والله احنه مستاجرين بهلاثناء طلع محمد ابن عمي كلبي نقبظ باوع علينه عاد ساله جواد ع اهلي اجه تقرب ضل يضيق عينه ويباوع بوجهي كلي انتي منو بصوت مخنوك كتله غرور كلي لج غرور هاي شجابج بجيت كتله وين اهلي كلي تعالي طبي نداريت ع جواد وبعدني لازمه ايده كتله جواد زوجي كال اهلا وسهلا تفضلو

عزيز
جانت يوم جمعة ملتمين يم اهلي عصرية كاعدين نسولف ونضحك ع سوالف غرور عمره هسه ٦سنين وايهم عمره ٩ سنين فات ايهم كال اكو ناس بره راحو ع بيت عمو بنيه ورجال طلع محمد وره شويه طب مصوفر كتله شبيك محمد كالو اكو خطار بره كام ابويه كله خل يتفضلون صاح محمد تفضلي غرور اني جن نضربت ع راسي ضليت كاعد طبت غرور وياهه رجال ولازمه ايده واني ع الكعده مالتي ابويه شافهه لزمه وجرهه لحضنه حضنه ويبجي وهيه هم حضنته وتناشخ من البجي بعدين كالت عمو وين ابويه سكتنه كلنه كال تعالو تفضلو عاد كالت ل ابويه جواد زوجي اني جن سجينه خلت بكلبي من كالت زوجي مكدرت ومتحملت كمت وكفت باوعت عليه هاي غرور هاي حبيبتي هاي ام السان متحجبة تخبل ليش رحتي وليش هسه رجعتي باوعت ع زوجه كتله اهلا وسهلا من رخصتكم وطلعت متحملت بعد ابقه طلعت افر براسي وين اروح يربي مو مستقر واطفالي ومرتي يمي ليش رجعت ليييييش

غرور
كلبي نخزني من شفت مستاجرين بلبيت كتله عمو امي وابويه وين راسا دنك راسه وكلي ابوج العمر الج صار اربع اسنين من متوفي كتله شنو عمو لا لالا راح وهو عباله اني مو خوش كمت اعيط وابجي واحجي وجواد حاضني بلربع ساعه يله هدءت مرت عمي كالت بنتي انتي مظلومه وحجت سالفه مرت ابويه وبتهه شفت جواد يباوعلي ومبتسم كتلهم يعني سامحني كالو من قهره عليج مات ظليت ابجي كتلهم امي وين كالو يم خالج خطيه حال الظيم حالهه كتله جواد هسه توديني ل امي كال صار وداني واني دموعي منشفت وكفت كبال بيت خالي واني متردده بعدين دكيت الباب طلع ولد كال تفضلي كتله امي ايناس موجوده كال منو انتي شفت خالي وراه صاح غرور وركض عليه جرني وحضني ضليت ابجي كتله خالو امي وين كال تعالي طبي جوه طبيت شفت مره هاي امي لا مستحيل شصاير بيه جانت كاعده لابسه دشداشه نيلي و فوطه عجوز صايره كلش رحت كعدت ع ركبي يمه حضنته وظليت اشهك كتله يمه هيه ضلت تصرخ غرور ولج يمه وين جنتي عيوني راحت عليج وانتي عايشه تحضن بيه وهيه تبجي واني ابجي نسيت جواد بره كمت كتلهم زوجي بره امي راسا لزمت ايدي كالت بعد مترحين ل اي مكان كتله انتي الي راح تجين ويايه مااعرفج ابد طلعت لجواد ابتسم كلي ها حبيبي بشري كتله تعال تفضل طلع خالي دخله للاستقبال واني كل شويه حاضنه امي كلتلي متغيره بنيتي كتله الي صار بيه مو شويه طبعا اتغير لو تدرين يمه المريت بي شنو الله دزلي جواد من السمه تزوجني دللني عايشه حياتي وياه اسعد وحدة كالت وين جهالج بنيتي غصيت كتله مصار عندي ضربت ع صدره كالت ليش يمه كتله يمه كلشي قسمة ونصيب الله مكاتبلي طفل بجت كالت ليش هيج حضج يمه كتله الف الحمدالله عندي جواد يسوه الدنية بيومه خالي جلب بينه ع العشه تعشينه يمهم بس جواد معاجبني تعبان رحت كعدت بصفه كتله عمري ليش هيج تعبان كلي اي والله تعبان منرجع كتله اي هسه بس اريد اطلب منك طلب كال امري كتله امي تجي يمي ضحك كال شتتوقعين اكول لا اشيلهه فوك راسي كتله سالم راسك والفرحة مسايعتني طايره رحت كتله يله يمه جهزي روحج كالت يمه عيب من زوجج شلون كتله ابد بيتنه جبير يمه وجواد ابن حلال ميكول ولا يسمعج كلمة اخذته وهيه متردده وكل شويه تكلي زحمة يمه واني مصدكت رجعت شفته كتله انسي اعوفج

عزيز
طلعت من البيت مخنوك وين اروح ظليت لليل افتر بلشوارع وتذكر طبتهه علينه هيه حست مباوعت بوجهي اصلا ولازمه ايد زوجه اكو غضب بداخلي اريد اكسر اصرخ اطلع الي القهر الي بداخلي اااااااخ ياغرور شرجعج رجعت للبيت تقريبا بل ١ لكيت وجدان بلبيت كالت كلت لمحمد جابنه هيه عرفت وضعيتي من وره غرور محجت شي بس جانت تحاول تجنبني شكد متكدر وضايجة شي طبيعي صعدت كبل للغرفه تمددت ع الجربايه وافكر شلون اذا رجعت واشوفهه دائما شسوي مااتحمل ياربي والله مااتحمل اريد بس منك الصبر جتي وجدان بصفي كالت عزيز شبيك درت وجهي كالت لهسه تحبه اني ساكت مااحجي كالت بس لتنسه هيه متزوجة وع ذمه رجال هذه تفكيرك غلط اني ساكت والنار بيه تلهب كعدت ع حيلي كتله وين غرور كالت بنتك كتله اي بنتي كالت نايمه كتله كومي كعديهه وجيبيهه كالت يا عزيز شجرالك ساعه ثنتين حتصير كتله من شوكت تكسريلي كلمة كتلج كعديهه وجيبيه وصدك راحت كعدته جتني شعرهه مكفوش ونعسانه ضحكت فتحت حضني هيه جتني تركض نومته بحضني وغفيت مرت كم يوم مسمعت شي عن غرور بس اسمع تخابر ابويه دائما لحد ما كال ابويه الجمعه عازم غرور وزوجه رفعت راسي باوعت عليه حس بيه كلي عزيز عيب هلتصرفات البنيه متزوجة كافي عاد وانته متزوج وعندك جهال يعني شلون هلسالفه متفض اني ضليت ساكت يوم الجمعه الصبح ابويه مخبوص ع جيه غرور وسوينه كومة اكل واني كاعد ع اعصابي متنرفز شلون يربي حشوفهه ومرت ساعه وكالو جوي الخطار جوي الجهال يتراكضون طلعنه سلمنه ع زوجه ودخلناه مبين خوش رجال ورغم كبره بس هيبه ومرتب حيل وانيق جان مو ع بعضه كل شويه يعصر بعيونه ظليت صافن هذه شبي جابو السفره مدوهه وضحك وسوالف واني بالي يمهه اجتي عيني صارت بعينه راسا دارت وجه واني ظليت اباوع عليه نسيت زوجه واهلي ونسيت الدنيه بعدين انتبهت ع ابويه ديخزرني درت وجهي وكعدت كعدت نجوان بصفي والجهال جاي ناكل فجاه رجل غرور كام ركض كلنه حمام اشرناله راح وغرور طفرت وراهه بعدين سمعنه عيطت غرور .......يتبع