*انثئ في معتقل الحب*
بقلم( zainab )عطر الورد
............. ............ ............ .........
اريــد اكتب شعر واتغــزل باسمك
لان اسمك جميل وجاي من رسمك
اذا مو الك اكتب المن لعد اختــــار
صدكنـي الكلب مشتــــاك يكتبلــك
احتــــار القلــم لمن جبت طاريــك
يكلي الورق يخجل لو كتب اسمـك
صفن بيدي القلم وصرت اني احاجيه
ويكلــي بصراحة شــراح اكتبلـــك
ضحكاتك غزل يا كامل الاوصاف
واشفافك عسل والورد من عطرك
وعيوني من تشوفك تبقى تحلم بيكن
تحجيلك شعــر والرمش يعز فلـــك
مو كافي وصف يل بيك حلو أطباع
بس شوصف بعد لو رايد اوصفلك
فداك العمر وحتى الگلب و الروح
ولك كلّي فداك .... اتريد احلفلك
(منقول)
.............. ........... ..........
البارت ٢٠
مساء الخير😊
(تصويت::تفاعل)
.........ديمة......
جنة كاعدين اني وخالتي ونسوان ..نسولف ونسمع
بس صياح..كلها تتراكض ما اعرف شنو صاير
اجو ..اثنين ولد ع حجيه هي جبيرة بييتهم
شاورها هي كامت صح مرة جبيرة بس كلمتها
ماشيه كامت ع حيلها وبيدها عودتها..وهي تكول
وسفه هيج يصير تعال بيبي وياي..
راحت بس ما اعرف شنو الصاير اني ضليت
خايفة كلت سيف مسويله مشكله لان اعرفه يحب
المشاكل يمكن اليوم ما يسوي بيه مشكله ما يرتاح
اني من شفتها كامت لا اراديا طفرت من مكاني
اريد اكوم اشوف خالتي تخزر بيه معناه اكعدي
نسيت نفسي وكعدت ع نار ما جان نسوان موجودات
بس احنا لان النسوان كلها راحت اشوف العركة اني
اريد بس اكوم بالي ضل يم سيف اشوف سامر نزل
اجت سارة شاورتني كالت لاتكومين عيب منا ناس
غربه شيحجون علينه ضليت مكاني اشوف سامر
نزل من الدرج لابس دشداشة بيضة شعرة مخربط
ضحكت عليه لان جان ما منتبه ع نفسة حتى ما شافنه طلع بسرعة وهو مبين عليه متوتر..
صاحتنا ام سامر ندخل بغرفة الحجية بس خالتي
لا انريد انروح بس نشوف وضع حنين ..هي كالت
اصعدولها رحنا صعدنا وهي ويانه دخلنه لكينه
حنين كاعدة ع الجرباية وهي جانت لابسة قفطان
ابيض مطرز بذهبي بس كاعدة وتبجي راحت عليها
خالتي تركض..اتكللها شبيج تبجين ما يصلح..
حنين:ماما صارت عركه..وهسة خابرو سامر وطلع
فدوة شصاير..
ام حنين:والله يمه حالي حالج حتى اني ما اعرف..
ام سامر:يا عمه اهدي ماكو شي وما يصلح تبجين
بليلة عرسج...
طبعا ام سامر مرة حبابة وفقيرة حتى تدخل لكلب
بسرعة من اول ما اشوفها ..
اني اجيت لازمة اديها واني خايفة اكثر ع سيف
وحنين ع سامر اسمع خالتي اكوللها خلصتو اني
من نفسي خجلت غلست هي هزت براسها ايي
خالتي باستها..وخالاتي همين طبعا امي ما اجت
ضلت اهناك تعزل الهوسة وهي كالت ما اجي انتو
كافين ..
بعد ما اتحمل اكثر لازم اعرف شصاير كمت وكلت لخالتي..
خالة اريد اروح للحمامات...اغسل
ام حنين ؛ولج ديمة روحي بسرعة وتعالي ..
لاتتأخيرين بسرعة تعالي....
رحت واني اصلا ...ما اعرف الطريق لان بيتهم كلش
اجبير شفت اربع غرف ماكو ولا بنيه ..التفت منا منا
ماكو اريد بس اسال واحد بعدين مشيت ..وصلت لدرج..واني مترددة انزل لا ..ضليت واكفة شوي بعدين كلت خليني انزل اذا ما لكيت وحدة اصعد
نزلت ع كيف حتى ما اطلع صوت واني خايفة
يشوفني واحد لان ما اعرف منو بلبيت بس نسوان
اجمعت بقت بغرفة الحجية ..وبس ام سيف وام سامر يفترن وصلت لنهاية الدرج اشوف ابنية تقريبا
بعمري جانت لابسة دشداشة وكافه اردانتها ...
اشأرت عليها تجي يمي هي كالت..
حبيبتي ليش نزلتي..منا الولد وخاف ايشوفج واحد
حرت شجاوبها..
ديمة؛هاا لا مو نزلت لان حنين خطية قلقانة ع سامر
وتريد تعرف شنو صاير...
شفتها باوعت منا منا ..كالت تعالي وياي ..
رحت وياها واني لازمه ايدها دخلنه لمطبخ..
شفت مواعين ..وجدوره وكاصات ماي صايرة هوسة
هي خطية تغسل وتحجيلي..
هذا اخو جنتنه رشا سكران هو وابن عمي ..واحد
حاجي عليهم وصاير بيناتهم حجي وضاربين ابن
عمي بسجين وهسة ايدة موزينه ..مكطعين شراينه
وهم همين ضاربين واحد منهم...اني بسرعة كلتها
وسيف..هي جانت مامنتبه..بس كالت
سودة عليه يركض منا ويرجع منا ...
فتحت البردة لان سمعت صايح هي همين فضوليه
اتريد تعرف شصاير جان الجام مضلل احنا نشوفهم
بس هم لا باوعت اشوف سيف واكف وبيدة جكارة
ويفرك برأسه انتبهت ع ايده بيها دم ..خفت عليه
واسمع سامر يصيح..
سامر:اذا صار شي بابن عمي نفلش بيوتهم..
ومناك ولد يصحيحون ويههدون والطارمه وحديقة
متروسه زلم..اكو دم بكاع ..اني تلعب نفسي
من الدم ..غمضت عيوني ..اسمع صوت خالتي ..
ع الدرج وهي اصحيني...رحت ركض ..
ولج ديمة وين رحتي صالي شكد ادور عليج..
كلبي وكف ..مو كليتلج لا تتاخرين..الله يساعد
سمية عليج ...تعالي وياي اصعدي وبعد لاتنزلين
همزين ما شافج واحد..
ضلت خالتي تحجي واني اصلا مو يمها ..
صعدت ..وحنين تباوعلي لان عرفتني نزلت اريد اعرف السالفة كعدت يمها وحجيتلها..خالتي ضلن
يحجن ...صعدت النا ام سامر...
ام سامر:اعذرونة والله ولد وشباب وشاربين..وعايلين بولدنه..
ام حنين:لا خية عادي هاي السوالف اصير بكل الاعراس..
اجت ام سامر ع حنين ..
ام سامر:سنة اعذرينه لاتخافين ..ما خليناج تفرحين..
حنين ودموع بعينها..وين سامر..
ام سامر .لا تخافين هسة يجي بس انتو كملتو..نسيت اسال سامر من وراء الهوسة..
حنين هزت براسها وهي خجلانة...
ام سامر هلهلت...وباست حنين براسها...التفت
ع خالتي..عيني انتو تباتون..
راسا خالاتي كالن لا ما نكدر..
ام سامر:عيوني هسة ما نكدر الولد ما فارغين علمود
يوصلوكم باتو يمنه..والصبح إنشاء الله نوديكم..
خالتي كالت نخابر ابنه علي يوصلنه..
راسا خالتي الثانية كالتها..لا نتتظر هسة شورانه..
هي راحت المرة اترخصت منا..
