دمار الحب
الحلقه الاولي
في فيلا الجبالي
فاتن:مس تقي جايه انهارده ياساره انتي ومازن عاوزين نبقي مؤدبين وشاطرين عشان تقول ايه الاطفال العسل الشطار دول
ساره ومازن :حاضر يامامي
انس:صباح الخير يافاتن
فاتن:صباح الخير ياحبيبي هو احمد اخوك ماقالش جاي امتي
انس:هيخلص الصفقه وهيجي وجوزك مش ناوي يجي
فاتن:لسه باقي شغل عنده
ساره ومازن: اونكل اونكل
انس:هااااا قلت مش عاوز دوشه
يذهب الاطفال لامهم يحتمون بها
انس:انا ماشي رايح الشركه لو في حاجه كلميني
فاتن:مدرسه السلوكيات جايه للاولاد انهارده
انس:ولا لها لازمه ماهم كويسين اهم
فاتن:لا بردو اطمئنان
انس:خلاص اعملي اللي تعمليه اهم ولادك
فاتن :يارب اشوف عيالك انت واحمد يارب
انس:وبعدين يافاتن مابتزهقيش من الموضوع ده
فاتن:لا مش هزهق هو اللي خلقها ماخلقش غيرها
يرجع لها انس بجمود وغضب عارم والشرر يتطاير منه:قلتلك ماتجبيش سيرتها تاني
لا ماخلقش غيرها مفهوووم
فاتن:اي ياانس خلاص سيب دراعي
فيحس بقبضته التي تخترق ذراع اخته فيتهاوي ويخرج مسرعا
فاتن:ربنا يهديك ياانس انت واحمد وافرح بيكو
....................
واثناء خروجه يصطدم بتقي
انس:مش تفتحي انتي كمان عاميه
تنظر له تقي باستغراب ويمر مسرعا
تقي:مدام فاتن موجوده
الداده:اه حبيبتي منتظراكي
تقي:سلام عليكم
فاتن:وعليكم السلام
تقي:حبايبي عاملين ايه
ساره ومازن:فاين مس تقي
تقي :برافو حبايبي واخذتهم الجنينه لتعليمهم بعض الاشياء
.............
ف النادي
ديما:هاااي مارو
مروان:هاي ديما عامله ايه
ديما:بيان
مالك شكلك مش عاجبني
مروان:ابدا صاحبي الانتيم اتاخر ف سفريته المره دي وحاسس اني زهقان
ديما:ياااه للدرجه دي اصحاب اوي
مروان:احنا اكتر من الاخوات دا بيقولي انا بالنسبه له اكتر من اخوه التؤام وهو كمان بالنسبه ليا اكتر من اخ
ديما:مابقاش في اصدقاء كده دلوقت بس كويس انك لقيت صديق كده ف الزمن ده
حافظ عليه
مروان :اكيد
وعليكي كمان انتي مش عارفه انتي بالنسبه ليا ايه
ديما :مارو احنا اصدقاء وانت زي اخويا بالظبط وصديق بلجا له
مروان :وانا مش هياءس ابقي اكترمن كده
.....................................
في الفيلا
تقي :يلا نلعب سوا القطه العاميه
ساره ومازن:واااات ايه دي مس تقي
تقي :هربط عيني وتجرو وامسكو
مازن وساره:هههههه حلوه دي
وربطت تقي عينيها واخذت تجري وراءهم ويصدرون اصوات ضحكات تجري وراء الصوت
حتي ان انس كان قادم فالتفو وراءه يضحكون فذهبت لمصدر الصوت وامسكته واحست انها امسكت حجم عائلي فخلعتها بسرعه لتتاسف ويضحكون
انس:طب قلنا عاميه عشان مخبيه عنيكي مش حاسه بالحجم
تقي:انا اسفه هو انا يعني قصدت انت اللي مريت ف الوقت ده
انس:بلاش اجي فيلتي كمان عشان سيادتك بتلعبي
تقي:ماقصد...
ولم يعيرها انتباه وتوجه للاطفال :انا مش قلت ميت مره مش عاوز دوشه حوليا
فخاف الصغار واتجهو وراء تقي
