انتـو لسة مخلوعيـن😂 خلاص نوريكم الحاصل
....
عاينـت لقيـــت حبـوبة وجـدو😍😳 وأنـا مخلـوعة وبعايـن كدا😳 فجـأة الأنـوار انطفـت😳بقيـت أنادي وأقـول حبوبة وجدو انتو هنا بالجـد😱 ردو ياخ😕 تانـي الأنوار ولعـت🌸ولقيـت بـابا ومـاما😍😳 اتفـرقو من بعض ب حركة حلوة كدا وظهـرو عمو محمـد وخالتـو😍 وتانـي بنفس الحركة اتفرقـوا وظهـرو مؤيـد وجـود😍 أجـي ي جـود😳 دي مش كانت جنبـي أسـي😳 عاينت م لقيـت ولا وحـدة من البنـات😳 تانـي عاينت قدام جود ومؤيد اتفرقو بنفس الطريقة وظهرو عمـار وروان😍( روان دي حبيـبة عمار الكان حكـى لي عنها لو متذكرين وقالـي لازم تتعرفـي عليها🌸 يلا هـو كان عرفنـي عليها لكـن أنا م كلمتكم😁) أها واتفرقـوا وظهـرو هيثـم وأمنيـة😍 وبعـدين ظهـرو باسـم ونرجس😳 ( أجـي كيـف يعنـي نرجس😳 مش دي عيـد ميلادها ومفروض تتفاجأ ولا شنو😳 وف نص الخلعة دي
ديك اتفرقو و ظهرو سامر ودعـو😍 وبعدهـم لؤي ورؤى😍 وأخيـرا غيـث وحبيبتـو😍😍( متذكرين حبيبـة غيث الساكنة ف حلة ناس دعو😂😂😂) أهـا بعـدهم كان ف ولـد صغيـر كدا قاعـد ومدنقـر وتانـي مـن وراهـو ف واحـد كبيـر برضو مدنقـر... ووراهـم ف يافتـة كبيـرة مكتـوب عليها لاريـن ومزينة😍😍 ب طريقـة فظيعة😍😍 وأثنـاء م أنـا مبهـورة كدا... قام الولـد الصغيـر رفع راسـو ب طريقة حلـوة كدا♥️ وطلـع مازن😍😍 أنـا طوالـي ضحكـت... ومـازن قال
"وضحكتك تشبه أهلــنا
وتفرح الواجعاهو روحو...♥️" وبعـدها واصل لارينـا😍 ي سعادتنا♥️ happy birth day our life🍀💙
يـاخ بكيــت بكـاء😭😭😭😭 ( أنـا أمس لاحظت إنـو ميلاد نرجس يوم حقـي😭 لكـن م حبيـت أخـرب المفاجأة وم زعلت لأنهم م اتذكـرو حقـي😭 لأنـي أساسا م وريـت زول قبل كدا من الناس الهنا ب ميلادي♥️😭) وف بكيـتي دي سمعـت صوت بيقـول.. ' الله علـي العمـر الودر😍 ضيعتـو بالأوهام سدى😭♥️' عاينـت كدا الولـد الكان ورى مازن رفع راسـو والمايك ف يـدو😍 وطلــــع أحمـــد😍♥️😳... بقيـت م بيـن فرحانة ومصـدومة وكلـو😳 وبـدا يغنـي.. ( بس لحظـة ب مناسبة العمـر الودر السجـم كيفتمام ومشتاقيـن ياخ😍😭) يلا نواصـل ... أهـا بدا يغنـي... وبعـدها قطعنـا الجاتـو وأكلنـا ولعبنـا وهيصنا💃💃💃 وحتـى دكاترة الكلية وباقـي الطلبـة كانـو معـانا😍😍 يـاخ بجـد كان يوم من المـوت وززي م قلت بقى أظبط عيـد ميـلاد والله😍وخميـت الهدايا خممم م بقـدر أعدها ليكم😍😍 بعـد خلصنا... قعـدنا كلنا ف النجيلـة وأنا كل شويـة أبكـي وأقـوم أسلـم ع ناس بيتنا😭😭😍 م مصدقـة ياخ😍 بجـد أكبـر فرحـة حسيتا ف حياتـي كانت😍♥️ يلا قلت ليهـم لكن دا حصـل كيـف وكيف عرفتو وناس بيتنا جو متيـن ومش كان عيد ميلاد نرجـس وسألتهم مية سؤال يمكن😂😂😂 قالـو لي أخـدي نفس وأسألـي😂😂 أها يلا نعرف الحصل سوى.. ( المرة دي حتعرفو معاي برضو م بكرة😂) وبـدت جـود تحكـي لي.. قالت لي ي زولـة متذكـرة يوم الأحـد الكنتـي قبلو بيـت ناس خالتك ف أمبـدة ( طبعا هنا أمـي اتخلعـت وعاينت لي😳 ولما عاينت ليها وضحكت حاولت تظهـر إنهـا عادية... دا لأني م وريتها إني مشيت طبعا وشكلو ناس خالتي برضو م وروها...) يلا م علينا نواصل.. قلت ليها ااي متذكرة.. قالت بس اليـوم داك انتـي بعـد مشيتـي جانـا أحمـد😳😳 طبعا بقيت مخلوعة الدخلو شنو😳 قلت أها وبعديـن... قال لينا إنـو عيد ميلادك يوم 15/5 عاينت لي كدا 😳 وانت عرفت كيف??.. عاين لي جود نظام وريها... جود قالت لي لقى شهادة الميلاد بتاعتك ف العربية حقتك (دا طبعا لما رسل عشان يجيـب العربيـة) أها المهم جا وسلـم علينا كدا وطبعا أصلا احنا بنعرفو نوعا ما من اليوم حق السمستر الفات ( دا يوم مشينا توتي طبعا) أها قال إنـو نعمل ليها عيـد ميلاد يكـون مختلف😍 قلنا لي كيـف... وعاينت لـي أحمـد نظام واصـل.. قالـي كنت عايز عيد ميـلادك يكون زي م انتـي عايزة بالضبط.. يعنـي إنتـي التورينا عايزاهو كيف بدون م تعرفـي🍀😁 ف قلت ليهـم حنغشها بإنـو دا عيـد ميلاد زول تانـي وهي تخطط معانا عادي وطبعا كنت واثق إنك م حتشكـي لأنو هنا م ف زول بيعـرف عيـد ميـلادك... ومستحيل تختـي ف راسك إنـو أنا ممكن أكون شفت شهادة الميلاد وجينا خططنا دا كلو.. خصوصا اني رجعت شهادة الميلاد ف مكانـا... واختـرنا نرجس😍 عشـان تقتنعـي لما باسـم يوريك وتطلعـي أفكارك كلها😍 قلت لـي كيف لكـن😳 ونرجس بجـد م كانت عارفة وبتتخلع وشنو... نرجس ضحكت وهم ضحكـو معاها.. عاينت ليها قالت لي حتـى دا كان مخطط ليهـو... قلت كيف?? وباسم ورانـي أيام إنتـو مختلفين😳 ضحكـت وقالت لي إحنا أصلا م كنا مختلفيـن😂 هو قال كدا عشان يبرر ليك هو ساقك لي ومخصوص لما جيتـو أنا سألتكم اتأخرتو لي عشان تفهمـي غيرة وم تشكـي😂 وباسـم ساقني بعيـد... نظام انتـي توري البنات ب كلام باسم اللهم أصلا عارفنو😂وتقولي كل حاجة بتتمنيها😍 وحتى ف حق السـوق لما بتخططي وشنو مع البنات عشان أنا م
أفهم😂😂 أنا كنت فاهمة أي شي وشنو😂
😂😂 المهـم حكـو كل شـي... قلت ليهم طيـب وأهلـي وناس البيت جو كيف😳 أمنيـة هنا اتكلمـت وقالـت لي أحمـد ورى هيثـم عشان يورينـي وكلمت ناس بيتنا ب كل شـي وهم وافقـو وخططو معاي😍 والحاجة الظابطة وساعدتنا كتيـر إنو مصعب أخـوي قال حيجـي من كنـدا عشان يعرس ( طبعا مصعب خاطب) وبكـدا ناس أبوك قالـو حينزلو الأسبوع الجاي عشان يحضرو العرس.. وكانو حيكلموك بس إحنا وريناهم ب مفاجأة عيـد الميلاد ولو بيقدر يجو أبدر شوية😍 وعمـو رحب بالفكـرة😍♥️ ومن الصباح مشينا بيت ناس جود ع أساس هم ينزلـو ب راحتهـم ف البيت وانتي م تشوفيهـم♥️ يـاخ بكيــــــــت بكـاء😭😭😭😭😭 (بجــد إحساس الناس الحوالينك يحبوك ويعملـو كل شـي عشان سعادتك دا شي م بيتوصف ياخ😭😍)
وشرحـو لي أي شـي😍😳😂
قلـت ليهـم فهمـــت أي شـي لكـن عرفتو إنـي بحـب أغنيـة العمـر الـودر كيف???
هنـا كلهـم عاينـو ع ناحيتـي وقالـو لي ودي المفاجأة الأخيـرة😳😍 تانـي مفاجأة شنـو...
وقبلـت وراي وشفـت😳😳😳😳
تفتكـرو المفاجأة شنو وأنا شفت منـو😳 ولـي اتخلعت كدا...
يلا الحاجات دي كلها حنعرفا بكـرة
يتبع.....
