السلام عليكم و رحمة الله تعالى و بركاته
قبل مانبدا بغيت نقلكم حاجة
قررت نعاود نرجع لروايتي بعد غياب عام هكاك وهذا بارت جديد قصير حتان نعاود نقراها مليح ونتفكر حكايتها نسيتها تقريبا😅 ورجعت كعاد حابة نكملها وعلى جال زوج عباد قالولي كملي
علابالي طولت عليكم و عندي بزاف مكتبتش بارت كعاد منفحتليش نكتب ، عندي افكار يهبلوو مي مكانش تشجيع صح لي راهم يقراو هاد الرواية مش بزاف مي واحد ميدير جام ولا يكومونتي يقولي واش رايو بالبارت باش نشوف نكمل ولا لالا نشوف اذا عجبتكم ولا لالا ، يخي ماراح تخسرو والو كون كتبتو ربع كلمات تشجعوني نكملها
المهم الرواية تبدلت طوول مبقاتش نفسها الاحداث تبدلو يعني حسب ماكاين في بالي
نبداو 😘
. 😍. .
نرجعو للجزائر
عند لبنات
لوجين بفرح/ راح نروحو لالمانيا ههههه
شيماء/ لوجين مكلاه تفرحي قادر ميخليوناش دارنا
لوجين بملل/ اوووف قدش نمرة نقولك راح يخليوكم اصلا مش نتوما اللولين ومش اللخرين لي راح تروحو للخارج بالمنحة
فاطمة/ المنحة مكانش اصلا اوووف منيش حابة نكذب
لوجين وهي تغمز/ صدق الكذبة تصبح حقيقة ... ولا حاجة كيما هك محفظتش المثل
دارين بضحكة خفيفة/ هه ... لبنات منيش حابة نروح لالمانيا والفت بدزاير
شفاء/ والله انا ميتة بالفرحة واخيرا راح نسافر
سيدرا/ اما انا ميهمنيش مدام راح نكون معاكم
باستها هبة وهي تقول/ انا ميفرقني عليك غير الموت
شيماء/ نتوما خطيكم من هادو وقولولي كيفاه راح تهدرو لهيه
دارين بسخرية/ بفمنا ... عندك خيار ثاني آنسة شيماء
شيماء/ يادابة قصدي وين لغة
شفاء/ اااا مممم معرف
لوجين وهي تبتسم بخبث/ نوضو وتبعوني
هبة/ وييين
لوجين/ نوضي وبلعي فمك ........ شحال تشتي تسقسي
ناضو كامل و تبعوها وصلو لباب شامبرة جمانة
فاطمة باستغراب/ جمااانة؟؟!! واش راكي تفكري فيه
لوجين في نفسها/ دك نخليهم يوالفو ببعضاهم باش نربح التحدي ( وقالت عادي قصدي مش في قلبها) يخي بغيتو تتعلمو الالمانية (فتحت الباب طوول ) تفضل...
قاطعها صوت عياط جمانة/ قدش نمرة نقولك طبطبي قبل ماتفتحي
لوجين/ اوووف بشوية على وذنيا نعلبو خراك ( تبسمت) اختي العزيزة نطلبك
جمانة / اخرجي وقفلي الباب وراك
لوجين بتعابير الحزن في وجهها/ وانا لي قتلك اختي
جمانة بلامبالاة/ بلعي فمك والباب بلييز
لوجين/ مي الجيش لي ورايا واش ندير بيه
جمانة بسخرية/ وين جيش ماني نشوف فحتا واحد
دورت راسها لوجين وصح مكان حتى واحد تبسمتلها بغباء وقفلت الباب و رجعت لشمبرتها وهي مقلقة فتحت الباب بقوة وشافتهم يڨصرو
لوجين/ نعلبوجدكم وعلاه رحتو
سيدرا/ مسمعتيهاش كيفاه عيطت خفت انا والله
لوجين/ متشوفولهاش راهي ضعيفة تعيط مع اللول وتستسلم مع اللخر ..... هيا امشيو قدامي باش تتعلمو الالمانية و متقعدوش جاهلين قدامهم ، متفهموهم لا راهم يذمو ولا يمدحو
وافقوها لبنات و راحو معاها ، وصلت قدام الباب و طبطبت سنات حتان قاتلها ادخلي ودخلت
لوجين/ وش النظام لي عندكم نتوما تع طبطب الباب و اصبر حتان يجيك الامر
جمانة ببرود/ واش تحوسي
لوجين/ راح نروحو لالمانية يخي
جمانة/ وي. .مي انا واش دخلني
لوجين/ حابين نتعلمو..
قاطعتها/ لا... اقفلي الباب كي تجي خارجة
لوجين/ بلييييييز .. نديلك واش بغيتي
جمانة بخبث/ اووكي مي الشرط مبعد نقولو
لوجين خافت من ردها مي قالت/ ثاااانكس سيستر
. .
هذا كان بارت قصير فيه 500 كلمة كتبتو لعام لي فات ومكملتوش ان شاء الله يعجبكم واستناوني في بارت جديد
باااي❤
أنت تقرأ
وردة الجوري {💜 باللهجة الجزائرية 💜}
Randomرواية من تأليفي باللهجة الجزائرية فيها تمهبيل 😉😉............الضحك 😂😂...........الرعب 😈😈.......الاكشن💀💀
