رحمه اسد🖤

اسد غضبان

رحمة: مين ايللي عمل فيكو كده
جاسم :لازم يدخلو المستشفى
وفي هذا الوقت كان اسد يقود سيارته بسرعة جنونية ولا يري أمامه حتي وصل بيته في المعادي
دخل اسد بيته وكان متوجها الي غرفته
رقيه :اسد.. استني عايزة اتكلم معاك
اسد: انا مش عايز اتكلم مع حد انا تعبان وعايز انام
رقية :انا لما اقولك عايزة اتكلم معاك تقف تسمعني
اسد: ماما...انابجد مش قادر
رقية: ليه فيك ايه
اسد بغضب :قولت تعبان
وصعد اسد الي غرفته وظل يقوم بتمارين الضغط حتي يفرغ غضبه.. حتي انه كان يتعرق بشده من سرعة التمرين
دخل عليه محمد ابوه
محمد :ايه يلا طالع نازل زي الاسنسير كده ليه
اسد: بحاول افرغ غضبي في اي حاجة عشان ماموتش حد
محمد :وانت غضبان ليه
اسد: ههههه هو انا غضبان بس... ده انا غضبان وقرفان وزعلان وزهقان وتعبان
محمد بضحك :وشعبان ورمضان بالمرة
اسد: انت بتالش وابنك في الحالة دي... انت اب انت
محمد :والله انت طالع اهبل لمك.. بتزعل علي حاجات متستهلش
اسد: انت متعرفش حاجة عشان تقول كده
محمد :طب احكيلي
اسد: انا بحكيلك وبتطلع تقول لمي... وبتقرفني انا
محمد :مش هقولها
اسد: احلف
محمد :يارب اتجوز علي امك لو قولتلها
اسد: احلف بحاجة عليها القيمة
محمد :والله العظيم مش هقولها
اسد: عاوز الموضوع من اوله ولااختصر
محمد:من اوله وبالتفصيل المومل
حكي اسد لابيه ما حصل بينه وبين رحمة من اول الحادث لغايه لما تقدم لها للجواز ورفضته
محمد :يعني انت سرقت الملف بتاع البنت من مكتب العميد.... اللي هو صاحبي
اسد: اه
محمد :ومثلت انت ومالك على البنت حوار الحادثة
اسد: ايوه
محمد:واجبرتها ان هي تخرج معاك
اسد: حصل
محمد :والبنت اتسممت وراحت المستشفي
اسد: على يدي
محمد :وانت اتقدمتلها قدام عيلتها ورفضتك
اسد: yes
محمد :وضربت مالك وعمر
اسد: هو ده حصل فعلا.... بس مش ضرب غبي
محمد :والله انا اب بايظ....واحد غيري بعد اللي عرفتو كان دفنك في الجناينه
اسد: يعني انا الحق عليا اني مبخبيش عليك حاجة
ده انا نفسي ابني يعمل معايا كده
محمد :وانت عندك ابن
اسد: في الفيوتشر ان شاء الله
محمد :ده هيبقي فيوتشر اسود على دماغك
اسد: ليه كده... ده انا بقولك طلع عين اهلي من الصبح
محمد :انت بتحب البت دي بجد
اسد: بس متقولش عليها بت... اسمها رحمة
محمد :بتحبها
اسد: ايوه
محمد :بس انت مشوفتهاش غير النهاردة.. والايام اللي فضلت تفكر فيها كلهم على بعض اربع ايام
اسد: يمكن الحب من اول نظرة
محمد :مش يمكن ده مجرد اعجاب
اسد: انا عرفت بنات كتير وبعرف افرق بين الحب والإعجاب
محمد :مااشي ياعم رميو... هتعمل ايه
اسد: اومال انا جي اخد منك استشارات عاطفية ليه مهو عشان اعرف اعمل ايه
محمد انا من رايي تتعامل معها فتره عقبال ما تتعود عليك ..وتكون عديت السنتين دول على خير
اسد:طب ما اخطبها في السنتين دول واول ما اتخرج نتجوز
محمد : هي رحمة منين
اسد: من المطرية
محمد :يا نهار ابوك اسود..... ده بينا وبينهم بلاد مش قادر تحب واحدة من اكتوبر او حتي من المعصرة
اسد: انت ليه محسسني ان هي من بلاد ما وراء النهرين....دي المطرية جبنا ممكن تاخدلها توك توك او مترو هتلقي نفسك هناك
محمد :انت متاكد انك بتحبها بجد.... انت مش عارف
يعني ايه جواز يعني مسؤليه وهم وبهدله وبعد كام سنة هيبقي هندك عيل شحت زيك وبيقولك يا بابا عاوز اتجوز... هتقوله ايه
اسد: هقوله اصبر يا حبيبي لما اتجوز انا الاول
محمد :انت عندك كام سنة يالا
اسد: 26
محمد :ليه انت مش في خامسة كليه يعني مفروض يكون عندك 24او25
اسد: انت نسيت أن انا متاخر سنة عشان كنت مسافر ومعكوك معاك في الشغل
محمد:ورحمة عندها كام سنة
اسد: 23علي ما اعتقد
محمد :طب حاول تصلح الامور ما بينكم وانا هبقي اخطبهالك
اسد: وشرف امك.... احلف
محمد :والله العظيم.. بس لازم تصالح مالك وعمر
اسد: هشوفهم بكرة وهبقي اصالحهم
وفي الصباح كان اسد وعمر في المستشفي وكان معاهم رحمة ورحاب وايمان وجاسم وعبد الله
رحمة: الف سلامة عليكو...مين اللي عمل فيكو كده
مالك: اسد
عبد الله :وهو يعمل فيكو كده ليه
عمر :هو كان متعصب واحنا حولنا نمنعو انه يمشي وهو وتعصب يحسن يعمل حادثة.... راح ضرب مالك بالبوكس وزقني علي الارض
مالك: اااه.. ابن الكلب اداني بالبوكس وانا مكنتش مخون عارفين لو واخد باللي.. كنت حجزتله سرير جمي
رحاب بضحك : مهو واضح والنبي اتوكس... انت فيك نفس
مالك: ايه اللي جاب وجه البرص دي هنا
رحاب :انا وجه البرص... اتصدق الواد اسد ده غلطان... بوكس واحد مينفعش.. كان مفروض يكمل على باقي الجته
مالك: عم جاسم.. مشي البت دي من هنا هتعلي عليا الضغط
جاسم :كلنا هنمشي وانتو  معانا
عمر :لا انتو روحو واحنا شويه وهنمشي
جاسم :لا يا حضرة الظابط... انتو هتتخدو معانا النهاردة
مالك: لا يا عم جاسم... امشو انتو متبهدلين معانا من امبارح
ايمان:لا بهدلة ولا حاجة.. احنا كلنا روحنا وجينا الصبح عشان نطمن عليكو
عمر :برده يا طنط كفاية اللي عملتوه
جاسم :والله ما يحصل....انا حلفت
مالك: بس احنا كده بنتقل عليكو
عبد الله :ما خلاص بقا يا عم مالك... عمي جاسم حلف... وده زعله وحش اوي..اوحش من اسد بمراحل
عمر :اسد... ده انا هوريه
مالك: وحياة امي لما اشوفه لخلص منه القديم و الجديد
جاسم :طب يلا علي العربيه بقا
وصعد رحاب ورحمة وايمان في عربيه رحمة
وصعد جاسم وعبد الله ومالك وعمر  في عربية جاسم
ووصلوا المطرية
عمر :هو انتو سكنيين في المطرية
عبد الله :اه
عمر :انا عمري في حياتي ما جيت المطرية
مالك: انا جيت قبل كده
عبد الله :جيت ليه
مالك: في عندكو متحف اسمه بئر مريم
او بصراحة انا مش فاكر اسمه بالظبط المهم جيت عشان اصوره كام صورة عشان كنت عامل بحث عنه
رن تليفون عبد الله
عبد الله :الو
رضوة :الو يا عبد الله....انتو فين
عبد الله :احنا تحت يا واطية... ماكنتي استني معانا ونروح سوا
رضوة:والله انا تعبت فروحت معلش.. المهم
اللي اضربو ونقلنهم المستشفى عملين ايه
عبد الله :هما كويسين... وطلعين معانا دلوقتي
روضه :ايه ...طلعين فين ؟؟
عبد الله :اقفلي بقا يا رضوة... عشان احنا تحت
وفي هذا الوقت كان اسد ذاهبا إلى الكلية وخرج من غرفته وكان ذاهبا ولكن اوقفته امه
رقية :اسد استني عايزة اتكلم معاك
اسد: يا فتاح يا عليم يا رزاق يا كريم
رقية :انت بتبرطم بتقول ايه يا وله
اسد: بقول نعم يا ماما
رقية :ايه الاحترام ده
اسد: انا مش عارف اعمل معاكي ايه امشي ومتكلمش معاكي... مش عاجب
اقف واتكلم بأدب... برده مش عاجب
رقية :طب مش هتيجي تسلم على بنت خالتك دي بقت زي القمر
اسد: هما جوا
رقية :ايوه... هي وخالتك
اسد: كويس انك قولتيلي عشام الحق اهرب
رقية :انا مش عارفة انت هتعد كده لغاية امتي
هو انت فاكر نفسك صغير
اسد: انا همشي عشان متاخرش
رقية :طب وخالتك
اسد: سلميلي عليها انت... عشان انا مش عايز اسلم عليها
رقية:طب وبنت خالتك
اسد: يعني انا مش عاوز اسلم على خالتي هسلم على بنتها
وذهب اسد مسرعا
وفي هذا الوقت كان الكل في بيت جاسم مجتمعون حول المائدة وياكلون
سهير جدة رحمة:مين الشباب الحلوين دول يا جاسم
جاسم:ده مالك زميل رحمة في الكليه وكان جي يزورها وحصلت معاه حادثة وده حضرة الظابط عمر
ابن عمه وكان معاه في نفس الحادثة
سما:وكليه طب صعبه بقا يا دكتور مالك.... مش كده
مالك: صعبه... دي هباب
رحاب:هي صعبه علي اللي شايفها صعبه... ماهي رحمة عمرها ما اشتكت منها.... يمكن بقا عشان رحمة شاطرة
مالت رحمة علي ودن رحاب قائلة لها في همس :
خفي على الواد شويه
رحاب :اسكتي انتي.. انا متغازة منه من امبارح
فاكرة ردحلي ازااي
ده طلع بيعرف يردح احسن مني
ايمان :انتو مبتكلوش ليه هوالاكل وحش
عمر :لا والله يا طنط...تسلم ايدك اكلك حلو اوي
ايمان :هو الصراحة مش اكلي انا لوحدي
اكللي انا والبنات
عمر :يعني كلكو بتطبخو مع بعض
ايمان:يعني مثلا رحمة بتعمل الرز والمكرونه
ورضوة بتعمل الملوخية والبطاطس
وانا بعمل الفراخ واللحمة
ورحاب بتعمل السلطة
مرة انا امسكهم واعمل معاهم
ومرة ام عبدالله تعمل معاهم
ومرة سما هي اللي تعمل معاهم
مالك: ثانيه واحدة معلش....يعني السلطة اللي انا بقالي ساعة باكل فيها رحاب اللي عملها
رحمة بضحك :ايوه بالظبط كده.... بالهنا والشفا
مالك: اااااه... بطني
ضحك الكل على مالك حتي رحاب لم تستطع السيطرة على ضحكاتها  عندما رات تعبير وجه مالك
وكان في هذا الوقت وصل اسد الي الكليه وحضر اول محضرتين
ولم يجد لا مالك ولا رحمة
اسد: هما الاتنين دول مجوش ليه لا مالك جه ولا حتي رحمة....يحسن تكون رحمة لسه تعبانه لا لا لا
ابوها قال ان هي بقت كويسه وكان مفروض تخرج من امبارح
طب هو انا مجنن نفسي ليه ما اتصل علي مالك وأسأله وبالمرة  اعرف هو مجاش ليه
وكان في هذا الوقت مالك قد انتهى من الاكل ويغسل يده ولم يسمع الهاتف
جاسم :بس انت بتخدم فين يا عمر
عمر:انا بخدم في اكتوبر... طبعا لو عوزت اي حاجة يا عم جاسم انا عيني ليك... انا ليا حبايب في القاهرة كلها وأعرف ناس من دفعتي عندكو
جاسم :ربنا يخليك يابني... شيلك للعوزة
عبد الله :اناكده خلصت ياعم جاسم.... ظبطلك النور بتاع السطح كله
جاسم:عارف يا عبد الله لو باظ زي المرة اللي فاتت هعمل فيك ايه
عبد الله:طب اطلع شوفه بنفسك
جاسم :طب والله فكرة... تعالو نلعب عشرتين طاوله على السطح
مالك:انا مبعرفش العب طاوله
عبد الله :خلاص العب معايا كوتشينه
رحاب :طب ما انا كمان عايزة العب معاك
عبدالله :خلاص اعملو انتي ورحمة دور شاي وهاتو
رضوة وتعالو  العبو معانا
طلعوا الرجاله علي السطح ورحاب ورحمة ورضوة كانو بيعملو شاي وكيكة
رن تليفون مالك
رحاب :هو تليفون الزفت ده مش هيبطل رن
رحمة: طلعهولو يا رحاب... دي رابع مرة يرن
رحاب:انا اطلع التليفون للرخم اللي فوق ده... ده مستحيل
رضوة :متبصليش... انا مليش دعوه
رحمة: خلاص خلاص... هو سكت
رن تليفون مالك مرة ثانيه
رحاب :ردي يا رحمة.. وقليلو مش موجود وخلاص
رحمة: انا مالي يا ستي... خلاص هو سكت
رن تليفون مالك مرة أخرى
رحاب:رحمة والله العظيم لو مارتدي لكسر ام التليفون ده
رحمة: خلاص خلاص.. ده انتي مفتريه
ردت رحمة علي التليفون
اسد: الو...ايه يا زفت15مره اتصل عليك ومتردش
الو الو.... مالك
رحمة: الو
اسد: مين معايا
رحمة: انا رحمة
اسد بغضب: وبتتكلمي من تليفون مالك ازاي
رحمة: مهو مالك عندنا في البيت
اسد بغضب :واه اللي جاب مالك عندكو في البيت
رحمة: ده مالك وعمر كمان
اسد وقد تغير صوته: الله الله.. ده مالك وعمر عندك في البيت وانا طرطور
رحمة: وانت مالك...انا حرة.. وبعدين اخلص وقول عاوز ايه عشان عاوزة اطلع  العب معاهم على السطح
اسد: وكمان بتلعبو مع بعض
رحمة: ده احنا كلنا وهنلعب مع بعض كوتشينه
انا نزلت عشان اعملهم شاي
رحاب:رحمة تعالي بسرعة
رحمة: ايوه انا جايه اهو
رحمة: اسد مالك نسي تليفونه هنا انا هطلعله عاوزني اقوله حاجة
اسد بغضب هائل :لا... انا هاجي اقوله كل اللي عاوز اقولهولو بنفسي
واغلق الخط
عايزة تقولو لي رايكو في الفصل✍️... واعملوا ليك💖 وشير للروايه وطبعا اهم حاجة عندي رايكو😍
معلش بقالي فترة مبنزلش 😅😅