أصبـح الصباح قمـت دخلـت استحميـت ولبس لـي بجامة حلاوية وصليـت وقريـت شوية قـرآن😴 صحيـت أمنيـة عشان تصلـي بالله البت حلفـت كان تقـوم😂 ف النهاية زهجـت منها نزلـت لقيـت البيـت صانـي... م ف زول صحى لسة مشيـت المطبـخ عملـت لي بسبوسـة وعملـت الشاي عبيتـو ف السيرمس... وطلعـت الغرفة مسكـت فونـي😍 فتحـت الشبكـة بالله الرسايل دي تتطاقش... وطبعا عارفنهم منو😂😂 اااي شلتـي البايظة وقالـو لي اها ي الإفترا من أول يوم وم تطمنينا إنك وصلتـي ع الأقل وم عندنا ليك رقم سوداني وف النت م ظاهـرة إلا سألنا أبوك حتى عرفنا 😂😂قعـدت أضحك قلت ليهم اخدو نفس وواصلـو طيب😂 وتانـي بدت الشتايـم وم بتستاهلـي وشنو😂😂 ياخ ضحكـوني ضحك... اتونست معاهم كدا ومجـاهد جانـي ف الخاص😍جودا 😍 المهـم سأل من الأوضاع وكدا ووريتـو إنـي حمشـي التسجيل الليلة وكدا.. المهم اتكلمنا كدا وقالـي خلـي بالك من نفسـك وتوصيات كدا😍😍( الأصحاب البياخدو مكان الإخوان ديل نعمة والله♥️😍) وبعدها قفلت الشبكة وعاينت ل فلانة لقيتا ي داب طالعة من الحمام عاينت ليها كدا😒 ونزلـت لقيـت خالتو وعمو ي داب صحو (صلـو ورقدوا يعنـي مش ي اصلا ي داب قامو) عمـو قعد ف السفـرة وخالتو مشت ع المطبخ أنا صبحـت ع عمـو قالـي مالك صاحية بدري كدا.. قلت لي أصلا متعـودة أصحى بدري.. قالي ربنا يحفظك😍 وف أثناء كلامنا دا خالتـو مشت لقت الحاجات جاهزة😍 وجابتهم... عمـو قاليها عاملة من بالليل يا😂 قبل ترد صبحت عليها وقلت ليهم أنا صحيت بدري وم كنت عندي موضوع ف جهزتو😍 قالـو لي ربنا يحفظك😍( دعوات الأهل وبالذات مع أول الصباح دي م بتتعوض ياخ😍) قعـدنا نشرب ونتونس كدا .. جا عمار صبح وقال لينا لمة ف الحرم.. قعـد قال الله بسبوسة😍😍😍 نبع الحنان ياخ الله يخليك لينا... قالت ليهو آمين لكن دي لارين م أنا... عمل كدا😍 وقالـي والله طلعـت عندك مواهب دفينة ف اي شي ياخ😂 قلت لي ولسة انت شفـت حاجة😌 المهـم شربنا شاينا وعمـو قالـي عمار حيمشـي معاك ل مواضيـع التسجيل دي قلت ليهـو تمام... وحكـو لي عن البلـد والأهل وإنـو لازم أمشـي أسلـم ع جـدو وحبوبة وكدا😍 ( طبعا أبوي عنـدو أخ واحـد ياهـو عمو محمـد بس وعنـدو أخت واحـدة متـزوجة بـ أولادها وعايشة ف اليونان وعنـدها بت إسمها تقوى بتكـون قدرنا كدا وولـدين واحـد بيكـون قدر مازن كدا إسمـو معتـز والتانـي كبيـر إسمـو ياسـر) جـدو وحبوبة بعد عمتـي دي اتزوجت بقوا ساكنيـن براهم لكن حبوبة شباب م شاء الله😍 بتسوي شغلها براها وعندها شغالة برضو ل النضافة والغسيل وكدا... المهـم عمار قالـي أمشـي أجهـزي عشان نمشـي الجامعة للتسجيل... قمت مشيـت لبسـت عباية خليجية لونها زينبـي وإسبـورت وردي وساعة وردية وشنطة وردية فيها أشكال بالزينبـي😍 حجـبت الطرحة وعملت كحل وروج وردي وطلعت... لقيـت عمار جهـز ولابس قميص أسـود وبنطلـون بيجـي وجزمة سوداء وساعة فضية😍 باقـي مزززة ياخ♥️ أول شافنـي صفـــر وقالـي دي منو المزة دي ياخ م عرفتك لكن عملت لي كدا😌😌😌 ومشيت... المهـم ركبت معاهو ومشيـت ورجلـي دخلـت أرض الجميلـة المستحيلة😍 والمهم بين المعاينات والتسجيل وكدا... خلصنا قبل العصـر كدا... رجعنا البيـت طوالـي تعبانيـن ياخ😑 دخلـت استحميـت ولبسـت لي بجامة مشكلة وصليت العصر وشغلـت المكيـف ونمـت طوالـي😴😴😴 صحيـت لقيـت العشاء بيأذن... نوم التعب ياخ😂 قمـت صليـت المغرب والعشاء ونزلـت لقيتهـم بيختو العشاء ختيت معاهم واتعشينا.. عمـو قالـينا بكـرة الجمعة حنمشي نقيل مع جدكم ومنها تسلمـي عليهم ي لارين قبل تنزلـي الجامعة... قلت كويس واتعشينا وقمنا كل زول ع غرفتو وكالعادة فلانة بتخلط😂 وأنا مع الجفاف العاطفي حقي😂 المهم فتحـت الشبكـة... ودخلت الواتس لقيـت روحـي ف قروب مختلـط وأرقام سودانية🙄 قلـت أجـي دا شنو كمان رسلت ليهم✋ وقلـت ليهـم أنا ويـن وحـدة اسمها جود ردت لي قالت لي دا قروب فيهو دفعتنا حقين طب... عملنا عشان يكون ف تعارف وترابط بيناتنا من أسـي☺️ قلـت ليها أيـوا تسلمـو بس أنا م بعرف زول هنا ف م فهمـت لقيتـو رقمـي وين?? وحدة تانية اسمها نرجس قالت لي كان م رقم هو😟 شنو كمان لقينا وين دايرة خليكك قعـدة م دايـرة اتخارجـي... أجـي ي خوانـي دي مالا دي أسي🙄 طلعت لقيت مجاهـد مرسل لي إنـو عنـدو صحبو إسمـو باسم شالـو معاي وهو أداهو رقمـي عشان يضيفنـي ف قروب الدفعة ويورينـي الحاجات الـ م بعرفا... كدا ي داب فهمـت الحاصل طبعا😕 المهم دخلت القروب لقيـت باسـم دا مرحب بي وقال نفس كلام مجاهد داك واعتذر لي ع كلام نرجس وكدا... رديت لي أهليـن م مشكلة وتسلـم ع الإضافة☺️ وقفلـت الشبكة ورقـدت نمـت😴 صحيـت ياهو صباحية الجمعة قمت صليت وقريت شوية قرآن ورقدت ف مكاني... م قدرت أنوم تانـي فتحت الشبكة الرسايل ف الواتس تتطاقش قلـن بيكونو شلتـي😂 لكـن دخلت لقيتهم ديل ناس الدفعة.. شكلـو أمس بعـد نمـت نرجس ولا منو
دي جات شاكلـت وهاجت عشان باسم اعتذر
لي تقريبا وقالت بالله ناس شهادة الدلـوعات ديل كمان فلاحتهم يملـو لينا القاعات وديل أصلا م ناس قرايـة وهمهم بس يبذرو قروش أهلـهم وهم م نافعيـن أصلا وشنو😳 طبعا أنا ممكـن اتجاوز أي شـي إلا الكلام ف أهلــي... دخلـت صبحـت عليهـم وقلـت ل نرجس معليش ي أخت بس ي ريت تراعـي شوية ل كلامك😊 بالله البت زي التقـول بس كانت منتظرانـي... طوالي ردت لي م براعـي وتانـي فتحـت كلام... قلت ليها أنا أرقـى من إنـو أرد ع أسلـوب زي دا وبعدين انتـي عرفة متيـن لامن بقيتـي تعرفيني ل درجة تقولـي عنـي كدا... وطوالـي اعتذرت من الباقيـن وغادرت القـروب😊 وبعـدها قفلـت الشبكـة طوالـي لأني اتضايقـت.. وصحيت أمنية ونزلنا تحـت لقيتهم بيشربو الشاي... المهـم حاولـت م أحسسهم بإنـي متضايقة وكدا.. عمو قالينا احهزو طوالـي عشان حنحصل الفطور هناك قلنا كويس... (طبعا ناس حبـوبة ساكنيـن ف الصالحة يعنـي مسافة من ناس عمـي... ) أنا قمـت طوالـي وماشة ع الغرفة عمار ناداني اتلفت قالـي تعالي ف الجنيـنة دقيقة دايرك😊 سكـتت ومشيـت وراهو قعـد ف وحدة من جلسات الجنينة وأنا قعدت.. قالـي مالك قلت لي مالـي بسم الله😒 قالـي عاينـي ف شنـو.. أنا م طولت من لاقيتك لكن عرفتك كويس ف شنو قولـي مالك.. من قبيل ملاحظ ليك ف السفـرة وم حبيت أسألك قدامهم.. قلت ليم عرفتك ي الدكتور نفسـي😂😂😂 قالـي آخـر مرة بسألك ف شنـو وم تتجاوزي الموضوع وتعملـي فيها عادية.. قمت سكتت شويـة وحكيـت لي ب موضوع القروب وصاحب مجاهد وكلام البت😢 قعـد يضحك قالي بالله دا كلو عشان كدا😂 عاينت لي وسكتت... قام قالي ي لاريـن ف البلـد دي حتلاقيك حاجات كتيـرة لو م بقيتـي قوية قصـادها حتتعبـي وم تخلـي أي زول يأثـر عليك ب كلامو ويخليك تنفسنـي لأنو البعرف نقطة ضعفك م حيريحك وكلام كتيـر بجـد ارتحـت بعدو😴 بعدها قالي غوري يلا من قدامي عاين قعدة زي الزول كيف😂😂😂 عاينت ل كدا😒😒 وقلت الله يحرقك شوف وشك الواحد دا... المهـم مشيت الغرفو لقيت أمنية استحمـت وبدت تلبس.. أنا دخلت استحميت ولبسـت فستان رمـادي ومشغول ف اليد والضهـر بالرمادي زاتو لبست شبط أحمـر هادي كدا وساعة حمـراء برضو وطرحة باللونيـن ومحفظة رمادية وعملت كحل ومرطب سادة... طبعا ي داب أمنية كانت خلصت الميكاب حقها😂 ولبست فستان مشجر وطرحة وجزمة ب وحدة من ألوان الفستان واتصورنا سيلفـي سوى وبراي برضو وطلعنا... لقيناهم جاهزين.. خالتو سلمى لبست توب لبنـي مشكل بالبيجـي ظريف كدا😍 وعمـو وعمار لبسو جلاليـب بيضاء عشان حيمشـو الصلاة بـ هناك.... المهم اتحركنا خالتو وعمـو قدامنا سوى وأنا وأمنيـة ركبنا مع عمار... طبعا أمنية ركبت ورى طوالـي وغمزت لي😉عرفتها عايزة تخلط ف الواتس براحتها 😂دى
سكتت وركبـت قدام😊 وكالعادة الطريق كلو أنا وعمـار نتشاكل😂 لحـدي م وصلنا ( ناس عمو محمد طبعا وصلو قبلنا) لقيـت حبـوبة وجدو ديل منتظرني جنب الباب ف الشارع😍( وأحلى من الحبوبات م ف ياخ😍😍) نزلت سلمـت عليهم وحبوبة دي تشيل وتبوس فينـي وتبكـي... وتقول ل جدو ع الله شوف تشبه يحيى كيف😭( حنية الناس الكبار😭) وجدو يضحك فيها يقول ليها خليها تسلم ع جدها طيب😂 حتى ي داب فكتنـي😂😂 وسلمـت ع جدو برضو... وبعدها دخلنا جوة واتونسنا لحدي وقت الفطور وفطرنا والمهـم قيلنا مع ناس جدو اليوم داك وطالعين قبل المغرب ب شوية حبوبة حلفـت كان تخلـيني أمشـي😂 قلـت ليها حبوبة الجامعة حتفتـح قالت لي لا جامعتك بعد بكـرة وانتي م عندك شي تاني خلصتي امورك كلها حتى قالو اشتريتي حاجاتك من دبي وجيتي وأمس سجلتي تاني عندك شنو ( حبوبة حافظة الحصل أكتر مني بالله😂😂😂) قلـت ليها م عاملة حسابي ف لبس البيت.. قالت لي ف هدوم تقوى هنا خلتهم ومشت لما جات بيلبسـوك ( تقوى دي بت عمتـي القلتها ليكم) طبعا تاني م لقيت حجة😂 قلت ليها كويس المهـم ودعت ناس عمـي هم مشو وأنا قعدت ع أساس عمار يجيـني بكرة العصـر... والليـل كلـو حبوبة جدو يحكـو لي عن مغامرات بابا لما كان صغير😂😂 ياخ كان مجنون جن😂😂 و جدو استأذن عشان ينوم😴 فضلنا أنا وحبوبة وشوية كدا وهي زاتا نامت.... الوقت كان بدري الساعة8 ي داب... أنا م قدرت أنوم فتحت الشبكة لقيـت باسم وجود وتانـي واحـد إسمـو سامـر مرسليـن لي ف الخاص واعتذرو منـي ع كلام نرجس...قلت ليهم حصل خير م مشكلة😊( طبعا أنا لسة زعلانة من كلاما لكن قلت ديل م ذنبهم وكتر خيرهم الإعتـذرو لي) قالـو لي إلا ارجـع القروب وشنـو م حبيت احرجهم قلت ليهم تمام... ضافـوني تانـي والمـرة دي نرجس م اتكلمت معاي ( شكلو شاكلوها ولا شنو م بعرف) المهـم أنـا زاتـي م احتكيـت بيها تانـي وحاولت اتجاوزا... اتونست شوية معاهم وطلعت وقفلت الشبكة ورقـدت نمـت😴
يتبع.....
