عاينـت وراي وطوالـي كوركـت جـوداااا😍😍😍😍...اااي ي جماعة دا كان مجاهـد... صحبـي وأخوي وكل شـي... ضحك قالـي جنـو براحة حترمينـي ياخ😂😂😂 وجا قعـد وبدا يواصـل الحكايـة.. وقال إنـو باسـم اتصـل لي عشان يعـرف أكتـر فنان انتـي بتحبـي منـو... ? وأنـا قلت ليهـم خلـو أكتر فنان😍 هـي بتحـب أغنيـة العمـــر الودر شديد♥😍 جيبـو ليها محمـد الكنانـي😍 وباسم قال لي ومع الأسف لما سألنا منـو كان هـو برة البلـد... وهيثـم قالينا إنـو أحمـد صحبـو صوتو فظيـــــع وهو حيخلـي يجـي يغنـي.. قلنا لي نسمع بالأول ف هيثم اتصل عليهـو وجانـا طوالـي.. واتفاجأنا ب إنـو نفس أحمـد البيخطط معـانا😍😳 وصوتو طلع فظيـع ف طلبنا منوو يغنـي يوم الميـلاد وهو وافق😍 عاينت ليهـو ولقيتـو مركز معاي برضو🙈🙈.. قلت ل جودا وانت جيت كيـف?? والجامعة هناك.. قالـي الليلة كان آخر امتحان🍀 وأنا حجـزت وجهـزت نفسـي من أمس ع أساس بعـد الإمتحان أطلع طوالـي.. لكن الزمن خزلنـي وم قدرت أحضر من البداية💔 تانـي صرخت وقلت لي جودا نحوبككك ياخ😭😍♥ وشكرتهـم كلهـم♥🍀😍 وطبعا من بين الهدايا كان إنـو عمـو محمـد طلع لي رخصة العربية😍😍💃💃💃 بعـد دا ي داب الصياعة ع أصـولا💃💃 هيييـع💪... عمار قالـي وأخيـرا حرتاح من توصيلك😒😒😒 قلت انت لاقـي بالله شوف وشك الواحـد دا😒😒بعـدها شكرنا العميـد ع التصريح وقال م عملنا غير الواجـب😍 لارين تستاهل والله♥ وواحـد من الدكاترة الشباب كدا قال اااي والله من أميز الناس اللاقوني ف حياتـي كلها😍😌😌😌 مؤيد قالي الإفتـرا الإفتـرا... قلت لي ب حقنـا😂😂😂طبعـا من م مجاهـد جا وأنا كوركت وشنو حسيـت أحمـد بقى م طبيعي وززي الإتضايق كدا.. وحتى لما الدكتور اتكلم عنـي حسيتـو خلاص وفعـلا هو طوالـي إستأذن ومشـى... أنا طلعـت ب وراهـو وناديتـو مرة م ردا.. تانـي ناديتـو وقف.. ( مشيـت شكرتـو كتيـر😍 وقلـت ليهـو بجـد م حنساها ليك♥ وتسلـم كتيـر😍😍 هـو بس بقى يعاين لي وساكت.. أنا اتوترت من نظراتو عديل وتانـي قلت لي لكـن حسألك سؤال?? قالـي اتفضلـي... قلت لي إنت لي عملت كدا بالرغم من إنو احنا م أصحاب.. لا وكمان يمكـن بنكـره بعض عديل.. لما قلت نكـره دي حسيت ملامحـو اتغيـرت عديل من الزعل😡 بس سكـت... أدانـي علبة كـدا مقفـولة ومزينة😍♥ ب طريقـة حلـوة🍀😍 قالـي م تفتحيها أسـي🍀 لما يجـي يوم وتعرفـي أنا لـي عملت كدا افتحيها😊 قلـت لي ولو م جا اليوم دا... قالـي أنا واثق إنـو حيجـي وأنا حكون مستني♥ طبعا بقيت مخلوعة بعاين ليهو ف عيونو بس.. وف دا جودا قالـي لارين😍 قلت لي عيونـا😍 لحظة بس ي جودا.. أحمـد قالي بنبـرة حادة أمشـي ل جـودا حقك😡وشو دا قلب أحمـر من الزعل😡 وطوالـي اتحـرك مشـى... م أدانـي فرصة اتكلـم زاتـو... جودا جا قالـي وين ي بت والسودان معاك ومشتاقيـن والحاصل وشنو🌸كتيـر والله ي مجـاهدنا😍♥ ... تمـام واتعـودت ع الأوضـاع وياهـو ززي م شايـف كـونت شلة وناس هنا برضـو😂😊.. آي شايف شايف أصلا انت جنك اجتماعيات😂😂 وباسـم بيحكـي لي طوالـي عنك وكيف إنك زولة عاقلة ومجنونة ف نفس الوقت وأنا دايما بقول بس لارينا دي بعرفا ياخ😍😍 قلت لي والله الليـلة راسـي حيكبـر عديل😌😌😌 حيلك حيلك ي الأخت بهظـر أصلا😂 شنو هو الزول م يجاملك.. أفـووو كمان بنفـوت الفرص احنـا😌😂.. قالـي ابردي أسـي عنـدي ليك شمارات تقيلـة بس خلينـا نصل البيـت.. لكن م قلتـي لي فلان دا قصتـو شنو😉 فلان منـو ي جـودا😳... أحمـد دا.. آهاا متذكـر الود القلت ليك برلمنـي وكتيـر حكيت ليك عن مواقفنا سوى ياخ.. بس م تقولـي ياهـو دا😳... بس ياهو تصدق😂😂😂 ضحك وقالـي فعلا م من محبة إلا بعـد عداوة😉♥ حيلك حيلك ي ولد محبة شنو😂😂... مالك عايـزة تقنعينـي إنكم م بتحبـو وكدا😒 قلت لي م جادي نحب شنـو.. دا بيكرهنـي عديل... اااي ظاهر عمل دا كلـو عشانك وهو بيكرهك لا حتى ظاهـر بإمـارة زعل الغيـرة البيظـهر ف وشو كل م زول يتكلم عنك😁 ياخ م لاحظتـي أسـي لما ناديتك زعل كيف ومشى طوالـي😍😍 هي دقيقـة ي جودا انت بقيـت تتخيـل ي ولـدي ولا ححـب فلانة طار ليك ف راسك😉😉😉 ( أيـوا ي جماعة مجاهـد عندو زولتـو وحاكـي لي عنها كمان😂 الناس الإفتكـرت إنو بيحبنـي دا أخوي ي جماعة😂😂) قالـي أحييي من فلانة.. م دي الشمارات القاصـدا ليك.. لكن كدي خلينا ف موضوعك.. ي ولدي موضوع شنو😂😂😂.. خرفك دا إسمـو موضوع😂😂جـودا قالـي بالمناسبة حتى انتـي بتحبـي ي لارين😍 م شفتـي لمعة عيونك لما هو يتكلم.. وكيف بتسرحـي فيهو ل درجة بتكوني عايزة ساعة عشان ترجعي تتكلمـي معانا♥ حتى أسي لما ناديتك.. انتـي رديتـي لي ف سابع مرة.. كيف يعنـي سابع مرة ي جودا😳 وحتى لو كدا بكـون م سمعتك بس.... كويس ي لاريـن حيجـي اليوم القريب التعرفي فيهـو كلامي دا انتـي شكلك نسيت ي إنـي بعرفك أكتر من نفسك🌚 قلت لي م ف كلام زي دا وأرح نرجع لل الناس.. ورجعنا وقعـدنا نتونس تانـي... وبعدها كلهم اتحركـو فضلنا أنا والشلة بس... قعدنا مسافة تانـي ولعبنا واتحركنا احنا البنات ب عربيتـي ع بيت ناس جود عشان نشيل حاجاتنا الخليناها الصباح.. ف الطريق وأثناء م بنتونس ونعلـق.. دعـو قالت وااي من أحمـد وصوت أحمـد ياخ الولـد عجيـب ... ورؤى قالت ااي حتى ف لبسـو وأناقتو وكلامو... م عارفة أنـا لي اتغظـت من كلامهـم ولأول مرة حسيت روحـي عايزة أقـول ليهـم أسكتو كفاية... وبقيـت بغلـي من جـواي😕😕 وجـود قالت ياخ الزي دا نلقى وين احنا رؤى قالت ليها بري دا بجـي واحـد ف الدستة.. دعو قالت ليهم قولو ف الطلبية كلها دستة شنـو😭 أنا كنت ساكتة وبسمع فيـهم طبعا وف النهاية م قدرت اتحمل وانفعلـت فيهـم طوالـي.. قلت ليهم شنـو يعنـي أحمـد زيو وزي الباقين.. مالكم مركزين معاهو كدا أسي فيهـو شنو سمح صدعتو بي بالكلام الكتيـر عنو😡 طبعا اتخلعو فينـي كلهم😨 وإحساس دي مالا وشنو بس لقونـي هايجة شديد سكتـو... طبعا أنا الطريق كلو تاني م فتحـت خشمـي😐 لكن كنت مغيـوظة من جوا😕 لحـدي م وصلنا وكل واحـدة شالت حاجاتا ورجعـت... وصلت البيت لقيتهم رقدو كانو تعبانين ياخ.. أنا برضـو طوالـي استحميـت ورقـدت لكن م قـدرت أنـوم وبديـت أتذكـر ف أحمـد وتفاصيلـو طوالـي ابتسمـت... تانـي قلت بسـم الله أنا من متيـن كمـان بقيت أفكـر ف ولد كدا🙄 وتانـي بدون م أحس بديت اتذكر ملامحـو واتذكرت أثر الجرحة الكانت ف حاجبـو ديك وكمان زايداهـو وسامة😍😍😍طوالـي فتحـت الشبكـة ودخلت الفيس كتبت... "-"أحب العيوب الصغيرة العالقة بالوجوه الجميلة ، كـ ندبـة ع حاجـب شاب وسيـم😍، أحب هذه الأشياء البسيطة التي تكسر مثالية الجمال فتزيده جمالاً لأنها تبدو مثل التوقيع الذي يميز لوحة أصلية جميلة عن سائر اللوحات، أحب هذا النقص التي يتحدى الكمال بتفرده وجاذبيته💜."🦋وطلعت وقفلت الشبكة وختيت التلفون ف الشاحن... وجيـت أنوم تانـي بقيـت أتذكـر ف كلام مجاهـد وإنو أحمـد بحبنـي.. واتذكـرت الحاجات الهـو عمـلا عشانـي.. قلت معقـول يكـون بيحبنـي.. تانـي قلت لالا عادي يمكن بيعمل كدا مع كل الناس البيعرفهـم أصـلا.🍀.. تانـي بقيـت أقـول خليك منو ي لاريـن انتـي بتحبـي ولا لأ?? ? معقـول أنا بكون بحبـو.. لا لا أحبـو شنو.. لالا أصلا أنا بكرهو.. وتانـي اتذكرت كلام مجاهد وفعلا أنـا بركز معاهو لمن يتكلم لامن بسرح عديل😢 تانـي قلت لالا دا بس عشان هو عمل لي حاجات كتيرة ف ميـلادي وم قصـر... وطيـب أنا لي زعلت كدا لما البنات اتكلمو عنـو😢 م عادي أصلا احنا بنعلق ونضحك سوى كدا... معقولة أكون زعلت عشان بغيـر عليهـو.. وتانـي بقول لالا ياخ دا شـي عادي... المهم بفكـر كدا والنومة شالتنـي..
يتبع......
