رحمه اسد🖤

فرح عبد الرحمن

اسد: هههههه..نازل السبتيه تجيبلهم رجالة وتيجي
هههههه..لا انا بقول قعدة صلح احسن
مالك: والله ما هسيبهم.. خصوصا الاوزعة زعيم العصابة ده
تامر:يابني اسكت انا لغاية دلوقتي مش عايز اتعافي
عليك
مالك بعصبية :ابن مين السرسجي ده
رحمة: ده اخويا.. لطيف مش كده
اسد: يعني الاتنين دول خواتك
رحمة: ايوه
مالك وهو بيشاور على سارة وتامر :يعني كيدهم وعبده موته دول اخواتك
سارة وهي بتشاور على اسد: مين درفة الدولاب ده
رحمة: سارة عيب.. ده انكل اسد.. زميلي في الكليه
اسد بسخرية:انكل ايه بقا ما خلاص... بتقولك درفة الدولاب
مالك:انا جعان
رحمة:خلاص يلا هاتو التربيزة دي عشان تاكلو
قام عبد الله ومالك باحضار تربيزة كبيرة ووضعوها في المنتصف واحضرو الكراسي وجلس الجميع
وجاء عبدالله ليجلس بجوار لارا
تامر:رايح فين يا عبدالله
عبدالله: هعد...عشان اكل
تامر: لا انا هعد جمب البت دي
عبدالله:...ولا اتلم ...وبعدين ايه بت دي..دي قد امك
لارا بصدمة:شوووو....ولك ما بتستحي علي حالك
كيف بتقول اني بعمر امه
عبدالله: انا..انا..مقصدش..انا بس كنت عاوز اسكته
لارا:والله ما حد يقعد حدي غير هيدا الولد القمر
لارا:شو اسمك حبيبي
تامر:اسمي تامر ..وصحابي بيقولولي يا تيمو
لارا:ولك يقبرني هيدا الاسم
تامر:عجبك اسمي ....عارف اكيد عجبك
لارا:هههههه..والله هيدا الولد كتير قد حاله
عبدالله: بغضب:وانا اقعد فين ..ان شاء الله
مالك:تعالي ياخويا جمي..انا مش عارف ايه الزمن الاخبر ده..الواد مبجيلناش عند روكبنا ...وبيشقط واحنا قعدين😂😂
سارة:احم...انت يا استاذ
اخفض اسد راسه الي مستوي سارة وقال لها:نعم
سارة:عاوزة اكل
اسد:ماتكلي
سارة:عاوزة اقعد جمب اختي وانا باكل
رحمة: بس يا سارة مضيقيش عمو
اسد:يلا يا حبيبتي اسمعي كلام اختك ومضيقيش عمو...هو اللي هنعمله في الناس هيطلع علينا ولا ايه
سارة:رحمة لو مقعدش جمك انا مش هاكل...
رحمة: لا يا قلبي خلاص عمو اسد هيقوم وهيسبلك مكانه..عشان هو عاقل..مش كده يا عمو اسد
اسد:لا مش كده مين قال اني عاقل...ده انا اعيل منها
سارة متظاهره بالزعل:خلاص يا رحمة مش هاكل
نظرت رحمة الي اسد
اسد:بتبصيلي ليه...دي بتمثل
رحمة: عشان خاطري يا اسد.... بص قد ايه هي زعلانه
اسد: لا وعلي ايه..جز علي اسنانه وهو ينظر الي سارة ويقول لها:احنااا عندناا كام ساااارة
نظرت سارة الي اسد نظره خبث وجزت هي ايضا علي اسنانها وهي تقول: شكرااا يا اااسد
اسد:وانا هعد فين
مالك:تعالي يا اخويا جمب رفيقك في الكفاح...اقعد جمب عبدالله.. جتكو وكسه
وفجا يدخل زياد
زياد:انا جيت....قعدين وبتكلو ومبسوطين ..وانا طالع عين امي في الدروس
رحمة :جبيبي اللي مبيسألش عليا
زياد:المزة بتاعتي اللي منفاضالي
رحمة: تعالي يا قلبي عشان تاكل..حتي عشان يبقي عندك عضلات وتعجب اللي بالي بالك
زياد وهو يحاول تغير الموضوع:هو انا بيمليى عيني غيرك يا جميل
رحاب:احم...رحمة ابوس ايدك وضحي عشان اسد وشه بقا احمر وعروقه طلعت..وحسا انه هيقلب الرجل الاخضر دلوقتي😓
مالك:ايوه..والنبي وضحي بسرعه عشان انا اللي قاعد جمبه
رحمة: هو انتو متعرفوش زياد..ده اخويا
كانت هذه الجمله مثل جردل ماء بارد انسكب علي اسد فهدءت عروقه ورجع وجهه الي طبيعته
زياد:انا همشي بقا عشان عندي دروس
مالك:ما لسه بدري يا وحش وبعدين ده احنا كنا عاوزين نشوفك من زمان
زياد:انت مين يا معلم وكمان مين الاخ ابو عضلات ده
رحمة: ده مالك زميلي في الكليه وفي المشروع
احم..والاخ ابو عضلات ده ..يبقي اسد زميلي في الكليه ..وكمان شريكي في المشروع
زياد:انتي خلاص هتعملي المشروع ده بجد
رحمة: ايوه بجد وبعدين ده مبقاش مشروعي لوحدي ده بقي مشروعي انا وكل الجماعه اللي قعدين
بصراحة تعبنا اوي من الصبح واحنا بنشتغل
زياد:اه...صح انتو ليه اتخنقتو مع ايهاب
ما ان سمع اسد هذا الاسم حتي غلي الدم في عروقه
وكان هذا واصح امام الجميع
رحمة: ااا..و..و.وانت مالك بيه سيبك منه
زياد:ده صاحبي...وهو محترم جدا وانا كنت عاوز
اعرف اتخنقتو معاه ليه؟؟
لم يستطع اسد التحمل اكثر فقام وضرب التربيزه وهو يقول:انا اللي اتخنقت معاه ...محدش اتخانق معاه غيرى
زياد:وانت اتخنقت معاه ليه؟؟
اسد بغضب وقد تغيرت ملامح وجهه:مسك ايد خطيبتي
زياد:خطيبتك مين
اسد:رحمة.. اختك
زياد:اااايه؟؟
و في مكان تاني كانت رقيه ام اسد تتحدث مع زوجها محمد الجرحى
رقيه:ابنك مش عاجبني
محمد:مش عاجبك ليه ..ده حتي الواد طالع امور لابوه
رقيه: انت بتهزر يا محمد..انا بتكلم جد..الواد مش عاوز يتجوز ..هو فاكر نفسه صغير ده عنده ٢٦سنه
محمد: مين قال...ده حتي بيحب واحده زيميلته
في الكليه.. وعاوز يتجوزه
رقيه:ايوه انا برضو دخلت عليه مره لقيته بيكلمها
محمد: اول ما يصلح علاقته معاها ان شاء الله
هخطبهاله
رقيه:تخطب لمين يا محمد هو احنا نعرف عنها حاجه
محمد: ياستي..انتي مالك هو انتي اللي هتتجوزي
ولا هو. ....هو اللي هيعيش معاها من حقه يختار الانسانه اللي هيكمل معاها بقت حياته
رقيه:بس يا محمد المف...
لم تكمل رقيه كلمتها الان محمد قاطعها وهو يقول
-خلاص مفيش نقاش في الموضوع ده تاني
سبيه عشان لو حصلت مشاكل بعدين ميجيش يقول انتو السبب ساعتها مش هيلوم الا نفسه لان ده كان اختياره وبعدين ده جواز ومفيش فيه اجبار
ان عاوز اسد هو اللي يختار هو عاوز يجوز مين انا مش عاوز اجبره علي حاجه.. ابنك مش عيل فوقي بقا ده اسد الجرحي ...انا معوده من وهو صغير انه يبقا راجل ....وبنك بيحب مقدرش احرمه من الانسانه اللي بيحبها
وفي هذا الوقت نزل اسد من البيت واتجه الي بيت رحمة وكان الغضب  تملك منه
وصعد علي السلم..ليري ايمان
ايمان:ازيك يااسد
اسد:ازيك يا حماتي
ايمان بتعجب:حماتك؟؟
اسد: ايوه انا عاوز اخطب رحمة بكره
ايمان:يابني انت مجنون....هو بمزاجك
ماقولتلك البت دماغها جزمه
اسد:رحمة موافقه
ايمان:بتقول ايه...ازااي
اسد:ايه اللي ازااي...هو انتو مستقلين بيا كده ليه
انا اساسا عريس مترفضش
ايمان:يعني اقنعتها ازااي
اسد:معرفش...المهم ان هي اقتنعت...وانا عاوز استعجل لان بنتك دي مجنونه...ممكن بكرا تيجي تقولي بكرهك
انا عاوز الخطوبه بكرا
ايمان:رحمة عارفة ان الخطوبه بكرا
اسد: لا بس انا هقولها...متخفيش سبيها عليا
ايمان:اولا كده مينفعش بكرا...لان بكرا فرح عمها عبد الرحمن...وده اصغر عمامها
خليها الاسبوع الجاي حتي تكون اقنعتها واقنعت ابوها بالمرة
اسد: طيب في موضوع انا كنت عاوزك فيه
ايمان:موضوع ايه
اسد:في واحد تحت اسمه ايهاب لما كنا بنشتغل تحت في المشروع ...انا وقعت من الدور التاني
ايمان:يانهار ابيض يا حبيبي ... انت كويس فيك حاجه...طمني
اسد:لا انا كويس متخفيش ...المهم رحمة جايه تشوفني وتقولي الف سلامه ..لقيت المعلم بيقول عليها خطيبته...عايزه افهم منك هو قال كده ليه؟؟
ايمان:بصراحه هو متقدم لرحمة...وكان عاوز يتجوزها
اسد:لا ده كده الموضوع كبر...احنا لازم نستعجل في الخطوبه عشان منديش لحد فرصة انه يتكلم
ايمان:ان شاء الله... طبعا انت معزوم بكرا علي الفرح
اسد:عاوزك تتوقعي مني اي حاجه بكرا في الفرح
ايمان:انت هتعمل ايه
اسد: هخلي رحمة توافق ع الخطوبه بس بطريقتي
ونزل اسد من البيت...
مالك: كنت فين
اسد:كنت بتكلم مع مامت رحمة في موضوع المهم يلا عشان عندي انا وانت شغل كتير
رحمة: رايح فين يا اسد
اسد:هروح كمان عندي فرح وعاوز اجهز
رحمة بفرح:انت جي الفرح
اسد: امك عزمتني..بس الصراحه مش عارف اجي ولا لا
عبدالله: طبعا هتيجي ...انت بتستعبط
وزياد:وانت كمان يا مالك لازم تيجي الفرح
مالك:طبعا يا باشمهندس...احنا نقدر نتأخر
اسد:طب نمشي احنا بقا
وفي اليوم الموعود الذي هو فرح عبد الرحمن
كان يقف في الفرح عبد الله وعمه جاسم
وجميع المعازيم
جاسم:هو مش اسد ومالك جايين
عبد الله: ايوه...بس مش عارف اتاخرو ليه
هتصل اشوفهم
عبد الله:ايوه يا اسد...انتو فين
اسد:احنا خلاص برا ودخلين
دخل اسد ومالك وقد سرقو جميع الانظار
كانو في ابهي صورة وحرص اسد ان يكون في ازهي صوره حتي يستطيع تنفيذ خطته
وكان اسد يرتدي بدله سودا وعليها چاكت كروهات مودرن كان مره كول