وردة الجوري {💜 باللهجة الجزائرية 💜}

Part 8

                                            #السلام عليكم

بارت جديد انشالله يعجبكم 💜💜

                                   📕 فاطمة 📕

انا فاطمة روار عايشة في بسكرة مي اصلي من باتنة كيما لبنات نحب لقراية بزاف هادئة و منيش من النوع لي يتبهلل .........ليسونسيال نرجعو للحكاية

نضنا بدينا نڨفضو في فراشنا و بدلنا علينا و خرجنا و طبطبنا على شمبرة لولاد ، فتحلنا محمد

محمد/ جيتو
فاطمة/ مازال
محمد/ ادخلو ادخلو
شيماء/ والله مليحة قالو ادخلو
ليث/ محمد شكون لي جا 📣📣
محمد/ الدواب 📣📣
فاطمة/ الدواب تع نعيك
شيماء/ ليييييث اروااااح 📣📣
ليث/ وش تسحقي
شيماء/ ياك حنا مش دواب
ليث/ علابالك سعات دوخوني
جواد/ مام انا
لوجين/ بسماللهالرحمانالرحيم منين خرجت
جواد/ من التوالات هه
شيماء/ بلعو نتوما.      وانت وعلاه ندوخوك
ليث/ نتوما بسكريين مي متهدروش بالبسكرية تهدرو بالباتنية و زيد سعات تقولو كلمات دزايرية ( العاصمة )
شيماء/ اولا حنا ماناش بسكريين وانما باتنيين مي نعيشو في بسكرة ، ثانيا الكلمات الدزايرية ( العاصمة ) لي تسمعهم علمتهملنا سيدرا كعاد هي من Alger
هبة/ خلاص سكتونا و هيا نخرجو اليوم اخر يوم

________________________

خرجنا كامل وروحنا قعدنا في الجاردان لي كاينة بحذا هاداك الاوتال وشرينا نڨاوس و كوكا كولا وقاعدين نشربو ونضحكو حتان تنطق سيدرا

سيدرا/ واش رايكم نلعبو جرأة و صراحة
اياد/ مام انا حاب نلعبها

جاب زياد القرعة الفارغة تاعو تع كولا ودار يدو على جيهة الراس
زياد/ شوفو هذي تسقسي وهاذي تجاوب

بدينا نلعبو و نضحكو مي مفتناش حدودنا كي طاحت بين محمد و لوجين جات الفضيحة

محمد/ action ou vérité
لوجين/ vérité
محمد/ اكبر كذبة كذبتيها نتي و البنات

دارت لوجين تشوف فينا وهي فاسخة ضحك

لوجين/ حنا نهدرو 4 لغات ومدايرين تيكواندو و كراتيه و كونغ فو
محمد/ مقتلكش قوليلي ....... هيا جاوبي
لوجين/ هاني جاوبت
محمد/ مفهمتش
فاطمة/ يا بغل قصدها كذبنا على الغاشي كامل بلي حنا ..
قطعها محمد/ خلاص فهمت مكلاه تكملي
ليث/ كيفاه حتان كذبتو
شيماء/ شوف حنا انجليزية و فرنسية رانا نتعلمو فيهم من الابتدائي سما تقدر تقول بلي نعرفو نهدروهم والعربية من بكري نعرفوها و التركية نعرفو كلمات من المسلسلات
ايمن/ و قصة الكراتيه و كونغ فو و تيكواندو ؟؟
دارين/ شوف لوجين دارت كراتيه سمانتين و حبست وحنا ڨلبناها درنا كل وزدنا التيكواندو و كونغ فو هكاك برك باش نبانو اسطورة الليسي
الياس/ هي صح الليسي كامل يعرفهم بالتبهليل تع شيماء و شفاء ودارين و يعرفهم بالقراية تع هبة و فاطمة وسيدرا و عقالتهم و الغرور و التكبر و العناد تع لوجين
هبة/ عندو الحق هه
فؤاد/ مي لوجين ماهيش مغرورة و متكبرة
شيماء/ احمم خليوني نعرفكم على صحبتي ....صحبتي عندها زوج شخصيات ، مغرورة و متكبرة تهتم بزاف باناقتها و جمالها تبغي تكون محل اهتمام الناس مي فنفس الوقت مهبولة وقلبها حنين و ابيض .........احم عندك لا تديها في روحك
لوجين/ كلبة ، تحرڨيني ڨدامهم
شيماء/ ايييه نسيت مقتلكمش بلي كرامتها و كبريائها هوما اللولين
جواد/ شوفو انا شفت فيها الشخصية الاولى كثر من الشخصية الثانية
لوجين/ واحد ماقالك قول رايك
ليث/ اووووه نشم في ريحت البوزلوف
جواد/ يا ولد الكلب راني خوك
ليث/ اييه مادام خويا سما حتى انت ولد الكلب
شيماء/ نستعرف بيك يااااه ههههه