دمار الحب
الحلقه الثالثه عشر
احمد؛ العيال بتنام ياانوس وتعبت انا هروح اوديهم واريح شويه واجيلك
انس:انت بتستعبط تريح فين وتسبني متشعلق كده والله لاوريك بس اطلعلك يااحمد هقتلك
احمد:يعني افرش للعيال ف المول وانيمهم هوديهم واجيلك الاكل كبس علي معدتهم وعاوزين ينامو ارهقو من الصبح لعب وتنطيط
واشوف امهم دي مصيعه فين داهيه وسايبه عيالها
انس:طب بسرعه وتيجي جري
وانطلق احمد والاولاد وديما
احمد:تعالي معايا بقي ف عربيتي نوديهم ونيجي تاني وسببي عربيتك
ديما اوك
احمد:امك فين يارويتر
ساره:مش قالتلي يادودي
احمد:مش ممكن مافيش حاجه بتستخبي عليكي
ساره:المره دي مس عرفت حاجه وخبت عليا
احمد:شغلك مابقاش عاجبني ياساره
سلمني نضيف اسلمك نضيف
ديما :انت مشغلها ف عصابه ايه اللي بتقوله للبنت ده
احمد:ماتتدخليش بيني وبين صرصورتي ياديما
ساره:ماتقولش صرصوره
احمد:حاضر ياصرصوره
..........
احمد:ايوه ياهانم اخيرا فتحتي موبيلك مصيعه فين يابت ورميالنا عيالك
فاتن:في ايه ياحمد. مع جوزي
احمد:جوزك مين
فاتن:جوزي مين ! انت ضربت ياواد هو انا مجوزه غير ادهم
احمد:هو مش مسافر
فاتن:ماهو جه وحاجزلي اوتيل
احمد:رايحين تعملو شهر عسل وسايبني ف الحوسه اللي انا فيها والواد متشعلق فوق
فاتن:واد مين اللي متشعلق مازن حصله حاجه
احمد:لا ياختي العيال رايح انيمهم ف الفيلا انس هو اللي متشعلق ف الاسانسير
فاتن:ههههههه لا والله بجد
احمد:دا انا كنت عاوز اصوره وارفعه ع النت هههه
فاتن:لا اجي اشوف بقي دا حدث لن يتكرر وتقي معاه كمان هههه
احمد:وجوزك هتسبيه
فاتن:يولع ماهو سايبني علي طول انا جايه هو فين
احمد:ف المول بس بسرعه انا معطل الناس اللي بيصلحو بالعافيه هههههه
فاتن:هوا
..........
ديما:انا ماشوفتش كده ابدا انتو فرحانين ف اخوكو
احمد:اسكتي ياديما ياختي دا ذاللنا ومبهدلنا ومشحتفنا معاه
ديما:انتو عيله غريبه جدا
مالك ياحمد
احمد:حاسس بخنقه شويه يظهر الواد انس بتخنق ف الاسانسير ماشي ياجزمه هستحمل شويه والله لولا البت الغلبانه كنت قعدتك اسبوع كنا ادينا اجازه للموظفين ف الشركه ودعولي
ووصلو الاولاد ونيموهم
احمد:ماتيجي نريح شويه
ديما :يلا اخوك بيتخنق اخلص
وانطلقو الي المول مره اخري
وجاءت فاتن
انس :كنتي فين ياهانم وقافله موبايلك ولا كان ليكي عيال سيباهم وسي زفت لسه ماجاش
ودا كله بتوع الصيانه ماجوش انتو عاوزين تخلصو مني ف الاسانسير
فاتن:اهو احمد جه
احمد:في ايه يانجم ماهم الناس شغالين اهو بيقولو في ترس هيجبوه من المانيا عشان يتصلح بس كمان شهرين
انس:نعم وانا هقعد هنا شهرين انتو بتستعبطو
احمد:هنحاول نجيب منه نسخه مصري ننزلك بيها دورولا حاجه
انس:خلص يااحمد انا تعبت
وشوف الحيوان اللي جمبك اللي بيصور
احمد:لا ماهي بقت فضيحه علني ف الجرايد كلها لما تطلع بقي ابقي شوف المصايب كفايه عليك المصيبه اللي انت فيها حاليا ركز ف مصببه واحده عشان ماتتشتتش
انس:والله انت اكبر مصيبه ف حياتي
تقي :اقعد اقعد ياانس ماتحرقش اكسجينك بدل ماتتخنق شكل القعده مطوله
انس:وانا واخدك القناطر انتي كمان ولا علي بالك وعامله زي اللي قاعده ف الجنينه شكلاته وبومبوني زي ماتكوني فتحتي سوبر ماركت مش شنطه
انا خايف ابص ف الشنطه الاقي الحمام كمان جواها
ايه الناس دي الواحد دمه اتحرق ودول ولا علي بالهم
