#السلام عليكم
بارت جديد
. .
دخل احمد للصالة و لقا راجل ختو وولاد ختو آدم و عماد
احمد/ السلام عليكم
بشير (راجل ختو)/ وعليكم السلام
احمد/ واش راكم ان شاء الله تكونو بخير
عماد/ والله ياعمي رانا بخير وانتوما ؟؟
احمد/ بخير و الحمدلله ....... وينهم خواتك مشفتهمش الداخل
آدم/ ذرك يجيو بغاو يروحو للسوق ديناهم مي طولو مالا رحنا و خليناهم
بشير/ يخي تعرف البنات مع السوق
احمد/ وي نعرفهم ديجا عندي وحدة تسمع اسم السوق تهبل
بشير/ هههه رانا كول هكاك
نروحو للصالة تع النسا
دخلوا زوج بنات و يديهم معمرين ساشيات ، يمشيو بدلع و يطقطقو في الشوينڨوم
زوج لبنات/ هااااي
العمة/ هاهم جاو بناتي .... يعمري عليهم يهبلو خير من القرود لي راهم هنا
لوجين فهمتها/ هاذو هوما بناتك
العمة/ هيه .. يعمري عليهم مكانش زين منهم
جهينة بهمس/ اووووف وش جابهم هاذو زعما امهم مكفاتش
جمانة/ الله يعيننا
جهينة/ آمين
خزرو لبنات في لوجين
الطفلة 1/ ماما هادي هي بنت خالي
العمة/ هيه
الطفلة 2/ هاذا مكان قتلتينا يا مرت خالي و انت تقولي و تعاودي زينة زينة وينو الزين مانيش نشوف فيه
الطفلة1/ وي عندك الحق تقولي حمار حيزو وين ولد
الطفلة2/ هههههه جبتيها ختيتو هههه والله حيرتينا يا مرت خالي كي قاعدة تمدحي فيها قلت انا هاذي تكون صارووووخ جات قرد
العمة/ هههه وي حتى انا قتلهم بلي تشبه للقرد
الطفلة 2/ ماما يخي انا زين منها
العمة/ حاجة باينة هاذي بلا ما تسقسي
ناضت لوجين و ريڨلت شعرها بدلع و قدمتلهم وهي تمشي نفس مشيتهم
لوجين/ اذا هاذا الزين كل مشفتيهش سما انت عميا وهذي مشكلتك
الطفلة2/ وراهو الزين مانيش نشوف في الشعر لصفر و العنين الخوضر
لوجين/ هههه الزين في العينين البنية و الشعر البني
الطفلة1/ غالطة قلبي العينين الملونين هوما لملاح
ميا/ والله لوجين مسرارة
لوجين/ والسر يغلب الزين
رجعت لبلاصتها بنفس المشية وقعدت لقاتهم يهدرو
ميساء/ سما آدم و عماد جاو
لوجين/ شكون هاذو
جهينة/ ولادها
لوجين/ يععع مالا باين عليهم يعيفو
جمانة/ مكانش خير من آدم
جهينة/ نن عماد خير
لوجين وهي تخزر فيهم بخبث/ لا يكوووون.......
ميساء/ هاذاك هو يا بنت العم
جمانة حشمت/ انتي اصلا واش دخلك مش كعاد هدرنا معاك زوج كلمات تديها في روحك
لوجين/ قودي انا الغالطة لي فكرت فيكم و قلت نقربكم منهم و نتقابض مع هاذو وهي تأشرلهم براسها على بنات عمتها ونهنيكم منهم ونزيد نهني روحي منهم و ننتقم على اللقطة لي صرات هاذا وين
جهينة/ قووولي والله
لوجين/ كنت نفكر و كنت فعل ماضي ناقص
ميساء/ يووو خلاص برك نديرولك واش بغيتي المهم خلصينا منهم
جمانة/ لالا يا بغلة كون نتقابضو مع عمتي سما ننساو آدم
جهينة/ وعماد
جمانة/ المهم
لوجين/ هذيك خليوها عليا ، ذرك انتوما قولولي الحوايج لي يشتيوهم هاذو لبنات كعاد راح نبدا بيهم
ميساء/ اوكي
لوجين/ مي راني راح نعيط شيماء و شفاء و دارين يعاونوني
جمانة/ هذا ما خص تزيديلنا هاذوك
لوجين/ اوكي انساو
جهينة/ خلاص جيبيهم لي سونسيال نتهناو منهم
لوجين/ اوكي .... ميساء قوليلي واش يشتيو
ميساء/ عندك رانيا هاديك لي مبنترة شعرها بيض تشتي جواد و اميرة لي مبنترة شعرها صفر تشتي الياس ..... اممممم ميشتويش لي يعلق عليهم ولا يتمسخر بيهم يشتيو لي يمدحهم ... يشتيو حاجة اسمها السوق وخاصة اذا كان جواد و الياس هوما لي راح يديوهم .. عندك رانيا تكره لي يقولها عجوزة كعاد دارت عملية تجميل مي فزدتلها خليقتها و رجعت تبان كبيرة ... ميشتيوش لي يقلهم مش متربيين كعاد ماهومش متحجبين .. يشتيو الحرية و ميشتيوش يقعدو في فرد بلاصة لازم يدورو... تبالي بزايد
لوجين/ وي بزايد .. اسمعوني مليح و ديرو لي نقلكم عليه
.
.
.
.
.
لوجين/ اوكي
جمانة/ اوكي
لوجين/ جهينة عيطي لجواد وانا راني رايحة نعيط لبنات ... ايي منسحقكمش ديرو مشاكل مع البنات بلييز والله هكاك تفسد الخطة
جهينة/ اوكي اوكي
أنت تقرأ
وردة الجوري {💜 باللهجة الجزائرية 💜}
Randomرواية من تأليفي باللهجة الجزائرية فيها تمهبيل 😉😉............الضحك 😂😂...........الرعب 😈😈.......الاكشن💀💀
