# السلام عليكم
اليوم بارت جديد انشالله يعجبكم 💜💜
لوجين/يااااه سما عندك عرق الماني
فؤاد/وي
لوجين/ كاش قدك
فؤاد/ وانت معندكش عرق اجنبي
لوجين/ نو
فؤاد/ باين بلي عندك مستحيل تكوني دزايرية حرة
لوجين/ احم قتلهم بلي هاد الزين كامل مهوش دزيري
فؤاد/ ههه متديهاش في روحك
لوجين/ شوف يا تبلع يا تبلع
فؤاد/ نبلع
لوجين/ اللولى و لا ثانية
فؤاد/ تبالي دوزيام خير
لوجين/مالا اطلق رجليك
فؤاد/ وعلاه؟؟
لوجين/ اللولى تسكت والثانية ديماري
فؤاد/ وين لقيتيها هادي
لوجين/ في كتاب لوجين اوليدران
فؤاد/ وشييه ؟؟
لوجين/ واش بيه جدك تعيط
فؤاد/ وشيه.... لوجين اوليدران
لوجين/ اسم لكتاب يا داب
فؤاد/ اااااا اوكي ....بون واش بيك تبكي
لوجين/ عمبالك دخلت لقلبي هيا نقلك مالا واش بيا
فؤاد/ بدون مقدمات ادخلي في المسڨي
لوجين/ شوف انا يتيمة من كان عمري 8 سنين ومعنديش خوات سما وحدي
فؤاد/ معا من راكي تعيشي
لوجين/ مع جدي و جداتي
فؤاد/ وي وينو المشكل ؟؟
لوجين/ هادا كل ماهوش مشكل!!
فؤاد/ مي قلتي من كان عمرك 8 سنين ...يعني من 8 سنين وانت تبكي
لوجين/ ااااو واش رجعتني سيتيرنا تع دموع هنا
فؤاد/ مالا واش كاين
لوجين/ نهدر مي متقاطعنيش
فؤاد/ اوكي
لوجين/ اليوم ماتو جدي وجداتي وراح نعيش مع خالي ..(وسكتت)
فؤاد/ كملي
لوجين/ هادا مكان
فؤاد/ هادا مكان !! (شافها سكتت) مازلت مفهمتش المشكل ياك هو خالك يعني مراحش يقيسك
لوجين/ المشكلة هنا ماهوش خالي خالي وهو يكره ماما
فؤاد/ اولا وعلاه ماهوش خالك خالك ثانيا وعلاه يكره ماماك
لوجين/اولا جدي مزوج زوج جداتي الاولى لي عندها 4 ولاد و 2 بنات و جداتي الدوزيام عندها فرد طفلة وهي ماما ثانيا السبب مجهول الى حد الساعة
فؤاد/ سما جدك كيما پا مزوج زوج
لوجين/ وعلاه بيك مزوج زوج ؟؟
فؤاد/ وي لولى ماتت هي و بنتها لي كان في عمرها 8 سنين و الدوزيام هي ما
لوجين/ هههه عبالك قصة حياتي و علابالي قصة حياتك مي لدورك منعرفش اسمك
فؤاد/ معاك فؤاد
لوجين/معاك لوجين ...... (صمت)
فؤاد/ عندك صحابات
لوجين/ وي باينة هادي...وانت
فؤاد/ مام انا عندي
لوجين/ ڨدش
فؤاد/ 7 بولاد عمي
لوجين/ 6 لا بنات عمي لا بنات خالي
فؤاد/ ايا انا نطلع غدوا نتلاقاو
لوجين/ صحا
فؤاد/ متطلعيش انت ؟؟
لوجين/ نو نقعد شوي ونطلع
فؤاد/ اوكي مي عندك لا تبكي
لوجين تبسمتلو وهو طلع اما هي قعدت شوي وطلعت
💙 فؤاد 💙
طلعت للشمبرا تاعي فتحت لباب لقيت كلش طافي مش كيما خليتو درت هك لاه شعل ضو ويصوطي قدامي المهبول
فؤاد/ جواد !!
جواد/ هوو اون بيغسون
فؤاد/ واش نوضك دروك انت
جواد/ واش كنت تتمعشق خو
فؤاد/ رووح العب بعيد... الطفلة كانت تبكي روحت شفتها
جواد/ ياو فاقووو
فؤاد/ لي سونسيال شت الطفلة هادي لي كونت نهدر معاها راهي حبيبة قلبك
جواد/ قووووول والله ...اسنى اسنى من وكتاه عندي حبيبة قلبي في دزاير
فؤاد/ هديك نفسها تاع الفوتو لي لقاها الياس مع ...مع ... ياربي واش اسمها صاحبتها لي تعرف بيها الياس
جواد/ شيماء
فؤاد/ اااايييييه شيماء
جواد/ يزيك من التمسخير عجبتني هادا مكان ديجا عندي ايليانا
فؤاد/ تتمسخر بيا و لا بروحك الدنيا كامل علابالها بلي متشتيهاش
جواد/ وشكون قالك منشتيهاش
فؤاد/ مكانش لمعة الحب واللهفة كي تكون معاها
جواد/ و واش علمك انت اصلا في الحب
فؤاد/ القلب ياااه كي يحب يتعلم
جواد/ حبيت نعرف شكون هادي الحبيبة لي راك مخبيها علينا
فؤاد/ كي يجي وقتو .... المهم حبيبة قلبك اسمها لوجين وراهي مع الرحلة
جواد/ كاين غير ايليانا
فؤاد/ واش عجبك فيها مغرورة متكبرة قاسية
جواد/ مدخلكش
راح جواد تكا و غطى على روحو
فؤاد/ تصبح على خير
جواد/ تلقى الخير
رحت حكمت بلاصتي و خبطتها برڨدة انتيك كي لاستيك
🌹 لوجين 🌹
طلعت لشمبرتي تكيت في بلاصتي ورقدت كلي ما صرا والو الهدرة مع فؤاد ريحتني بلبزاف
**غدوة 8:00***
كنت راقدة ترونكيل حتى نسمع صوت لبنات اووووف هادو ميخليوش لعباد يرقدو ...ههههه شيماء بدات تعيط
هبة/ نوضو نعلبوزيكم راهو راح الحال
لوجين/ ياك منقراوش خلينا نرقدو
دارين/ هيا رانا رايحين لل park
شيماء/ يااااه.... قالك park تع وهرن un normal
فاطمة/ ايه دك نضتي
سيدرا/ لوجين نوضي بزايدلك
نضت وكل وحدة بدات توجد في روحها
كامل لبسنا سراول و ايكات مي انا و هبة لبسنا سراول محزوڨين و ايكات طويلة و شفاء و دارين و فاطمة لبسو سراول كلاسيك و ايكات شوي قصيرة اما شيماء و سيدرا لبسو لي غوب طوال
هبطنا لقيناهم كامل ثم يسناو شكون لي مزال مخرجش مي توصل 9 يروحو وحنا هبطنا قد قد مع الوقت لقيناهم بداو يمشيو
كنا نمشيو انا ولبنات حتان نشوف فؤاد من بعيد يبايبيلي 👋
لوجين/لبنات ارواحو نعرفلكم على واحد تلاقيتو لبارح وراهو مع جماعتو
رحنا عندهم كي وصلنا
فؤاد/ هاي لوجين CV
لوجين/ CV وانت
فؤاد/ bien
دارين/ تقدري تعرفينا سع مبعد سقسي علحال و الاحوال
ايمن/ وي عندك الحق يا....
دارين/ السيدة دارين
محمد/ هههه والسيدة وعلاه
فاطمة/ ترفع قيمتها
دارين / تبلعي ولا تبلعي
فؤاد/كون جيت في بلاصتك نخير اللولى ههه
لوجين/ لي سونسيال انا لوجين هادي صاحبتي الروح في الروح و نصفي الاخر شيماء
هبة/ انا هبة وهادي توأمتي شفاء لي يغلط معاها يسلك بالدوبل
دارين/ وانا دارين وهادي عمري فاطمة بلاكو تڨيسوها ولا تبداو تشهدو
شيماء/ وسيدرا ڨاع نشتيوها وتبالي مكانش واحد يكرها
زياد/ شكون هادي سيدرا
سيدرا/ hellow it's me
فؤاد/ انا فؤاد وهادا ليث جواد ايمن محمد اياد زياد الياس
اياد/ حنا معدناش عقلية الذر تاع كل واحد و صاحبو
شفاء/ تحكي علينا ؟؟😈😈
اياد/ نو عليكم ههههه
💀 شفاء 💀
رجعت نغلي من الضحكة هاديك مي كون متسلكهاش منسماش شفاء قسيمري اووووف حابة نقتلو
اممم نعرفكم على شخصيتي bien علابالي لوجين كي عرفتنا حنا سڨدتنا وهي دارت لروحها جورنال اوكي انا شفاء قسيمري ههه هادو هوما الالقاب تع دزاير المهم انا شخصيتي تمهبيل و ضحك مي لي يغلط معايا ولا معا لبنات يسلكها بدوبل.. ايه صح مدايرة مع لوجين كراتيه و تيكواندو برك مكملتش لباقي متعلمة تاني معاها شوي لغات يعني لوجين لي دارتلنا الكوراج باش نتعلمو معاها عندي كرامتي هي الدوزيام بعد لبنات و العائلة الكريمة المهم نرجعو لحكاية
كنت مقلقة من هاداك لي اسمو اياد حتان ينطق
جواد/ اسمعو هيا ندخلو للعبة تاع الطاكسيات
لوجين/ وي هيا مي نقلكم قبل ما تبداو واحد ميربحني
جواد/وعلاه فيها الربح و الخسارة
لوجين/وي لي ميخليش الباقي يڨيسوه مي هو يڨيسهم هو الرابح
جواد/ هاد الثقة لي راكي بيها دوك تروح
لوجين/ نشوفوها
وبدا التحدي بين جواد و لوجين
واش رايكم في البارت
البارت الجاي هو لي راح تبان فيه الرواية شوي
توقعاتكم
فؤاد و لوجين راح يشتيو بعضاهم ولا واش حيصرالهم؟؟
شفاء و اياد واش حيصرا بيناتهم؟؟
لوجين و جواد شكون راح يربح ؟؟
التعليقات من اجل التشجيع 💞💞
DØÛÄÃ. #DZ
أنت تقرأ
وردة الجوري {💜 باللهجة الجزائرية 💜}
Randomرواية من تأليفي باللهجة الجزائرية فيها تمهبيل 😉😉............الضحك 😂😂...........الرعب 😈😈.......الاكشن💀💀
