أصبـح صبـاح اليـوم الجديد🍀 قمـت استحميـت وصليـت ودعيـت كتيــــر ربنـا يسهـل لـي أمـوري♥🍀 بعـدها قريـت قـرآن....فتحـت الشبكـة رسلت لـ شلتـي عشـان أوريهـم بـ موضوع الخطوبة وكدا😍 طبعا ف البدايـة زعلـو وكيـف ي داب أكلمهـم وشنـو... بس لما وريتهم إنو الموضوع جا سريع بس عشان أهلـي كلهـم قعـدين وكدا اتفهمـو🍀 وبعـدين نزلـو فينـي شتايـم😂 وي جزمة وي عواليـق😂 ومن متيـن... ودعـو تقول لـي واااااي أحمـد السممممح.. المـززززة🤤🤤🤤🤤.... اللهـم الثبات ياخ😢... ورؤى تقـول لي عشان كدا م بترضـي نتكلم فيهـو ي حيوانة ي جزززمة😂😂( بالله دي الحالة اتفهمـو إنـو الموضوع تـم بسـرعة😂)وجـود دي بس شغالة تراقب ف الوضع ساي وكل م يهـدو تهيجهم الحيوانة😂😒 ( مشيت ليها ف الخاص قلت ليها جود كنت ناوية أظبط ليك مع مؤيـد لكـن خلاص إحنا م بتنفـع معانا وحـدة فتانة🌚🌚😂.... بالله البت قبل ترد لـي مشـت هـدت الناس ف القروب وشغالة ليهـم ي جماعة الحاجة دي حصلت سـرعة وزاتـو لارين كانت بتكرهو😂😂😂 وشغالة تجيـب كلام من الشرق والتانـي من الغرب😂😂😂😂😂... مشيت قلت ليها ناس مبتجيش إلا بالعيـن الحمـرا😒😂 قالت لي إلا مؤيد ياخ😂) ...وكلهـم قالـو حيجـوني بعـد الفطوروجـودا طبعا كان سافـر عشان جامعتو فتحت😂 لكـن كلمتو طبعا 🍀 بقالـي م قلنا بنكـرهو وأبينا نعتـرف🌚😉 قلـت لي جودا ياخ😒 قالـي خلاص خليتك خليتك😂 بارك لـي وقال ونعـم الإختيـار والله ي لارين... أحمـد راجـل وأنا متأكـد إنـو حيسعـدك وحيشيلك فوق راسـو وم حيقصـر منك بـ شـي😊 قلت لـي تسلم ياخ♥وانت زاتك كنـت لـي نعـم الصاحـب والأخ🍀وبعـدها قفلت الشبكـة ونزلت تحـت صبحـت عليهـم.. وشربت الشاي.. جيـت عشـان أخش المطبـخ حلفـو لي م أخش😂😂😂😂 راحة بس ياخ😝رجعـت مشيـت غرفتـي وبيـن الواتس والفيس وأمنيـة لحـدي وقت الفطـور... نزلت فطـرت وبعـدها جو صحباتـي🍀 ونزلـو فينـي شكل.. لي م عملتـي شي لسة.. حتى كستـر سـاي ف وشك م ختيتـي وكلام كتير😂😂 وماما وخالتو ديل بس يضحكـو وقالـو ليهـم بس خلاص خليناها ليكككم🌚😹 المهـم طلعنـا فـوق وم خلـو لي شي... من ماسكـات وغيـرو وطبعا أنـا قلت إنـي حتمكيج ف البيـت وبراي عشان كنت عايـزة حاجة بسيطة...وجاتنـي البت البترسـم ف البيـت وعملـت لي أصابعـي بس حسـب طلبـي🍀 وبرضـو البنات رسمـو... وناس البيت حلفو لينا كان نعمـل شي😂😂 حتـى أكلنا بيجينا ف مكانا😂 المهـم كان يوم ظابط م بيـن ونسة وتشغيلات وشتايـم من صحباتي😂 لحـدي م جا العصـر كدا وبدينـا نلبس😍😍 أنـا لبسـت فستـان كحلـي ومشغـول بالدهبـي بالجنبـة كدا🍀 حلـو😍 وحتـى تصميمـو مختلـف كان جايبـو لي مصعـب معاهـو من كنـدا وكسرتـو ب شبط دهبـي عالـي💙 والبنات قالـو لي طالما الخطـوبة م فيها زول غريب م ف داعـي للطرحة... نعمـل ليك تسريحة وعشان شعرك طويل حيكـون ظابط🍀 أنـا م حبيـت فكـرة أفك شعري لكن قلت من الصباح تعبانيـن معاي م أحرجهم وسكتـت😊 لبسـت كدا وعملـت ميكاب هادي ♥ وأنـا بتصـور كدا براي ومع البنات... قالـو أحمـد وأهلـو وصلـو... ف البنات نزلـو عشان يضيفوهم وكدا مع ناس البيت وأنا بقيت قاعدة جـوة لحـدي م ماما جات قالت لي خلاص أنزلـي😊 لكـن أحمـد قال عايز يشوفك هنا ضروري بالأول بعديـن تنزلـي😊 قلت ليها خير م مشكلة خليهـو يتفضـل🍀 ماما طلعـت ودخلتـو... دخل سلـم علـي وأول حاجة شال الطرحـة مم فـوق السريـر ختاها لـي فـوق شعـري😍 قلـت لي أحمـد... قالـي هش🤫 أنا راجـل غيـور جـدا ع ممتلكاتـي وم برضى زول يشاركنـي فيها حتـى لـو أهلـي انتـي حقتـي💙 وكل حاجة حقتك بتخصنـي أنا وبس😍 وشعـرك دا م مـن حق زول يشوفـو غيـري🍀 انتـي لي وبس♥ بعـدها حصنـي ف راسـي😍 ونزلنـا سوى ... سلمـت ع أهلـو ( كان معاهو أختـو إسمها وئـام ف تانيـة ثانوي أسـي♥ وود خالتـو إسمـو وليـد ف تالتـة جامعـة🍀 وأبوهـو عمـو خالـد😍😍 راجـب باين عليهـو الطيبة والوقار من وشـو والله♥😭 سلـمت عليهـم وحبيـت ع يـد عمـو خالـد😍♥ قالـي ربنا يسعـدك ي بتـي😢وكان ف باسم وغيث بس من الأولاد ... الباقين م قدرو يجـو لكن اتصـلو اعتذرو وباركو لي🍀وبعـدها بدت الخطـوبة وكان تلبيس الدبل وكدا♥ وأبـوي حلـف عليهـم م يمشـو قبل العشاء وأصلا عمـو محمـد كان ضبح... اتعشـو وبعـدين مشـو🍀 وعمـو خالـد دا حسيت دموعو ف طرف عينـو وشفت ف عيونو قدر شنو هو فرحان😭💔 صحباتـي م قصـرو دخلـو يلمـو البيـت وخلـونا أنا وأحمـد ف الجنيـنة😍 قالـي حياتـي عقبال تبقـي حلالـي كمان ي رب😍 وبعـدها اتونسنا كتيـر لحـدي الساعة 12 كدا حتى مشـى🍀 وأنا دخلـت جـوة لقيتهم لمو المكـان ورتبـو... طلعت فوق استحميـت وغيـرت كدا اتصـل علي أحمـد وسألتو قالـي وصلـت أسـي لكـن مشتاق ليك يـاخ😢 رايك شنـو نعرس وخلاص😂 قلت لي ي زول أمشـي عرس ساي أنا لسـة باقـي لي 5 سنة حتى أعرس😂 قالـي 5 سنـة كتيـرة ياخ لكـن حصبـر طالما ف النهايـة حاخـدكانتـي😢 وحتبقـي مرتـي وحقتـي وحلالـي♥🍀 اتكلمنا كدا وبعـدها قفلنا... طبعا نرجس وباسم رجعو سوى... وغيـث قال حيرجـع دعـو ورؤى معاهو لأنهـم ف طريقـو... فضلـت جـود قالت لي حتصـل ل أخـوي ( لكـن أنا طوالـي فكـرت ف إنـو مؤيــد يرجعا ومنو يلقى طريقة يفاتحا ف الموضوع) قلت ليها لالا كيف يعنـي تتصلـي ل أخـوك يجـي من هنا... خلـي مؤيـد بيوصلك... ارتبكت كدا( الحب ي جماعة😂😍) وقالت لي لالا ياخ.. قلت ليها ي زولة جادة انتـي😉😉 م عايزة مـؤيد يوصلك🌚 قالت لي لارين ياخ م تعملـي لي كداضحكـت فيها ضحك😹😹 ونزلـت مشيـت لقيـت مؤيـد رقـد خلاص دايـر ينـوم😴 قلـت لـ مؤيد قـوم وصـل صحبتـي عشان م تمشـي براها بعـد دا... قالـي لاريـن يـاخ خلـي عمار يـوصـلا 😞😴 إنتـي مش عارفة طيارتنا 7... قلـت لي مؤيد قوم وبطـل ثقالة يـاخ... حلـف كان يقـوم😂 قلـت لـي خلاص م مشكلة أصـلا جود قالت حتتصـل لأخـوها وأنا حميتا😉 نـط قعـد فـوق السريـر طوالـي😂 قالـي دقيقـة انتـي قصـدك جود يعنـي... قلت مؤيد خلاص م مشكلة بقـول ليها لقيتـو نايم😁 بقـى يتكركب ويقـول كيف يعنـي تقولـي ليها لقيتـو نايم وكيف صحبتك تتصل لأخوها من هناك😂😂 لا خلاص خليها تنـزل أنا بوصـلا... قلت لـي م قلنا نـوووبـة هسـا😂😂😂 ضحكت فيهـو وقلـت لي فرصتك ي مؤيد م تضيعا... قالـي إن شاء الله ي أختـي تسلمـــي😍🍀 بعـدها ناديت جـود ونزلـت ليهـو وطلعـو.... وأنـا طالعة ع غرفتـي لقيـت ياسـر قدام باب الغرفة... لما جيت ماشة مسك يدي وبقى يجـر فينـي... قلت لـي ياسـر ف شنـو😡 قالـي كيـف يعنـي ف شنو... ف إنـي بحبكك وعايزك وأنا أولـى بيك😡 ضربتـو كف قلـت لي لو بتحبنـي ... خليك من بتحبني لو معتبرني بت خالك بجـد م كنت مسكـت يدي بالطريقة دي😡 وطوالـي فكيـت يدي منـو ودخلت غرفتـي بقيت أبكـي بس أحمـد اتصل طوالـي... سبحان الله🍀 حاولـت أتكلم عادي لكـن هـو لاحظ قالـي لارين ف شنو.. قلت كيف يعنـي ف شنو.. قالـي أحسـن تتكلمـي مالك.. قلت أحمـد مالي شنو بسم الله كويسة... قالـي الكلام دا ع ناسك ع صحباتك حتى ع أهلك لكن م علـي أنا😕 وأسـي ورينـي ف شنو... قلت أحمـد نعسانة بس عشان كدا خلينـي أنوم... قالـي م ف نـوم قبل أعرف حبيبتـي مالا والمزعلا شنو... قـدر م حاولت أبا يقتنـع لـي😢 ف النهايـة لما تعبـت قمـت حكيـت لي وأنـا ببكـي😭💔 سكـت شوية كدا وبعديـن هـدانـي واتكلـم معاي كدا وونسنـي لحـدي م ضحكـت 😊وبقيـت اتكلـم عادي حتـى قفـل منـــي🍀 بعـدها قفلـت الشبكة ورقـدت نمـت😴 صحيـت الصباح صليـت واستحميـت وقريت قرآن ورتبت مع ناس ماما حاجاتهم وأنا ببكـي😭 وبعـدها طلعـنا ع المطار... طبعا كلنا مشينا لأنو مودة ومحي وناس بيتنا طيارتهم كانت7 و ناس عمتـو 8 عشان كدا مشينا كلنا بالمرة.. المهـم اتونسـت مع أهلـي ويشيلـو ويوصـوني🍀 طبعا متكيفيـن لـ أحمـد أكتر مني زاتو😍😂 وجا موعـد سفرهم وودعـونا واتحركـو😭😭( ربنا يرد غربة كل زول بعيـد من أهلـو) وبقينا قعـدين مع ناس عمتـو وهي وناسة طبعا😂 والغريبة ياسـر من جينا م ظهـر تانـي🌚 قالت لي والله م كنت دار أضيعك من يدنا لكـن أحمـد كمان راجل ويستاهلك وتستاهلـي ي بتـي😊 وتقوى تقول ليها ماما بغيـر بالمناسبة😂😂 أها لما خلاص باقـي ليهم زي 5 دقايـق كدا بس ويمشـو ي داب ياسـر جا وحالتـو واقفة كدا م بعرف... عمتو لامن اتهجمـت وبتقـول ليهو ف شنو.. بيسكت ف النهاية قال ليها لاقونـي حرامية ف الشارع بس... وبعـدها بقـو يودعو فينا وبعـد سلمنا وخلاص حيطلعـو... ياسـر قالـي لارين لو ممكن بس عايزك ف كلمتيـن😊 طبعا م كان نفسـي أتكلم معاهـو لكن عشان عمتو م تحس بـ شي قلت لـي جدا... اتحركنا منهم شوية كدا... قالـي م عارف أقـول ليك شنو ولـو حتتقبلـي كلامـي أو لا... بس أنـا آسف والله وعارف آسـف م بتعمـل شـي... وأنا والله دي م أخلاقـي بس بجـد حبيتك😊 لكـن عارفة حتى وأنا بحبك بقول ليك أحمـد هو البيستاهلك وكـ نصيحـة من أخوك أبقـو عشـرة ع البينكم وربنا يسعـدك وآخر حاجة حقولا ليك إنتـي بجـد حبيتـي راجـل بمعنـى الكلمة🍀 ويلا سلام... وطوالي اتحرك مشىاستغربت فيهـو لكـن حسيتـو صادق وبجـد ارتحـت بعـد كلامـو خصوصا إنـي كنت خايفة من إنـو يعمل ل أحمـد شي أو يتصرف أي تصرف طايش... المهـم رجعنا البيـت وكان باقـي أسبـوع بس للجامعة قضيناها بين ونسة ولمة صحاب وطلعات مع أحمـد♥😍وفتحـت الجامعة😍 واتلميـت ع شلتـي من تانـي وبدينا الصياعة من جديد😂 أنا مع معط الجامعة وكلكم عارفين طب وقرايتـو وأحمـد نزل الخدمـة وبقـى مشغـول برضـو لكـن عمـرو م انشغل عنـي😍 ويوميا كان بيتصـل يصبح علـي وبالليل برضو بنتكلـم وبنحكـي ل بعض تفاصيل يومنا كلو وكتيـر كان بيحمينـي أساهـر عشان م أتعـب الصبـاح😍 ويقـول لي عشان حبيبتـي م تجيها هالات😍ولأنـي عارفا طفلة وحتقعـد تبكـي لي😂 بس يوم الخميـس دا كان بيكـون يومنا😍 بنكون قعدين نتكلم لحـدي م نسمـع صـوت الأذان التانـي حتى نقفـل ونقــوم نصلـي... بصلـي وأجـي ألقـاهـو مرسل لي رسالة قدر شنو هو مشتاق لي♥ ولا كأنـو م اتكلمنا أسـي😍😂 وأجـي أرد ليهـو وأرقـد أنـوم😴 وكانت الأيـام بتعـدي بنفس الطريقة دي وككل يوم بحـب أحمـد أكتـر وكل يوم بتعلـق بيهـو زيادة😍 كل يوم بكتشـف فيهـو حاجات تخلينـي بحمـد ربنا ع النعمـة الأدانـي ليها دي...♡ ككل يـوم بيثبـت لـي إنـو راجل🍀 وإنـو قدر الثقة الأديتها ليهو😍 كل يوم بيثبـت لـي حبـو وإنـي أولـى أولياتو 😍 كل يوم بهتـم بـي أكتـر من القبلـو... كل يـوم وهـو دايما بيحسسنـي إنـي أختـو 💜وصحبتـو💚 وحبيبتـو 💙وزولتـو♥ وحقتـو💛 وككل ثانيـة بتمـر بيحتوينـي أكتـر من القبلها😍 ككل ثانية تمـر وهو بيغيـر علـي حتى من نفسـي وناسـي وأهلـي💙 ككل ثان يـة وهـو بيأكـد لـي إنـو هـو سنـدي... يـاخ حتى مرات أنا بنفسـن ساي وبكـون زهجانة وم دايـرة اتكلم مع زول ولا أحكـي لـ زول... لكـن بيحس بالحاجة والتغييـر فينـي من صـوتي... وم بيخليـني إلا بعـد يتأكـد إنـي خلاص رجعـت ل طبيعتـي🍀 ومـرت الأيـام والسنيـن ع كـدا.... م بيـن حنيـة أهلـي وونسة شلتـي وحب أحمـدي♥ وتواصلـي وقوة علاقتـي مع جـودا💙لحـدي م جا اليـوم الحتخـرج فيهـو💙 وأستلـم شهادتـي... اليـوم الأبـوي حيفتخـر بـي بتـو فيهـو ويقـول قريتها وخرجتها وراسـو دايمـا مرفوعـة بـي😍🍀 واتعمـل لـي أحلـى تخريـج♥ وخصوصا إنـو شلتـي اتخرجو معاي😍 وكان عنـدنا فقـرة برضو قدمناها سوى💙🍀وجات اللحظة البينـادونـي فيها... وطلعـو معاي عيلتـي وأحمـد وجـودا♥😭🍀والحمـدلله اتخرجت بـ مرتبة الشـرف وأثنـوا علينا أنا وشلتـي كل الدكاترة حقين الكلية وقدر شنو كنا متماسكين سوى وعلاقتنا أصلا م اتغيـرت خلال السنيـن دي كلها وبرضـو العميـد قال ف حقنا كلام حلـو شديد😍 واتكلـم عنـي وإنـو من أميـز الطلبة بل حتى الناس المـرو عليهـو😍♥وبـ كدا الحمـدلله انتهـت مرحلة الجامعة وهي مرحلة من أهم مراحل حياتـي🍀 وأحمـد أصـر أصـر إلا يكـون العرس أسـي طوالـي قبل م ناس البيـت يسافـرو... لأنو أصلا عمـو محمـد كان حالف عـرسي يكـون ف بيتوفـ طوالـي بعد أسبـوع من التخـرج بدينا تحضيـرات العرس وجري للسـوق عشـان الشيلـة والحبسة العزبتهم فيهـا😂 وأحمـد أول يوم دا لما حكيـت ليهـو يمـوت فينـي بالضحك😂 الحيوان العواليق😂 ويشيـل ويحاكـي فينـي😕 قلـت لـي أصـلا غلطانة أنا البقيتك زول وحكيـت ليك😒....طبعا جابـو الشيلة وقولـة الخيـر سوى عشان الزمن أصلا قريب🍀 وعـدت كدا لحـدي م جا يـوم العرس😍 أحلـى وأروع يوم ف حياة كل بت♥🍀 وكنـت ف الكوفيــر وخلاص جهـزت 😍😍 وطلعـت رهيبـة🍀 كل الناس دي بتتكلـم بي🍀 حتـى بتاعت الكوفيـر اتكيفت لـي وصورتنـي كم صورة قالت حتعرضهم💙وكنت محجبـة الطرحـة طبعا😍وخلاص بقيـت جاهـزة وبس منتظـرة أحمـد♥سيـد ريـدي وهواي😍 ومعاي صحباتي واللـي هم شباينـي ( أمنية ـ جـود ـ نرجس ـ دعاء ـ رؤى ـ روان) وكانـو لابسيـن فساتيـن لحميـة كلهم نفس القصـة♥ وكاسرنها بـ كحلـي لامـع♥والشباب كانـو ( هيثـم ـ مؤيـد ـ باسـم ـ غيـث ـ سامـر ـ عمار) وكانـو لابسيـن بناطليـن كحليـة وبدل لحميـة🍀.... جـو الشبـاب وساقو البنات وككل ثنائي مشـو سوى🍀بقيـت براي بس... شوية وأحمـد اتصـل لـي ... طلعت وجا مسكك يـدي وحصنـي وقالـي وبقيتـي حلالـي والدموع ف عيونو♥🍀 وركبت معاهو والمجنون كان سايق براهو😂 قالـي بودي مرتي براي😂 وركبنا ف العربية طلـع سلسـل فضـي ومرشوشة فيهو لمعات لحمية كدا😍 مكتـوب فيهـو مملكتـي♡ لبسنـي ليهـو وباسنـي ف راسـي.. قالـي مش وعدتك ف يوم زي دا إنـي ألبسـو ليك وانتـي حلالـي🍀 والحمـدلله الوفقنـي عشان أصل قلبكك وأصل ليكك😍 وبعـدها اتحركنا💙 مشينـا الصالـة... يلا مع دخلتنا كدا كانو الشباين قعديـن ف الأرض وكل ولد قصادو بت😍... وأحمـد ماسك يدي بس فجـأة الأنـوار انطفـت وحسيـت أحمـد فلت يدي😭 بس رفعت راسـي عاينت قصـادي فـوق الكوشة لقيـت مكتـوب إسـم مملكتـي♡ بالألـوان♥وبيضـوي كدا💙 وأثناء إنبهاري بالحاصل😍وفجأة تانـي الأنوار ضـوت ولقيـن البنات كلهـم وراي ف شكل قوس كدا والأولاد قصـادي بنفس الحركة وقدامهم أحمـد😍♥ بعـدها أحمـد جا علـي ومسكنـي وكأنو ي داب بيستلم عروسو♥🍀 والشباين بحركة ظريفة كدا بقوا كل اتنين سوى♥😭 ودخلنا الحفلة وكان فيها محمـد الكنانـي وحسيـن وطه😍♥🍀 وربـوها رب لكـن أنا كنت خجلانة🙈 وم قادرة وأحمـد يقول لي م عرفتك أصو من متين الخجل دا😂( بالله أسـي دا وقت يهظرو فيهـو😂) قالـي أحسـن ليك حتيهو حت دي فرصة م بتتعوض والله ضحكـت وعاينت لي😍 وهنا المصـور أخـد ليـنا أحلـى لقطـة ف حياتنا♥🍀 وبعـدها جرتقـونا♥🍀 وطوالـي اتحركنا عشان كنا حاجزين ف يومنا داك زاتووليـد وصلنا المطار ورجـع ولحـدي الآن أنـا م عارفـة إحنـا مسافرين وين😂 وكل م أسأل أحمـد يقـول لـي مفاجأة😍 لحـدي م نادو ع رحلتنا حتى عرفت♥🍀 وسافرنا وأخدنا شهرين وكانـو أحلـى شهرين ف عمـري كلـو♥🍀( ربنا م يحرم بت منهم) وبعـدها رجعنا السـودان الحبيـب ونزلنا بيت عمـو خالـد وضبحو لينا وداك ي الأكل الـم خمـج😍 ( أنصار الطقة كيفتمام😂🤝) بعـدها أحمـد قال نمشـي ع بيتنـا لكـن أنا أصريت نسكن ف الطابق الفـوق عشـان نكـون مع عمـو خالد ف نفس البيـت♥( عملـت كدا عشان كنت عارفة قدر شنو البيت حيبقى فاضي ل وئام وعمـو خالـد😢 ف كنت عايزة إنـو نقعـد سوى .... مطبخنا واحد وأكلنا واحـد... أبقى بتهم وهم أهلـي🍀 وزاتـو عشان أحسسهم بـ لمـة الأسـرة تاني بعد فقـدوها بـ وفاة خالتو😢💔) طبعا عمـو دا اتكيف منـي كيف وبس يشيل و يدعي لي ربنا يحفظك ي بتـي ويكملك بـ عقلك ويسعدك ززي م أسعدتيـني🍀 ووئـام انبسطت بسطـة😍 وتقـول لي و أخيـرا لقيـت أخت😭♥ وأحمـد بس بيعايـن لي ولي أهلـو والدموع ف عيـونو... بعـدها عمـو قال لينا خلاص أطلعـو فوق طوالـي عشان ترتاحـو ( أصلا البيـت الفوق كان جاهز لـ أحمـد يعنـي مكتمل ب كلو... هو جهز بيتو الأصلا حيقعد فيهو وجهز دا عشان لما يجو زيارة ساي مرتو تاخد راحتها) وطلعنا فـوق... أحمـد قالـي لارين عادي ممكن نسكن برانا بعيـد يعنـي انتـي م مضطـرة... طوالـي سكتو وقلت لي انت نسيت إنـو ديل أهلـي... دايـرني أخلـي أبوي وأختي عشان أقعـد معاك براك😒 بس بقى يعايـن لي وحضنـي عليهو وقالـي بجـد انتـي نعمـة ربنا علـي😭😍 ربنا م يحرمنـي منك😭عارفـة لي بقـول ليك مملكتـي♡ قلـت ليهـو لي.. ?? قالـي عشان انتـي م دخلتـي حياتـي بقيتـي كل شي فيها♡ بقيتـي لي الأم والأخت❥ السنـد والحبيبـة♡ بقيـت م محتاج لـ زول ف حياتي تانـي🍀 بقيـت بشتاق ليك ف كل لحظة.. بفكـر فيك اليوم كلو🍀 ودايما بسأل نفسـي ي ربـي بتكـون بتسـوي ف شنو أسي😊 بقيـت بحفـظ تفاصيـل يومـي عشـان أجـي وأحكيها ليك♥ م انتـي أختـي💜 وصحبتي💙 حبيبتـي♥ وبتـي💚 وطفلتـي🖤 ومرتـي 💛وأم أولادي💛 يـاخ م انتـي حقتـي💘 وملكـي🖤 ودنيتـي 💝وحياتي💞 يـاخ بإختصـار كدا إنتـي... مملكتـي♡ويومها برضو اتكلمنا كتيـر🍀وعدت الأيام والسنيـن وحياتـي مع أحمـد مليانة وم ناقصـة شي😍🍀 وكل يوم بيكبـر ف نظري أكتـر من القبلـو♥ وأنا حاليا خلاص اتخصصت ف جراحة القلـب🍀( لأنـو القلـب كان سبب وفاة أمي سناء) والحمـدلله كرست حياتـي ل شغلـي وعيلتـي😍 وم أحلـى مننـا♥🍀 وأحمـد كان مقـدر لي كيف إنو شغل المستشفى والبيت سوى ف نفس اللحظة وم كان بقصـر منـي وم عنـدو مشكلة يطبخ معاي ولا يغسل لي عدة ولا يونسنـي ساي إن شاء الله😍🍀أحمـد كان رجل شرقـي ف غيـرتو علـي وإنو م بيرضى فينـي شي🍀 كان شرقـي ف إنـو م بيسمـح ل دموعـي تنزل😢🍀لككـن عمـرو م كان شرقي ف إنـو م يرضى يساعدني ف البيـت لا بالعكس كمان كان مقدر للضغوطات النفسية البتلاقينـي ف المستشفى ودايما بيحاول يسندنـي ويقيـف معاي😍 وفعـلا والله كان بيخفف علـي كتيـر وأنا كنت بحاول م أجيب ضغوطات المستشفى ف البيت وأخليها ف مكانا لكن هو كان بيقـول لـي أحكـي لي وشاركينـي... أنا بحس بالسعادة لما أسمـع ليـك😭♥وززي م قلتا حياتـي مستقـرة وم ناقصـة شي😭🍀المهـم يوم جيـت طالعة من المطبـخ وكالعادة أحمـد ماسك بتـو الـ ي داب عمـرها 4 سنوات وبيحكـي ليها عننا😂 قلـت لي أها وصلتـو وين😍😂 ردت لـي هـي طوالـي.. وصلنا لمن صرختي ونططي ف المطار لما عرفتـي إنكـم مسافرين ف شهر العثل ماليزيا ي ماما😂😂... بالله شوفـو شافعة الـ4 سنـوات دي😂 وأحمـد يضحككك قالـي لي والله شايلة جنك بس تاليـن دي😂😂 شوفي إسمها زاتـو نفس وزنة حقك😂😂وقالت لي ماما.. بابا دا زي باتمـان قلت ليها لـي???... قالت عشان دقا خالـو ياسر لما زعلك ( متذكرين يوم كانو مسافرين وياسر جا وحالتو بالبلا بس اليـوم داك كان لاقى أحمد وليكم حق الخيال بالأكشـن الحصل بيناتهم😂😂😂🤞)وياها دي حياتـي مع أحمـد وحاليا بقى عنـدنا مجاهـد💙ووتيـن😍♥🍀 وحياتنا مستقـرة م ناقصها شي ومكتملة ب دعوات عمـو خالـد لينا💙🍀 ( مهما كنت مرتاح وم ناقصـك شي ف حياتكك لو جاتك فرصة تحصل ع دعوات ناس كبار أوعى تضيعها) وأرجـع وأقول أحمـد بقى كان راجل ف نفسـو ومع نفسو عشان كدا الناس كمان شافتـو راجل🍀وبحمـد ربـي ألف مرة ع اليوم الجيت فيهو ف السودان😍والصدفة العرفتنـي بيهـو( متذكرين البرلمة وأول يوم لي ف الجامعة😂😂 وشهـرة البرلـومة البرلمت السنايـرة😂)اتذكرتو كدا وطوالـي فتحت الفيس ونشـرت" تقديس عظيـم للبرلمة العرفتنـي ع أحلـى حاجة ف دنيتـي💙 ورتبـت لي حياتي💚 وجمعتنـي بأغلـى زول علـي وسنـدي ف الدنيا💜 بإختصار زي م قال مملكتـي♡) وتانـي نشـرت... "~ ولكنك أتيت كأحلام يقظتـي 💜 ، كتلك الشخصية التي رسمتها من وحي الخيال أو ربما أجمل 💜 أتيت كبدايات فصل الشتاء كنسمة برداً جاءت لتزيح حرارة الحزن 👌 أتيت كأمنيتي الدائمة كأنك العوض الجميل المنتظر 💜 في كل لحظة حزن مررت بها يضئ هاتفي بأسمك حيث صوتك القادر علي انتشال كل حزن وعلي جبر كل كسر بضحكة تليها العديد من الضحكات من عمق الخاطر 💜 ربمـا أتيت لتلون لي حياتي بعد أن بهتت كل الألونن فارسم بفرشاتك ما شئت فأقسم بأن كل شي منك جميل 💜فقلبي لا يطيعُني ! يندفع نحوك دائمًا ، أُقسم بأنّي وبّختُه آلاف المرّات ، وطلبت منه ألّا يميل ،لكنه يجد استقامته تجاهك 💜فأنت "الخيـره" في ما اختارهُ الله...💜✨ ومـن تحـت برضـو كتبـت مملكتـي♡" وقفلـت الشبكة وطلعـت...طيـب دي حياتنا كـدا اكتملـت🌈 أوريكم الحصـل مع جزء من باقـي ناسنا...باسـم ونرجس اتزوجـوا وحاليا عنـدهم قصـيوهيثـم وأمنية اتزوجـو وحاليا عندهم نشـوى و نـوروليـد ووئـام اتزوجـو وحاليا عندهم لارين😍جـود ومؤيـد اتزوجـو وحاليا عندهم لاريـن وأحمـد😍😂😍 وعمار وروان اتزوجو وحاليا عندهم أواب ومآب...ومجاهـد اتـزوج وحـدة إسمها يقيـن وحاليا عندهم لاريـن♥😍( يقيـن دي مجاهد من زمان كان بيحبها هي هنا من السودان كان بيشوفا لما يجـي إجازات بس م كان وراها وم ف زول كان عارف غيـري.. ولما ف عيد الميلاد قال لي شمارات تقيلة😂 كان قصدو إنو شال رقمها واتواصلو ووراها ووافقـت)وباقـي الشلة برضو اتزوجـو♥🍀وحيـاة الكككل مستقـرة ومليانة ححب وسعادة لأنهـم اختارو السنـد والشريك الصـح..."السنـد♥دي كلمـة كبيـرة جـدا م تنفـع تتقـال لـ أي زول 💙هـو الـزول البكـون ليك الحاجـة الحلوة وسط المُـر الحاصل ☘🌕 هو الـزول الإنت مهما عملت من شـي أكيـد حيكـون ليك الحاجـة الثابتـة الـ م بتتغيـر ✨هو الزول الأول م تحس إك متضايـق من شـي أول زول بتتذكـرو هو 💙 يعني الحاجة البجـد لا بتتعـوج ولا بتميـل عن طريقككك🖤💫 يعنـي السنـد بإختصـار عبـارة عـن جناس هو ف اللغـه نوعين تام كأنا والسند، أو ناقص ك أنا بدونه .."💙كســــرة#1. كل حاجة بتحصـل ف حياتنا بتكـون لـ حكممـة ربنـا عالم بيها ي جماعة... ف م نتضجـر ونسبـق الحـوادث ي جماعة... ولاريـن ربنا قسم ليها تحب السودان واجتهـدت وقرت المنهـج السـوداني عشان ف النهاية تلاقي أحمـد لأنـو هو نصيبها🍀....2. بالله كونك مشيتـي بعيـد مـن أهلك دا م معناهـو تاخدي حريتك وراحتك ف كل شـي... لا ف حـدود م ينفـع تتجاوزيها ولأنك بتعكسـي تربية أهلك بتصرفاتك ف رجـاء أحسنـي التصـرف عشان م يجـي يوم وراس أبوك ينزل بـ سببك لأنـو لو حصلـت الحاجة دي فـ م حينفعك كونك دكتورة ولا مهنـدسة ولا غيـرو لأنك خسرتـي الأساس واختاري الناس الصـح والبتشبهك وأعرفـي اتعاملـي مع كل زول حسـب شخصيتـو... وأعرفـي متيـن تسكتـي ومتيـن تتكلمـي ومفروض تقولـي شنو... ودي الحاجة الخلت لاريـن تقـدر تعيش ف السـودان رغم إنـو مجتمـع جديد عليها♥3. كونكك دخلتـي الجامعة ف إنتـي بقيتـي ف مجتمـع مختلط يعنـي معاك أجانب عنك يعنـي مفروض تحترمـي نفسك ولبسك وصوتك م يصـل الشارع... م حقـول ليك م تتكلمـي مع ولـد نهائي لأنـو ي إمـا جمعككم شرح ولا سؤال ولا تبادل معلومات ولا محاضـرات ولا اتكلمتـو عادي... لكـن حتـى وانتـي بتتكلمـي وتتونسـي لو ختيتـي أبـوك قدامك حتعرفي تتعاملـي بـ حدود براك وصدقينـي عمرك م حتغلطـي... ودي الحاجة الميـزت لارين وبقتها محل ثقة لأهلها...😊4. كل حاجـة ف الدنيا دي بيحصـل لـ خيـر ربنا مقدمـو لينا ف ي ريـت نحسـن الظـن بالله لحـدي م الأمور توضـح لينا... أسـي لاريـن لما سمعت كلام أمها زعلـت طوالـي وأخـدت موقف وفهمـت غلط لكـن كمان ربنا مخصوص ف الوقت داك رسل ليها أحمـد عشان تفهـم وتعـرف الصـح ودا حيرجعنا لـ وحدة من النقاط الذكرتها قدام إنـو تختار ناسك الصـح وياهـو رغم إنو أحمـد ولد لكن برضو ربنا ختاهـو ف طريقها عشان تفهم الحاصل...💙5. العـوض ي جماعة... ربنا بيعـوض ككل حاجة والله وع قدر م شال منك والأكيـد شالـو منك ل خيـر حيعوضك بـ حاجة تانيـة... زي م بنلقى ربنا اتولى سناء لـ عنـدو لكن عوض لاريـن بـ منال واتولـى أم أحمـد لكـن عوضو بـ لارين البقت كل حاجـة ف دنيتو ورجعـت البسمة ل عيلتـو من جديد وحسستهم بلمـة الأسـرة من جديد💚 6. الأصحـاب نعمـة والله وي ريت نقـدر نحافظ عليهـم ونختار الأصحاب السنـد وحتى ف أصحابنا كل زول بنعاملـو حسب شخصيتو وتفكيـرو وياهـا لارين عملت أصحاب وصحبات عادي لكن كانت مراعية لأهلها ف تعاملها وكلامها وبالعكس كمان حتى أهلها كانو عارفين أصحابها والأفضل عارفين هم ربـو بتهم كيف ولاريـن بقت قدر الثقة دي...💙وغيـر النقاط الذكرتها ف حاجات كتيـرة ف الرواية ممكـن نستفيـد منها لـو فهمناها صح وم تبقى حاجة قريناها للمتعة بس وخلاص... مالـو طالمـا بنقـدر نستمتـع ونستفيـد ف نفس الوقت لي م نستغل الحاجة دي💛......روايـة مملكتـي♡ روايـة خياليـة حاولـت أشبه الروتيـن العام بتاعها بالواقـع عشان نستفيـد ( يعنـي واقع الجامعة والأسـرة والمحافظة ع الصلاة والقرآن وكدا) لكـن هي كـ رواية خيالية😂 لابـد إنـو يكون فيها الخيال الواسع مرات ودا الحصل فيها😂😍😂ودي أول روايـة لـي بتمنـى تكـون نالت إعجابكككم( كتبتها ف 13 يوم)بديتها يوم1/2/2019 وخلصتها يوم 13/2/2019 وي ريت الناس تقـول كل ملاحظاتها فيها لـو إيجابية عشان أمشـي عليها وأثبتها وزاتـو تشجيـع لي عشان أواصل🍀 ولـو انتقـادات عشان أراعـي ليها ف الروايات الجاية بإذن الله وم نكـرر الأغلاط🍀💙وتـم بحمـدلله# "وصلـى اللهـم وسلـم وبارك ع سيـدنا محمـد"Idolia🌸
