خزرت لوجين للفطور وهي تقول في قلبها " يشهي مي لازم نروح "
لوجين/ اصلا انا خارجة تفاهمت مع لبنات كولو براحتكم
ودارت باش تطلع تبدل قشها
احمد/ لوجين اليوم تفطري معانا بزايدلك من الطلعات ظالة رايحة جاية
خزرت لوجين فيه و شنفت و جات طالعة وهي طالعة هدرت
لوجين/ سيدرا انت اصلا راكي لابسة اسنايني نروحو مع بعض سيدرا/ اوكي مي مطوليش لوجين/ يحلها ربك
بدلت لوجين قشها و هزت ساكها وخرجت وهي في الدروج تلاقات مع جمانة و فؤاد
جمانة/ قالك بابا غدوة راح تتغاداي و تتعشاي معانا كعاد راح يجينا عمي لوجين/ وعلاه يجينا عمك فؤاد/ راهو عمك كيما راهو عمها و عمي لوجين/ نتا ربي شكون هدر معاك فؤاد/ ذرك انت فهمنا بلي مقلقة من جهينة مي انا علاه لوجين/ نفس الطينة جمانة/ حنا دايما الجمعة يجينا عمي يتغدا و يتعشا معانا مع عائلتو (وطلعت)
اما لوجين كي شافتها طلعت راحت مع سيدرا عند لبنات وصلت للكافيتيريا وين كاين لبنات
لوجين/ هااي دارين/ اهلين و سهلين يا حياتي انتي شفاء/ هلا و الغلا بقلبي و نور عيوني لوجين/ هههه وشبيكم ڨلبتوها خليجيين هبة/ المهم خطيك و ارواحي اسمعي الجديد شيماء/ تخيلي واش صرا سيدرا/ واش صرا فاطمة/ شتي العريس تاعك انت بذات فضح عمك دارين/ اصلا راهو في مشكلة كعاد عرفو بلي ماهوش باباك شيماء/ هيه شتي الصحافة كي مدلها دراهم باش تقول بلي انت بنتو قاتلو زيدلي دراهم و هو مابغاش و فضحوه هبة/ و والدينا يقولولنا كيفاه دايما تقولولنا بابات سيدرا وهو عمها شفاء/ ياختي تمديلي 100 الف تخيلي يوم كامل وانا نقول و نعاود بلي مكانش علابالي و 100 الف وحدوخرا كعاد كذبت عليهم سيدرا بعياط شوي/ خلااااص اوووف قتلتوني ، اتنفسو شوي ااااوووو لوجين/ وانا عريسي مادار والو شيماء/ انت اسكتي برك عريسك دخل في اكتآب و يبكي ليل نهار و يقول راحتلي ملكة جمال العالم فاطمة/ متشوفيلهاش غدوة هاديك ديمارا لأمريكا يحوس شيماء/ هيه راح باش ينساها .... مسكين يشف هبة/ ايه علابيها دار ستاتي كتب فيه لا تتزوج اجمع المال و سافر سيدرا/ ايا خطيونا منهم و هيا نفطرو جعت الكلبة تع لوجين مخلاتنيش نكمل فطوري دارين/ اووكي هيا
فطرو لبنات وهوما يريڨلو في رواحهم باش يخرجو نطقت ......
سيدرا/ لبنات دار بابا و ماما لذرك كاينة حابة نروح نسكن فيها فاطمة/ بصح راهي باسم عمك يعني متقدريش تسكني فيها سيدرا/ وهو وين علابالو بلي راني فيها نروح بلا ما نقولو اصلا هي مهجورة و جامي راحلها و نسحقكم تعاونوني باش نظفوها شفاء/ اوكي نو بروبلام لوجين/ بصح متقدريش تسكني فيها وحدك سيدرا/ ملي كنت وانا نسكن وحدي دارين/ خلاص نعاونوك اذا كنتي باغية
راحو لبنات للدار و نظفوها و هوما يلعبو بالصابون و الماء لي سونسيال نظفو و لعبو في نفس الوقت كي كملو راحو لدار لوجين وجابو حوايج سيدرا و ريڨلوهم يعني كان الاثاث قديم مي تقدري تكملي بيه يامات خرين كي كملو كل واحد روح لدارو و رقد من التعب
***** غدوة هاديك ****** '''''''' الساعة 9:30am '''''' & غرفة لوجين &
دخلت ساشا الخدامة و شعلت الضو
ساشا/ سيدتي انهضي يجب عليك تجهيز نفسك لوجين/ روحي قيلي جدي البارح كل وانا نظف و بغيتيني نوضلك على 7 ساشا/ لم افهمك لكن ما يتوجب علي قوله انه يجب عليك التجهز
خرجت ساشا و فتحت لوجين عينيها باش تشوف الساعة هزت condor تاعها و لقاتها 9:35
لوجين/ اااووو 9 وانا تبالي راهي 6ولا 7
ناضت لوجين و دوشت شيحت شعرها لبست عليها سروال جينز مزير و تريكو قصير سود و مرسوم فيه جماجم بالابيض مع باسكات سودة و طلقت شعرها و هزت معاها هاداك الخمار الطويل تع الصلاة و هبطت لقات 2 بنات و مرة جداد عليها
ناظت ميا مرت باباها
ميا/ هادي بنت ناماز لوجين
ودارت عند لوجين
ميا وهي تأشر على وحدة من لبنات/ هدي جهينة بنت عمك كمال و هدي ميساء اختها و هدي أوليفيا امهم وفي نفس الوقت اختي لوجين/ ربي بارك سما زوج خوات تزوجو زوج خواتات ميا وهي تضحك بشوية/ هيه لوجين/ شكون لي زوج الاول ميا/ انا لوجين وهي تهمسلها/ شتي راجلك كي تزوجك شاف ختك و عجباتو و كعاد خلاص تزوج قال نمدها لخويا على الاقل نكحل عليها براحتي ميا/ والله نضربك نعتلك كيفاه تهدري جهينة/ واش كاين خالتو
ميا/ والو ميساء/ بداو الاسرار من ذرك جمانة/ خطيكم منها برك و كملي احكي جهينة على الروب لي خرج جديد جهينة/ هيه قتلك مداير .....
وكملو حكاياتهم اما في الجهة لوخرة كانت لوجين وحدها تتفرج في الحيوط ملت جبدت تيليفونها و عيطت لبنات و ڨصرت معاهم حتان جا وقت لغداء وهي كانت ميتة جوع كي قاتلهم الخدامة راحو لواحد الشمبرا مدايرة هك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
