دمار الحب
الحلقه السادسه
دخل احمد علي اخته فاتن وتقي
الجالستين مع الاطفال
فاتن:يالهوي ايه ده انت جاي من خناقه
احمد :اتنين ياحبيبتي اول يوم فيكي ياماااسر تعملي فيا كده طب استني لما اسبع ولا اربعن
فاتن:هههه انت هتولد ايه اللي حصل
احمد:انا عارف مالهم بنات مصر
ودي مالها دي كمان متنحه ليه
فاتن:من ساعه مادخلت من الجنينه وهي مذبهله كده
احمد:هو اغيب 3 شهور ارجع الاقي البنات اما متنحه او مبجحه مالكم يابنات مصر
تقي:هاااااا
احمد:لا دي مش هنا خالص
فاتن:مالك باتقي
تقي :لا ابدا مفيش
فاتن:طب لو تعبانه كفايه كده وروحي
فاتن:وانت بقي مين عمل فيك كده
احمد:حته بت تشرد
فاتن:بنت تعمل فيك ده
والخناقه التانيه
احمد:هي نفس البت
فاتن:ههههه دي بتراقبك بقي
احمد: يمكن دا انا خايف افتح الدش الاقيها نازلالي منه
فاتن:ههههههه لا مش للدرجادي
احمد:انا قلت كفايه كده ليوم واحد وارجع اتخمد بس خايف تطلع تتخانق معايا ف الحلم
فاتن:ههههه دي ربتلك الرعب بقي
احمد:بت قصرمللي كده بس جباره
شبه النمله كده لولا صوتها ماتشوفيهاش
فاتن:وتعمل فيك ده كله يافالح
احمد:ماهو بيقولك اتق شر من اقترب من الارض
الا الاوزعه ده تخافي منه
فاتن:طب اطلع اطلع غير وخذ شاور
.................
ساره:مامي مامي
فاتن:نعم حبيبتي
ساره:اونكل انس هيخرجني بدل بابي
فاتن:ايه ودا من امتي
ساره:لما خرجت ادور علي دودي لما بابي كذب عليا لقيته بيتخانق مع مس تقي ونزل ليا وقالي انا هخرجك انتي وماما ومازن وحضنته وبوسته
فاتن:ربنا يهديك يا انس
عشان كده تقي داخله مذبهله
احمد:شكلها الصناره غمزت ولا ايه
فاتن:هو بيطيق يشوفها دا كرشها وانا قعدتها بالعافيه غصب عنه
احمد:بس في تطور ملحوظ
فاتن:مع انس مانفهمش حاجه دا ممكن شويه ويتنكس نكسه سوده انت مش عارف تقلباته
احمد:انتي هتقوليلي دا بعدني انا شخصيا تؤامه عنه وبقي مروان بالنسبه ليا اكتر منه بعد ماكنا واحد تقريبا
فاتن:معلش يااحمد انت عارف ظروفه
احمد:عارف ياسيتي بس مش كده حبه دمره فعلا
انا طالع اخد شاور يمكن الاقيها نازله من الدش ابقو تعالو حوشو لاشرحها
فاتن:ههههههع والله انت شاري دماغك يااحمد
وفعلا ذهب لياخذ شاور ويبدل ملابسه وينام
..........
انس:انا ايه اللي عملته ده ايه التدبيسه اللي دبستها لنفسي دي من امتي بخرج مع الولاد
بس ماقدرتش استحمل دموع ساره بس كان ممكن اقولها احمد هيخرجك لكن دلوقت مقدرش بعد مافرحتهة هتقول عليا كداب وتنهار اكتر
ربنا يستر ويعديها علي خير
