انثئ في معتقل الحب

البارت ٣

                    *انثئ في معتقل الحب *
                بقلم(zainab )عطر الورد
البارت٣
مساء العافية(قبل لاتقرون صوتولي:☆تفاعل)

.......ديمة.......
الطريق طويل اباوع من جامة السيارة اذكر اشلون ضلمونه بيت جدي خلونه نترك كلشي نحبه تركنا مداراسنه اصدقاءنة حرمونه من حنان الاب ...
مرات الغريب ارحم يصير.....
اباوع ع امي اشوف وجها اصفر ادري بيها مريضة وتعبانه بس تحاول تبين قوية كدامنه.....
دارات وجها النا
سمية:ماما جوعانين تنزلون تاكلون
ديمة:واحنا ماماكلين من الليل وطلعنه بدون غدة بيومها حتى بطني كامت اطلع اصوات  😂
مصطفى :ماما راح اموت من الجوع
ديمة:اني بعد ما اتحمل اي شي اكله حتى لو خبز يابس
سمية:يمة عمت عيني عليكم جوعانين
خوية اوكف يم هذا المطعم....
ديمة:وكف السايق يم المطعم ...نزلنه اني وامي ومنتظر ومصطفى...
واني اشم ريحة الكباب شوي....دخلنه طلبتنه كباب وخبز...شوي واجه 😍ماخلينه شي بيه من كد ماجنه جوعانين...وبنفس الوقت فرحانين لان خلصنه من تحكم عماتي....اشوف امي ما اكلت...قليل تباوع علينه وتبتسم...اني اعرفها من اضوج ماتاكل

بعد ماخلصنه طلعنه رحنه لسيارة كملنه الطريق نعست ونمت ما ادري بروحي.....
سمية:ماما ديمة اكعدي وصلنه لبيت جدج
ديمة:اممم خليني نايمة..
سمية:ماما احنا مو بلبيت اكعدي وصلنه لبغداد
ديمة:فزيت من سمعت بغداد...كعدت وبعدين اذكرت اني وين....السايق نزل الجنط اخوي شال جنطة وماما جنطة....وصلنه لباب دكت ماما الباب

جان بيتهم كلش اجبير...طابقين وحديث ...
شوي وطلع مهند ابن خالي....
مهند:ياا عمة هلا بيج اشلونج عمة والله مشتاقيلج...

باس ماما وسلم ع اخواني وباسهم وصل يمي كالالي
مهند:هاي انتي ديمة يمته كبرتي شو صايرة حلوة
ديمة:بارحة كبرت...
مهند:وصايرة تحشيشين
ديمة:شنو ماناوي تخلينه ندخل
مهند:لا كل هلا بيج ست ديمة
دخلنه لبيت جدو جانت الطرمة جبيرة وبيها حديقة وصلنه لباب المطبخ ...لكيت خالتي ندى الزغيرة..واكفة ع سنك تغسل امواعين ...خطية من شافتنه اجت ...حظنت ماما..خطية ماما من حظنتها
اطلقت العنان لادموعها...الجانت محبوسة...
ع صوت اجت بيبتي...وخالي ومرته وخالتي الجبيرة..أرملة.. وعايشة يم بيت جدو ...حتى مرت عمي الي هي خالتي....

خالي حظنة..وكال النه
سلام:هلا بولدي وبنيتي تعالو...وفك النا اديه
حظنه خالي..صدك لو كالو الخال والد...
وهو يبوس بينه...ويكولنه احسبوني اني ابوكم وعمكم وخالكم....اي شي تحتاجونه اني يمكم
انشاء الله ما راح اقصر وياكم...
بيبتي اجت همين تبوس بينه.....
وماما خطية باست راس بيبتي....وبعدين حظنتها وضلت تبجي....واكوللها ضربوني...ورادو ياخذون جهالي...وحتى بلبوك تهموني...واني ام العز والدلال شفت الضيم...
بيتي اتهدي بيها.....وتكالالها
لابارك الله بيهم...خلي يولون هذا بيتج واعتبارج ومحد يحاجيج....ولا يكلج ع عينج حاجب...
خالاتي حاظنتنه....الا خالتي الجبيرة صفية...ما اعرف اشلون..تباوع علينه جان تحجي
صفية:اي جا انتو تبقون اهنا شو اهلكم وتبارو منكم وهسة خطية راح اطيح كلها براس سلام...
والله ناس تاكل دجاج وناس تتلكى العجاج(هذا جان مثلها)...ردت عليها بيبتي....
ولك انتي يمته تبقين هيج انانية تحبين بس نفسج لابارك الله بيج ...اختج جاية وتعبانه وفوك ضيمها انتي ازيدين عليها...
صفية:يا واني شحاجيه...هي ما عرفت اشلون تحافظ ع زوجها...هسة هو بخارج وما همه...واحنا نطيح بيها...
الحجية:ولج لو ما هاي اختج...روحي ما اريد اشوف وجهج...
راحت واباوع ع امي دمعتها بعينها ...ماتكدر تحجي..خطية بيبتي رادت تهدئ عليها..
كلتلها .....
معليج بيها هي من مات رجلها لحد الان متغيرة..لاتاخذين بخاطرج منها.....
اجت...اسراء زوجت خالي...سلمت علينه ....بس احسها وجها ثكيل..صحيح رحبت بينه...بس مو من كل كلبها...حقها اذا هي خالتي اخت امي وهيج تحجي ...بقت عليها...