أنـا طلعـت من البيـت وبقيـت ماشة وأنا ببكـي😭😭 وكل م اتذكـر إنـو ديل طلعـو م أهلـي أزيـد ف البكاء😭💔بقيـت ماشة لحـدي م مشيـت قعـدت جنب البحـر ( أصلا بمشـي بقعـد هناك كل م أكون زهجانة... م بحس روحـي ف الخرطوم) قعـدت وبقيـت أبكـي😭💔 وأحمـد طبعا كان متـابعنـي😭💔 لحـدي م مشيـت قعـدت جا قعـد جنبـي وهـو ساكت💔 أنا رفعت راسـي عاينت ليهـو ورجعت قبلت ع البحـر ودموعـي ماشة😭💔 ززي بعـد ساعة كدا هديت شوية... دا كلو وأحمـد قاعد جنبـي وم فـتح خشمـو معاي.. عاينت لـي لقيـت دموعـو ماشة😭💔 قلـت لـي بتبكـي لي... شفقان علـي صح.. شفقان ع اليتيمة الـ م معـروف لا أبوها لا أمها صح💔 شفقان ع البت الطلعـت حياتها كلها كذبة صح💔 لكـن كتـر خيرك.. شكرا وأنا م بقبـل شفقة من زول😕💔.. وتقـدر تمشـي أسـي وضميرك مرتاح واعتبـر البيناتنا انتهى💔 وأنا م بلـومك ع شـي.. أمشـي شوف ليك وحـدة معروف أصلها وفصلها واتزوجها💔.. قالـي لاريـن أول شـي خليـك عارفة إنـو مهما حصل أنا حفضل سنـدك ومعاك.. كوركت فيهو وقلت لـي كذب.. كلو كذب😓😣 م ف زول حيفضـل لي.. أنـا م عنـدي لا أم لا أب وبقيت أصرخ تانـي... واترميـت فيهو وأنا بقول لي بيحصل معاي كدا ي أحمـد😕💔 لـي... بس أنا عمـري م أذيت زول.. عمري م نويت شـر لـ زول😭💔 لي كل الدنيا واقفة ضدي😕لـي تفتكـر ربنا م بيحبنـي💔😭.. ضمانـي عليهـو وقالـي هش حبيبتـي ربنا إذا أحـب عبـدا إبتـلاه... وربنا عارفك قدر الحاجة دي💔 وبعـدين بالعكس كل الدنيا معاك وم ف زول ضـدك... انت عارفة أمك قلبها محـروق عليـك💔😭 عارفة أبوك مكسور عديل💔 عارفة إنـو أول مـرة أشوف دموع أخوك💔 عارفة أنـو مموية ومحـي الم لقـو طريقة يجـو للعرس.. خلو كل شـي وراهم وركبو أول طيارة ووصلـو💔 لاريـن م تخلـي زعلك يعميـك من الناس البيحبـوك💔😭 م تنسـي هم كيف تعبـو فيك.. م تنسـي إنو أمك دي سهرت الليالـي عشانك😭💔 وهـي لو بجـد م بتحبك م كانت حتخاف عليك من إنك تعرفـي الحقيقـة... صدقينـي ي لاريـن انتـي الأسـرة والعيلـة العنـدك ليها م ف زول لقاها... م تجحدي ع نعمـة ربنا عشان م يشيلـو منك😭 قالـي انتـي عارفة أنا أمـي ماتت وأنا ف تالتة ثانوي وأختـي كانت ف خامسة أساس😭 عارفة يعنـي شنو تكون كل يوم بتنوم وتصحى ع صوت أمك💔 وفجــأة بدون سابق انذار يقولو ليك ماتت💔 عارفة يعنـي شنو يكون مفروض عليك تتحمـل مسؤولية طفلة ف خامسة وانت زاتك محتاج زول يسنـدك ويقيـف معاك😭💔 عارفة يعنـي شنو تصحى من الساعة4 عشان تعمـل الشاي لأختك وتسرح ليها شعرها😭💔 وتديها فطورها عشرن تحصل الترحيـل وانت زاتك محتاج زول يعمل ليك كدا💔 عارفة يعنـي شنـو تحصل ليك ظروف زي دي وانت ممتحن شهادة😭💔انتـي عارفة إنـي دايما كنت أول دفعتـي وكان لازم أبقى كدا ف تالتة💔 رغم كل الظروف عشان لازم أحقق منية أمـي😢💔 هـي كان نفسها تشوفنـي كابتن ومن أنا صغيـر بتقولـي لي ولدي الطيار💔
أنا مرت علي الظروف دي كلها لكن عمري م اعترضت ع حق ربنا🍀 ورضيـت وواجهتها وجبت كم وتسعيـن ف تالت وخشيت طيران الخرطوم زي م أمـي كانت عايزة تشوفنـي😢💔 وزي م شايفة الحمـدلله اتخرجت السنة💔😢بس م قدرت اتحمل فكرة أعمل تخريج وأمـي م تحضرو... ودا كان السبب الخلاني م أعمل تخريج😭💔
طيب خليك منـي💔انتـي عارفة أبوي دا اتكسـر بـ وفاة أمـي لكن كان دايما مضطـر يظهـر قدامنا قوي عشان يسنـدنا💔🍀 رفض الزواج عشان م يحسسنا أو يجيـب لينا مرة أبـو ممكن تزعلنا ف يوم من الأيام...
وطبعا دموعـو دي بس ماشة😭😭
قالـي انتـي مفروض تحمـدي ربك ع العيلة الربنا أداها ليك.. تحمـدي ربنا إنو مرت أبوك بقت ليك زي أمك💔 أسـي ف يـوم حسيتـي بيها فرقت بينك وبيـن أولادها😢
طبعا أحمـد بيتكلـم وأنا بفكـر ف الحاجات العملـوها أهلـي❤️عشانـي... استصغـرت نفسـي بالجـد وحسيت قدر شنو أنا كنت جاحدة ل نعـم ربنا علـي... وكيف طلعت من البيت وماما دموعها ف عينها😢 وأبـوي م قادر يتحرك مـن شدة الألـم🍀
أحمـد قالـي وبعـد كدا لو لسة مصـرة تعتبري خالتو منال مرت أبوك وم ترجعـي... أنا م حضغطك وحخليك ع راحتك😊
عاينت لـي وسكتت مسافـة بعديـن قلت لـي كيف يعنـي مرت أبوي😊💔... قالـي أسمعـي طيب الحكاية زي م حكوها عمـي وخالتـي...
( أمك وأبـوك اتزوجـو عن ححـب♥️🍀 وجابـو مودة وبعديـن مؤيـد😍 وكانـو عايشيـن حياتهم ومبسوطيـن وكانـو أحلـى اتنيـن♥️ والناس بتضـرب المثل ب قصـة حبهـم دي واحترامهم ل بعض حتـى بعـدو جابو طفليـن😍....
وفـي يوم صحبة أمك اتصلـت عليها وهـي بتبكـي😢.. طبعا أمك م عرفتها ف البدايـة لأنـو الرقم كان بـ مفتاح دبـي... لكـن ديك ردت عليها وقالت ليها أنا سناء ي منال🍀😭 تعالـي لي ف مستشفـى كدا '.....' أمك اتخلعـت وبـي بكاء صحبتها م قـدرت تستفسـر أي شـي... بس قفلـت منها وكلمت أبـوك وطلعـوا هـم الإتنيـن ع المستشفى القالتـو صحبة أمك💔 مشـو لقـو حالتها صعبة وتعبانة شديـد... وتبكـي وتقول ليها ألحقينـي ي منال أنا قع أموت😭💔...
/المهـم سناء دي كانت جات ف دبـي عشان تظبـط ليها موضوع شغل ومرضت فجأة كدا وجات الدكاترة قالـو ليها لازمك عملية مستعجلة وم حندخلك إلا يوقـع لينا ولـي أمرك... ف هـي عشان م عنـدها زول هنا قامت اتصلـت ع منال الأصلا كانت متواصلة معاها بالواتس😊 وياهـو جوها... وأمك وأبوك عملـو كل البيقـدرو عليهـو عشان يخلـو الدكاتـرة يدخلوها ف العملية ع ضمانتهم😊 لكـن الدكاترة هناك حلفـو.. قالـو إلا أبـوها ولا أخـوها ولا راجلها😕💔
وهم م عرفـو يعملـو شنـو...
ف منـال عرضت ع أبوك إنـو يتزوج سناء عشان يوقع ويدخلوها العمليـة.. ي لارين أمك رغم حبها ل أبوك وغيرتها عليهـو وقـدر شنو الحاجة دي قاسية عليها💔 لكـن هـي ختت دا كلـو ع جنـب عشان تنقـذ حياة صحبتها... ورغم إنـو أبـوك كان معترض لكـن هـي الأقنعتـو يتزوج سناء😊 أنا طبعا بسمـع ف الموضوع ودموعـي ماشة😭😢 هـو لمـن لقانـي متأثرة وببكـي سكت💔😊
لكـن أنا أصريت علـي يواصل...
واصل وقالـي وبإصـرار أمك أبوك اتزوج سناء وعملـت العمليـة وأخـدت فتـرة ف المستشفى وطول الفتـرة دي أمك واقفة فوقا وبتلبـي كل إحتياجاتها... وبعدو سناء بقـت كويسة وطلعـت من المستشفى ومشت بيـت مع منال ف بيتها... وأبـوك كان عايز يطلقها لكن أمك حلفت عليهو إنـو م يطلقها وإنو الحكاية م لعبـة💔 يعرس ويطلق ع كيفو💔 وإنـو لازم يديها حقوقها كلها ك زوجتو😊 وبقـوا عايشين سوى ف بيـت واحـد وبيعاملو بعض معاملة الأخوات م الضـرات... وحتى أخوانك الكبار حبوها لـي سناء وكانو بيقولو ليها أمـي🍀 وبعـد فتـرة سناء حملـت بيك😊 لكـن مع الأسـف المرض رجـع ليها تانـي.... والدكتور أصر عليها تنزل الجنيـن وإلا حتموت لكـن هي رفضت... وحتى منال وأبوك حاولو معاها عشان صحتها😊💔 لكـن هي أبت وقالـت ليهم كيف أقتل جناي قبل يشـوف النـور😢 وأصـرت تجيبـك ع الدنيا💔 ومـرت الـ 9 شهور بين ألم وفرح لحـدي م جا يوم15/5 ... اليـوم الحتشوفـي فيهـو النـور... وأمك سناء قبل م تخش العملية وصت منال عليك كتيـر وقالت ليها أنا عارفاك م بتقصـري لكن ع الله ي منال عامليها زي أولادك وك تخليها ف يوم تعرف أو تحس إنك م أمها😢💔...
وكلام سناء دا كان السبب ف إنو منال م ورتك الحقيقة😭💔
أمك ي لاريـن م كانت زي أي أم تانـي... أمك ضحت بـ حياتها المستقرة عشان صحبتها... أمك18 سنة شايلة همك وخايفة من اليوم الحتعرفـي فيهـو الحقيقة😢💔 أمك ي لاريـن من يوم انتـي نزلتـي السـودان م بتنـوم الليـل بالخوف من كونك تعرفـي الحقيقـة الهـي م ليها ذنب فيها💔
إنتـي ي لاريـن قلتـي م عنـدك أم صح😊...
فعـلا انتـي م عنـدك أم لأنـك عنـدك أميـن م واحـدة🍀
أم ضحـت بـ حياتها عشـان انتـي تعيشـي وأم تعبـت ف تربيتك لحـدي م جابتك ع الدنيا دي)
يـاخ بكيـت بكاء😭💔 وبعـدو استغفرت كتيـر وقمت اتوضيت من البحـر وصليـت ودعيـت ربنا يسامحنـي ع تصرفـي دا😢💔
بعـدو قلت ل أحمـد يرجعنـي البيـت😊 م اتكلـم معاي بس ساقنـي ومشيـنا سوى البيـت... لمـا وصلت جنب الباب حسيـت روحـي لأول مرة حخش البيت دا وكأنو م البيت العشـت فيهـو سنة كاملة😊 وطلعت منـو قبل شوية.. وقفـت جنب الباب مسافة ودموعـي جات جارية😭 وأحمـد ضغط ع يدي شديد وكأنو بيقول لي أنا معاك♥️ ابتسمـت ليهـو ودخلنا سوى لقيناهم كلهم ف الجنيـنة وحالتهم بالبلاء وأمـي دي لامن صوتها رايح بالبكاء💔 أول م شافتنـي جات علي هي خايفة ومترددة.. أنا طوالـي ابتسمـت ليها وجريت عليها😞😞 وهي فتحت لي يدينها مشيت حضنتها وبكينا سوى😭😭😭 وبستها مـن راسا وطلبت منها تسامحنـي... وهي قالت لي ف زول بزعل من روحـو وضنى قلبـو♥️ وأبوي دا بس يعاين لينا ويبكـي😭 مشيت حضنتو وقلت لي أعفـي لي ي أبوي... قالـي عافـي منك ي بتـي🍀 وكنت متأكـد إنك حتتصرفـي صح... وبعـدها سلمـت ع محي ومموية ومؤيد واعتـذرت منهـم كلهـم😊 ورجعنا زززي م كنا أحلـى عيلة وأحلـى ناس😍♥️ ورجعنا أنا ومؤيـد ل جننا ومكاواتنا تانـي😂😂😂 واتونسنا كلنا وأبـوي شكـر أحمـد ع مواقفو معانا😍... وهـو قال ليهـو دا الواجـب ي عمـي🍀 ولاريـن زززي م هي بتك... هـي طفلتـي وحبيبتـي المدللة وربنا يجعلها من نصيبـي🤲... أنـا طبعا بقيت عاملة كدا😯😯
بابا وماما ضحكـو فينـي وقالـو لي إحنا عارفيـن من زمان😊 وأحمـد طلبك منـي.. وأنا عشان عارفو راجل أديتـك ليهـو من زمان😍🍀طبعا خجلـت من أبـوي خجل🙈🙈🙈🙈 وعمار يقول لي من متيـن الخجل😂😂😂😂وأمنيـة شغالة لي وأنا أقول التطقيمات دي كلها ف العرس جات من وين😂
بعـدها دخلـو عشان ينومـو بعـد م اتفقنا إنـو بكـرة يعملـو لينا خطوبة صغيـرة🙈 عشان العلاقة تبقى رسمية قـدام الناس😍 ولأنو كل الناس مسافرة بعـد بكـرة وخلـونا أنا وأحمـد😍 طبعا م خليـت فيهـو شـي😂😂😂 ونزلت فيهـو شكل وكيف يخجلنـي قدام أبـوي😂
قالـي هو انتـي بتخجلـي يعنـي😂 وبعـدها تمينا سهرتنا وهـو مشى ع بيتهم عشان يجهزو ل يوم بكـرة وهو أصلا مكلم أبوهـو وأختـو من زمان.. وأنا دخلـت جـوة عشـان أنـوم😴 ولأنو بكـرة راجينا يوم طويل..
كسـرة#
الأهـل نعمـة م بتتعوض والله😍 ف ي ريت نعـرف نقـدر الحاجة دي صح...
والأم مهما تعمـل م بيكـون عنـدها أغلـى من جناها ف ي ريت نقـدر نفهم تصرفاتها ونعرف إنـو دا كلو من خوفها علينا...
وحقـول ليكم اختارو زول يبقى ليكم الضـوء لما الدنيا تعتـم... أسـي لما لارين حست الدنيا كلها وقفت ضدها.. أحمـد وقف معاها لحـدي م رجـع ليها ضحكتها وبقى قدر كلمتـو لما قال ليهـا م حخلـي دموعك تنزل😍
يتبع......
