دمار الحب
الحلقه التانيه
تقي:انت ازاي تكلم الاطفال بالاسلوب ده
فاتجه اليها بكل جمود :وانتي مالك هو انتي اللي هتعلميني اكلمهم ازاي انتي عبيطه يظهر انك نسيتي نفسك انتي هنا ايه
تقي:لا مانستش انا جايه اقوم سلوك الاطفال واي حد ف البيت سلوكه بياثر عليهم ويبقي لهم رد فعل
يعني لازم اللي ف البيت ياخدو بالهم من افعالهم قدام الاطفال
انس:انتي اكيد مش ف واعيك ومش عارفه بتكلمي مين
احسن لك كلي عيش بدل مااقطع عيشك من هنا
تقي:وانا اصلا مش محتاجه للشغل ده
انا ممكن اشتريك بفلتك وكلك علي بعضك بس انا بحب شغلي مش اكتر لكن مش محتاجه فلوسك
فاستشاط غضبا واقترب يغرس اظافره في ذراعها :انتي اكيد اجننتي تشتري مين انتي يا متخلفه
امشي اطلعي بره
تقي:والله انا مش شغاله عندك ومايشرفنيش اشتغل عند واحد زيك متعجرف
انا مدام فاتن اللي طلبت مساعدتي
ولو مش عوزاها انا همشي
عن اذنك
واتجهت للداخل للتحدث الي فاتن
وهو وراءها بصوته الجهوري
انس:فاتن فااااااتن
فاتن:في ايه ياانس
انس:البت دي تاخد حسابها وتمشي
مش عاوز اشوف خلقتها هنا ف الفيلا
والاطفال يبكون عند امهم :مس تقي ماتمشيش
فاتن:طب اهدي بس ياانس في ايه
انس:انا قلتها كلمه
تقي:وعلي ايه مش عاوزه حسابي سيباهولك بقششه مني يمكن ينفعك
انس يمسكها من ذراعها مره اخري :انتي بتقولي ايه شايفه قله ادبها دي عوزاها تعلم سلوك لعيالك دي عاوزه تعديل سلوك
فاتن:مايصحش ياتقي اهدي بس ياانس
انس:مش ههدي ماتقوليش اهدي
مش ههدي الا اماتغورمن هنا
فاتن:مش هتمشي ياانس والا همشي انا والولاد كمان لانهم متعلقين بيها وانا حاسه بتحسن ف سلوكهم
انس:بتلوي دراعي يافاتن
ماشي اشبعي بيها وانا اللي سيبهالكو
فاتن:انس انس احنا مالناش غيرك بلاش كده ياانس
انس:ماشي يافاتن بس مش عاوز اشوف خلقتها طول ماانا هنا ماتحاولش توريني وشها
فاتن :حاضر انا هفهمها ماتكلمكش خالص
واتجه انس لحجرته ف الطابق العلوي
فاتن:معلش ياتقي انس مر بظروف وحشه جدا حولته للي شيفاه ده انس كان بيلعب مع الولاد اكتر من احمد كتير بس بعد الظروف دي بقي شخص تاني جامد بارد مايهمهوش يجرح ف حد حتي لو احنا بس في جواه طيبه وخوف علينا حتي لو بيداريها
تقي:بس انا ذنبي ايه استحمل كائن زي ده
ويهزاني ويبهدلني كده
انا علي فكره والدي ووالدتي متوفيين علي درجه مدير عام ف شركه البترول ومعاشهم مع عماره باسمي ف مدينه نصر مسكناها وعايشه ف شقه
يعني معايا مش محتاجه اني ابهدل نفسي عشان شغل بس انا بحب الاطفال ونفسي انفعهم وحبيت ولادك جدا ودا اللي مصبرني وحاسه اني انجزت معاهم
فاتن:وهم حبوكي وبيسمعو كلامك وحسيت بكده بعد ماكانو اشقيا كده وماحدش بيسيطر عليهم
عشان كده بترجاكي ماتسيبهومش
انتي لو تعرفي اللي حول انس كده مجرد بنت حبها جدا
تقي:وسابته
فاتن:ياريت
ماتت ف حادثه قدام عينه وهو واقف عاجز مش قادر يعمل حاجه
تقي:لا اله الا الله
فاتن :ومن ساعتها مش عارفه بيعاقب نفسه ولا بيعاقبنا ولا بيعمل كده ليه قغل قلبه وبقي بدون مشاعر او احاسيس
تقي:طيب انا هكمل مع مازن وصرصوره حبيبتي
ساره:ماتقوليش صرصوره زي اونكل احمد
تقي :حاضر اقولك سوسو
