دمار الحب
الحلقه الثالثه والعشرون
انس:بطلي فرك واتخمدي بقي خلينا نخلص كانت شوره هباب
تقي :الله مش بظبط وضعي
انس:وضع ايه انتي هتظبطي زوايا دا انتي هتنامي
ايه المصيبه دي اللي بليت نفسي بيها
تقي؛ يووه مش عارفه انام احكيلي حدوته
انس:والله انتي بتستعبطي دا انا لو بنيم ساره بنت اختي كان زمانها ناهمت
حرام عليكي نامي بقي انا مهدود حيلي طول النهار وعندي شغل بكره
تقي:الصراحه اتهد حيلك فعلا
انس يبتسم فهو يفهم مغزاها يابت اتلمي واهمدي ونامي بقي دا ايه المصيبه السودا اللي عملتها ف نفسي دي
ويكبر ف ودنها الله اكبر الله اكبر
تقي :انت شايفني مجنونه ولا لابسني جن
انت تعرف عني ايه ياانس
انس:معرفش ومش عاوز اعرف
فلم ترد تقي ونامت ولكنها لم تنم حقا ولكنها زعلت فعلا واحست انها تريد ان تشعره بها
انس :انتي نمتي اخيرا
مش معقول نمتي ف ثانيه كده
نوم الظالم عباده فضربته بكوعها في صدره
انس:يعني لسه صاحيه امال مابترديش ليه
فلم ترد
انس خلاص براحتك احسن بردو
ونامو واستيقظ ليجد نفسه مازال يحتضنها وشعرها الطويل بعضه متناثر عليه ليزيحه من علي وجهه وتستيقظ وتلف لتجده في وجهها فتصوت
انس:يخرب مخك خضتيني في ايه شوفتي عفريت
تقي:اكتر
انس:نعم اكتر من عفريت ليه شوفتي شيطان
تقي:لا نسبت بس اننا اجوزنا ماتخيلتش اني اصحي الاقيك بالقرب ده
انس:مش انتي اللي طلبتي احضنك
تقي:خلاص خلاص
ينظر لها باستغراب ماهذه الفتاه متقلبه المزاج
تقي:مافيش داعي تقفل عليا انا عجبتني الشقه ومش ههرب يعني بس عاوزه اجيب الداده بتاعتي اللي مربياني هنا هروح شقتي واجبها
انس:قلت مافيش نزول من البيت قوليلي العنوان واجبهالك تقعد معاكي وتخدمك ع الاقل ماتتصليش وتقولي مجوعني هاتلي اكل
تقي:لو مضايقك اتصالي اوي خلاص نصوم عشان نعجب
بس انا لازم انزل انهارده
انس:واظن كلامي واضح مافيش حروج من البيت
تقي :وانا قلت انهارده بالذات لازم انزل ومش هتنازل عن اليوم ده والا هنط من البلكونه واعملك مصيبه
انس بغضب عارم:انتي مجنونه اوعي تعملي كده
تقي:اي اي انس مش هعمل بس لازم انزل ولازم تجبلي هدوم من هناك
انس:الهدوم هجبهالك لكن نزول لا ودخل الحمام ليخرج يجدها تبكي علي السرير لم يلتفت لها وارتدي ملابسه وكانت كتبت له عنوانها لياتي بالداده فذهب اولا للفيلا وجعل فاتن تجمع ملابسها
فاتن:طب ليه بس ياانس
ماكنا سوا
انس:الفيلا فيها احمد وادهم هناك افضل
لميهم بس بسرعه واخذهم
انس:احمد فرع باريس طالبك عشان في مشاكل تروح تحلها مع شركه الرشيدي وفرعها بتاع باريس
احمد:حاضر هجهز نفسي واسافر
انس:وانت عامل ايه دلوقت
احمد:عايش
انس:ماشي يااحمد لما تعوز تتكلم انا موجود
احمد:ودا من امتي ان شاء الله
انس:ومن امتي وانا سيبتك ف حاجه ولا سيبت اي حد ف مشكله له مهما كان فيا ايه
انا مش فاضي دلوقت جهز نفسك عشان طالبينك بسرعه
احمد:قلنا حاضر ولا اجيب ميكرفون وادور اقول ف البلد
انس:بلاش الاسلوب ده معايا يااحمد
وذهب لداده حمديه بالعنوان الذي كتبته تقي واحضرها وف الطريق انزلها السوبر ماركت مع احد الحرس تشتري كل مايلزمها للبيت وذهبو لتقي
ودخل غرفه النوم ليجدها كما هي تبكي
انس:شنطك اهي
انتي عاوزه تروحي فين
تقي:دار الايتام
انس باستغراب ليه ليكي حد هناك فقد اخذه مخه لبعيد
تقي:لا بس انا ليا يوم ف الشهر باخدلهم هدايا واروحلهم وبيفرحو اوي ف اليوم ده
انس:طب قومي البسي وانا مستنيكي تحت
قامت تقي تقفز عليه وتقبله من وجنتيه ميرسي ياانوس
انس:طب يلا بدل مااغير رايي بعد انوس دي
وفعلا ارتدت ثيابها وحجابها ونزلت مسرعه لتركب معه عربته وخلفه عربات الحراسه
تقي :طب وديني محل..... عشان اجيب اللعب وفعلا جاءت تنزل استني هاجي معاكي وبعد ان اختارت اللعب جاءت تعطيه الفيزا الخاصه بها
فامسك انس يدها
انتي مش مجوزه راجل ولا ايه
تقي:بس انا بحب اجبلهم الحاجات دي من فلوسي
انس:وانتي شخصيا بقيتي مسؤله مني واي حاجه تعوزيها تطلبيها مني
فرضخت بغير رضا ولكن المهم الاطفال يفرحون
وركبت السباره معه
انس:واشمعنه دار الايتام
تقي:لاني يتيمه ياانس لا اب ولا ام بس انا معايا فلوس دول مش معاهم وبيتمنو اليوم اللي حد يعطف عليهم يمكن انا دقت حنان الام والاب واتيتمت كبيره لكن هم داقو اليتم من بدري اوي وماحسوش باي حنان ومهما عملنا مش هنقدر نعوضهم
نظر لها انس وكاد ان يعمل حادثه
تقي :حاسب ياانس
ولكن تفاداها
انس:مالكيش خال عم
تقي:مافيش غير خال مهاجر كندا من زمان مابيجيش وماشوفتوش
